10

3522 Words

نوف :- ما اشتهيت 0000[قامت وطلعت ] اول ما دخلت الغرفه وصلت رساله فتحتها من زيد {تعالي كلي زي الناس احسن لك والا ترا والله لا ازعل عليك 00كانك تحبيني تعالي كلي 00أحبك }نوف رجعت ناظرها زيد وابتسم لها أم عبدالله :- غيرتي رايك نوف :- ما نقدر على زعلك يالغاليه 000[الكلام موجه لزيد] زيد فهم وابتسم نايف جالس معاهم ولا كانه موجود زيد :- نايف يالله قوم خلنا نمشي نايف سرحان ماسمعه زيد :-[بصوت عالي ] ناااايف نايف:-هلا زيد:- قم غير ملابسك يالله طلع نايف يغير ملابسه وام عبد الله طلعت بعده 00نوف جالسه تاكل وزيد يراقبها من بعيد زيد :- توي ادري اني غالي 00لا بعد يمكن اغلى من الغالي نوف :- [ناظرته بطرف عيناه ] عشان امي رجعت زيد :- واضح نوف :- طيب ليش ما تاكل ولا بس ماسك على غيرك افطروا كلوا وانت تراقب زيد :- مافيه احد وصاني وقالي نوف :- طيب هذا انا اقولك تفضل كل 00 ولا تبي احد ويوكلك زيد :- ياليت اكل من يدك نوف :- [انحرجت ] بروح اكمل لبسي وانزل عباتي 0[طلعت صادفت نايف نازل ] نايف :- خلصتي 000يله نزلي عبايتك واغراضك نوف راحت تجيب اغراضها ونايف وزيد في السياره زيد :- يا خي ابتسم شكلك يجيب الكآبة 00مايسوى عليك نايف :- بسالك لو كنت في مكاني وش بتسوي زيد :- والله بفكر بعقلي وبشوف ان كل اللي تسويه غلط جت نوف وعم ال**ت في السيارة 0000بعد دقايق نايف :- نوف منى معها جوالها نوف :- واالله مدري نايف :- دقي شوفي زيد :- نايف وش قلنا نايف:-[بصوت تعالي معصب]انت ما تحس فيني افهمني انا ما قدر اتركها حرام عليك زيد :- طيب أي يوم تدق نوف وتسالها عنك وموضوعك نايف :-[يقاطعه ] لا ما بي احد يتدخل انا اتفاهم معاها نوف :- خلاص بدق الحين 000 تدق و000يرن 000يرن منى :- [صوتها نايمه ] الووو نوف :- صباح الخير000صحيتك من نومتك يا قلبي منى :- ذكرتيني باتصالتنا اول هذا الوقت نوف :- وش رايك تداومين اليوم منى :- مافيه احد يوصلني السواق مسافر نوف :- نجي ناخذك نايف التفت على نوف يستنى رد منى (يا الله لو توافق واشوفها ) منى :- انتي ومين؟؟ نوف :- من تبين ؟؟؟؟ منى :- من معاك ؟؟ نوف :- فيه نايف وفيه زيد ولد عمي منى :- لا صعبه نوف :- قولي لمك 00وانا اجي واسلم عليها وخذك منى :- تعطيني دقيقتين اسالها نوف :- استناك لا تطولين [قفلت نايف :- وش قالت نرجع نوف :- زيد ممكن اذا ما كان عندك مانع نرجع [لانهم قربو من عند الجامعه ] نايف :- وش رايكم ماله داعي نداوم ونروح نفطر في أي مطعم وعلى حسابي نوف :- بدا الكرم 00[رن جوالها] نايف :- ردي بسرعه نوف :- [تستهبل بكل برود 000]ليش مستعجل 00الوو منى :- هلا نوف [بصوت كئيب ] نوف :- لا تقولين صوتك ما يطمن [نايف اللي كان لاف يراقبها تغيرت ملامح وجهه بعد ما سمع نوف] منى :- وش اسوي نوف :- ليش كذا منى :- ههههه استهبل صدقتي ساعه وانا اقنعها لحد ما وافقت نوف :- طيحتي قلبي يالبايخه تعرفين تستهبلين نايف يأشر لنوف نرجع نوف :- ايه نايف :- زيد وقف خلني اسوق زيد :- تو مالك نفس وقف وراح نايف يسوق السياره 00باقصى سرعه منى :- نوف خمس دقايق البس ممكن نوف :- بسرعه لا تخليني استنى وصلو البيت في دقيقتين وقت قياسي نوف دقت على منى :- هلا خلصتي منى :- ليش وصلتو نوف :- مستنين الاميره تتكرم وتنزل منى :- لبست بس باقي شعري انزلي عند امي لحد ما خلص نوف :-طيب لا تطولين 00ترا بروح واخليك منى :- يطاوعك قلبك نوف :- لا والله يا قلبي 000قلبي ما يرضى يزعل حبيبته منى :- تسلمين نوف :- خلاص بنزل 000قفلت نوف نايف :- لا تطولين نوف :- بحاول قد ما اقدر نزلت نوف 0000دخلت سلمت على أم منى 000شوي ونزلت منى قامت نوف وحضنتها وتصيح نوف :- والله مشتاقتلك منى :- وانا اكثر أم منى :- الله لايفرقكم 00بسرعه لا تتاخرون نايف :- زيد قلبي شوي ويطلع من كثر ما يدق زيد :- اهدا شوي 00وش فيك مرتبك كذا 00حاول تتمالك نفسك نايف :- والله ما اقدر زيد :- اقولك شي انزل خلني اسوق 00لاتورطنا الحين 000ماني ناقص نزل نايف وتبادلوا الاماكن نايف :- الحين ليش تاخرو زيد :- ما تاخروا بس انت تحس كذا لانك تنتظر نايف :- تصدق احس ان الدقيقه تمر ساعه 000 بعد دقايق من الانتظار ونايف طبعا اعصابه على نار التوقيع: لاجل جروحك 10-09-2008 10:28 AM رد: خل ايدك بالعشق تحضن ايديني / روايه رومانسيه تجنن الفصل التاسع اكثر من اول أحبك بس ما أبغى اقول أخاف لو قلت تتغلى علي مره أنا بصراحه احبك حب مو معقول اكبر دليل لغلاتك غيرتي مره طلعت نوف ومعاها منى نوف راحت عند السيارة ومنى واقفه مكانها شافت نايف وما قدرت تتحرك ورجع شريط ذكرياتها معاه نوف وصلت عند السياره ومنى مكانها تناظر نايف اللي شكله متغير من التعب والتفكير نوف: تعالي وش فيك وقفتي منى ما سمعتها مو معاها سرحانه نوف رجعت ومسكت يدها : تعاااالي منى :لا خلاص مابي ابي ارجع نوف :اقول خلي عنك الكلام الفاضي ركبت السيارة منى بصوت واطي خجلانه وخايفه : السلام عليكم الكل: وعليكم السلام نوف :تاخرت عليكم زيد :لا عادي نايف ومنى كل واحد يستعيد ذكرياته ويستنى مبادره من الثاني خايفين من المواجهه كيف تكون بينهم اول خمس دقايق الكل ساكت شوي صحى نايف من غيبته حس في الوضع منى كيف الحال [زيد عطاه نظره بمعنى بدري توك تتكلم ]نايف: منى:.... نوف :ياهوه ياحلو الولد يكلمك منى : بخير وش اخبارك نايف : ما تسرك [اكتفى بهذي الكلمه ] منى من سمعت رده وحست ان افيه شي بيقوله نوف وزيد مصدومين من الرد الغير متوقع نوف :ما عندك غير هذا الرد نايف :هذا الصدق تبيني اكذب نوف :على الاقل جامل نايف :ولا يهمك اخباري تمام وباحسن حال كذا حلو نوف :تمام تعرف تجامل جلس نايف يقلب بالاشرطه زيد بصوت واطي: وش تدور نايف طلع شريط وجلس يعيد ويقدم في الاغاني لحد ما وصل للاغنيه المطلوبه كانت من رحلتم يا غلا روحي معاكم رحلت كن كوني في خلا وكل ساعاته وقفت لا ولا والف لا روحي رحيلك رفضت يا ماخذ كل الحلا يا احلى ماعيني رأت تسوا معي كل الملا بالحب نفسي لك بغت كني على نار الغضى ونيران شوقي ولعت ما غفى الجفن وغظا من يوم عيني برقت في حب لفات بصبا وفي الحسن يض*به معك خلي شراته ما مضى يسبي الي منه التفت من رحلتم يا غلا روحي معاكم رحلت كن كوني بي خلا وكل ساعاته وقفت نوف ض*بت منى خفيف يعني انتبهي الاغنيه لك زيد: وين الجامعه نايف :وشرايكم نروح نفطر انا جوعان نوف: والله فكره حلوه يالله وش رايك يا حبيبتي منى ما ردت منحرجه ودها ترفض نوف : يا قلبي مشتاقتلك وودي اجلس معاك واذا رحنا انتي عارفه البنات وازعاجهم منى :كيفك اللي تشوفينه نوف :يلوموني فيك واالله (نوف كانت مشتاقه لمنى ومن فرحتها ما تدري كيف تتكلم كل كلمه والثانيه يا قلبي وياعمري وياحبيبتي) زيد وقف عند الاشاره : نايف جوالي عندك نايف :هذا هو خذه زيد اخذ الجوال وجلس يكتب رساله سكر الجوال ووصلت الرساله لنوف نايف :ها من ورانا رسايل زيد :زوجتي وش دخلك نايف :اذا سويتوا عرس صارت زوجتك نوف :منى بصراحه انا زعلانه ليش ما باركتي لنا ولا من لقى احبابه نسى اصحابه [انحرجت من كلمة نوف الاخيره ماعرفت وش تقول ] منى: مبروك نايف :الله يبارك فيك [يناظره مستغرب ] زيد: من اللي متملك نايف :كلنا واحد نوف اختي وانت ولد عمي منى :عقبالك نايف :على حسب بصراحه لحد الان ما حددت اتزوج او لا نوف تقرا رساله زيد (ممكن اطلب منك طلب ابيك ما تقولين يا حبيبي ويا قلبي لغيري والله اغااااااااار عليك حتى من نفسك واحبك وما ابي احد يشاركني فيك اذا كنتي م**مه تقولين على الاقل مو قدامي وانا اسمع والله احبك حسي فيني) نوف ضحكت نايف :وش السالفه ضحكينا معاك نوف: اسرار ما تصلح لك نايف :الحين طلعت الاسرار شغلك عندي انتي والاخ نوف ما ردت لانها تكتب رساله لزيد (اسفه دايم اعرف انك غالي في قلبي وهذا وعد مني الكلمات هذي ما تطلع الا لك وبس يا قلبي) اول ماوصلت الرساله لزيد فتحها نايف : اقول تراك في طريق سريع انتبه زيد ما كان معاه كان يقرا الرساله وهو مبتسم ونايف يموت يعرف نايف :انتبه لطريقك زيد :اقول يلموني نايف : من فيه انجنيت زيد :احلى جنان نايف: الله يعطينا مثل ماعطاك في المطعم كانت نوف ومنى على طاوله ونايف وزيد على طاوله ثانيه نايف :احبها ومدري كيف انساها زيد :واذا قالت لك انها ما تبيك نايف :لو تجي وتذ*حني راح احبها زيد :بدال منت جالس تتفلسف علي رح كلمها وتفاهم معاها ما توقع تلقى فرصه احسن من هذي نايف من دون أي رد قام وتوجه لطاولتهم منى ما تشوفه كانت معطيته ظهرها ونوف مقابل لها نوف شافت نايف جاي سكتت تناظر وتقول في نفسها (الله يستر الله يستر ) نايف : مرحبا منى ميته من الخوف ما تدري وش تسوي مستحيه من نايف نايف ممكن اجلس بكلمك في موضوع منى:.............. نايف : اذا انتي ما تبين عادي أروح وكأنه ما صار شي منى :تفضل نوف:اجل انا بروح عند زيد عشان تاخذون راحتكم قامت نوف وجلس نايف مكانها توجهت نوف لطاولت زيد اللي استقبلها بابتسامه عريضه نوف(اول ماوصلت) :الله يستر زيد: احلى شي اني راح اجلس معاك لوحدنا نوف :انت وين وانا وين زيد :خليهم كل واحد يحكي لثاني والله انه اريح نايف:ممكن سؤال اذا ما تبين تجاوبين كيفك منى :.......... نايف :ليش انفصلتوا منى حكت لنايف سالفتها نايف :لحظه عرفت بعد ما تزوجتي كان فيه وحده تدق علي باستمرار بس ما كنت ارد او اذا رديت اعصب عليها مره قلت لها اني احب وحده عشان ارتاح من اتصالتها استغربت من ردها قالت اللي تحبها تزوجت وتركتك قلت الله يوفقها قالت طيب انا احبك قلت انا ماقدر احب مره ثانيه خلاص انسي لا تدقين قفلت وبعدها ارسلت رساله اللي انت ذابح نفسك عشانها بيجيك يوم وتندم على حبك والحب اللي تشيله لها في قلبك على كثره بيسود حياتها ومن بعدها ما دقت وانا طنشت لاني ما توقعت انها جاده منى : انا وش سويت عشان تسوي فيني كذا نايف :انتي لا تشيلين هم وانا اعرف كيف اتصرف معها لأخليها تندم على اللي سوته فيك وتندم على كل دمعه نزلتيها وتجيك تعتذر وتبوس رجلك عشان تسامحينها منى :انس لها رب فوق يحاسبها نايف :انتي غاليه ودموعك غاليه عندي ما ابي اشوف العيون الحلوه زعلانه منى :اذا تبيني ما ازعل انسى موضوعها على شاني نايف :بس على شانك على الطاوله الاخرى نوف كانت خايفه وقلقانه على حال اخوها و صديقتها ما تدري كيف بتسير الامور بينهم زيد : ليش كل هذا الخوف هدي شوي نوف :عادي مافيه شي (تحاول تتمالك نفسها) زيد يتامل نوف وكانه اول مره يشوفها بعد دقايق من التامل : تدرين وش ودي نوف تناظره مستغربه :وش ودك زيد : ودي اصرخ واقول للعالم كله اني احبك والله احبـــــــــــــــــــــــك نوف متقطعه من الحياء ودها الارض تنشق وتبلعها بعد دقايق نوف : زيد مع الايام بيظل حبك ما راح تمل في يوم زيد :لو بمل كان مليت من زمان انا من اول ما طلعت على الدنيا وانا احبك اكبر ويكبر حبك معي وانتي كيف بيكون وضعك شكلك بتملين [يضحك ] نوف :يمكن انا ما تشوفني كذا او تصرفاتي تستغرب صحيح اني ما قدرت اوصل لك الحب اللي في قلبي بس تاكد اني احبك اكثر من ما تتوقع زيد : من غير ما تتكلمين انا اناظر عيونك واعرف كل شي كل نظره اعرف وش تعني وش قصدك بها اسمعي [وجلس يغني] افهمك لو ماتكلمت افهمك ما في قلبك في عيونك ينرسم ما تزيل الشك ضحكة مبسمك يفضحك وجدان وأشجان وندم انته في قلبي حبيبي ما أعظمك انته في عقلي و روحي والنسم أرسمك من دون ما أدري ارسمك أرسمك لو ما تعلمت الرسم انظرك واتخيلك واستلهمك واسمعك في كل معزوفه نغم ان نويت النوم في حلمي أحلمك وان صحيت القاك همي والالم لا تصدق من يقول ويوهمك فرق بين الحقيقه والوهم انته عندي غير ربي يسلمك عن جميع الناس عندي والنعم نوف : في احد قالك قبل ان صوتك حلو زيد : لا ما غني كثير دايم اذا كنت لحالي اغني نوف :صوتك مو حلو جناااان زيد : شكرا بصدق نفسي واروح اطلع اشرطه نوف :لا والله وبعدين يجتمعون المعجبات عليك وتخليني زيد : مجنونه انتي ما ابدلك ببنات العالم كلهم قد سمعت صوتك غني اغنيه ابي اسممع صوتك نوف :تحلم بعد ما سمعت صوتك نسيت كيف اغني نايف :منى انا لحد الان ابيك ليش ماترجع علاقتنا مثل اول منى :بصراحه اخاف اعيش تجربه ثانيه وافشل فيها نايف : اعطيك وعد مني اني انسيك كل اللي راح كانك مولوده من جديد منى:................ نايف :عطيني فرصه مراح تندمين بعد صلاة المغرب حامد و زيد وفيصل وماجد مجتمعين يلعبون ورقه ( اونو) المهزوم عليه العشاء فيصل : زيد بلا غش زيد ماسك نفسه مايبي يضحك عشان ما ينفضح :انا اغش حرام عليك حامد :انت وياه زيد وفيصل اكبر غشاشين مسوين فيها تراني شايف وساكت ماجد تلعبون صح ولا بانسحب زيد يستهزي :خلاص اسف ما راح اعيدها فيصل : العب بدونك ولا شي ماجد عصب لأنهم يضحكون عليه رمى الورق قام حامد :تعال الحين اوريك فيهم ان ما خليتهم يندمون مو يعشونك وبس يحبون راسك بعد وصلت رساله لجوال حامد فتحها من فاتن (اتمنى انك تكون توصلت لقرار الان اكثر من كذا ما راح اقدر امي تبي الرد مني اذا انت رافض عادي قول هذي حياتك وانت اللي تختار) حامد قرا الرساله وسرح معاها يفكر زيد :بسرعه العب حامد :خلاص بعدين انسحبت فيصل :هذا اللي مخوفنا اقول لا تنسى العشاء حامد :خلاص عشاكم علي (راح لغرفته)يدق على فاتن ما ردت عليه حاطه جوالها في الغرفه وجالسه مع امها بعد ما ياس من الاتصالات ارسل رساله (مرحبا كنت اتمنى اسمع صوتك بس انتي ما رديتي بنسبه لسؤالك اللي تستنين مني الرد انا بقولك اني من اول مره دقيتي حبيت صراحتك وارتحت لك وحبيت قلبك الطيب بعد الصدفه اللي جمعتنا انجذبت لك وصرتي تملكين تفكيري لما كشفتي لي الوضع ما عندي غير كلمة حبييتك واتمنى تعيشين جنبي باقي حياتي) حامد جلس يستنى الرد بس فاتن ما ردت حس بالاحباط لانه يبي يعرف ردة فعلها يالله ليش ما ردت على باتصال او رساله يمكن ما تبي او مشغوله ولا شكلها مسويه ثقل اما نايف فكان اسعد يوم في حياته كأنه مولود من جديد ردت الضحكة له وحاله تغير وانقلب أم عبد الله : وين سعود من زمان ماشفته عبدالله : قمر مايطلع االا بشهر مره أم عبدالله :بس والله صرنا نفقده لما يكون عندنا يطلع للبيت صوت اما الحين ما كان فيه احد ساره :عشان الكليه والدوام اخليه عند امي وارتاح من ازعاجه عبد الله :ولا يهمك يالغاليه لااجيبه عندك واذا تبغين نوميه عندك أم عبد الله : ودي بس انه في الليل يصيح يبي امه نوف تدخل :السلام عليكم الكل:وعليكم السلام نوف :وش عند الحلوين مجتمعين عبد الله :من قصدك حددي نوف: كلكم أم عبد الله :ابد ولا شي جالسين نسولف ونتقهوا روحي ردي على التلفون نوف :الو شوق :هلا كيف الحال نوف :بخير وش اخباركم (بعد السلام والاسئله اليوميه والاستفسارات ) نوف :الا اقول اذكر ان عند بنت وش اخبارها ؟! شوق :تستهبلين نوف : يا اختي نسيناها حتى هي ما تعرفنا كل مره تجين ما تجيبينها معاك شوق :احد يحصل الراحه ويرفضها خالتي الله يعافيها تحبها ومتعلقة فيها وتحب تجلس معاها عشان كذا نوف :وش اسمها تصدقين نسيت هههههههه شوق :خليك ناسيه ان شاء الله اذا جبت الثاني بتربونه وكذا انا ارتاح واحل المشكله شروق عند خالتي أم محمد والولد الثاني عندكم نوف :مانبي شي خلينا كذا مرتاحين شوق : يالله سلميني على امي مع السلامه جاء محمد نوف: وانا صرنا في اوقات الفراغ اذا راح زوجك دقيتي باي شوق : مرحبا يا حلو كيفك محمد :تــــــــــــعـــبـــــــــان ابي ارتاح شوق :ليش طالع من معركه محمد : لا بس امس ما نمت زين واليوم فيه ضغط في العمل شوق : خذ لك دش وتتنشط محمد:الا ماشفتي عنود اليوم شوق :لا لي فتره ما شفتها محمد :حاولي تشوفينها وتكلمينها لانها تعبانه ومحتاجه احد جنبها وانتي تعرفين ماعندها صديقات شوق :ليش صاير شي محمد: انا قلتلك انه بعد وفاة خطيبها ما تبي تتزوج هذي المره تقدم لها واحد وامي مصره تزوجها وتقول الى متى بتجلسين شوق : يا عمري الله يعينها محمد :جوعاان شوق :وش رأيك نروح نتعشى برا محمد : اقولك تعبان شوق : فرصه نأخذ شوق معانا انت قوم خذ دش وتنشط واذا رجعنا نام محمد :اوكي بس بشرط اذا قدرتي تقنعين العنود بوديك شوق :بس كذا خلاص بروح اكلمها راحت شوق لغرفة عنود دقت الباب عنود بصوت مبحوح من كثر البكى: ادخل دخلت شوق و تفاجات من شكل عنود كانت جالسه في زاوية الغرفه تصيح وجهها اصفر وشاحب شوق تغير الجو :شفنا الحلوين ما يسالون قلت نسال العنود:--------------- شوق :قومي ابيك عنود :مالي نفس خليني في حالي شوق تروح للعنود وتقومها: ادخلي غسلي وجهك بسرعه عنود راحت وهي مالها نفس بعد ما رجعت نوف :اسمعي ما ابي أي رفض لو سمحتي واي شي اقوله تقولين حاضر عنود : شوق والله مالي نفس اتكلم ولا أي شي شوق :روحي غيري ملابسك وجيبي عباتك من دون أي كلمه عنود :شوق لا تحرجيني اقولك تعبانه بعد جهد ومحاولات في اقناع العنود قدرت شوق تخليها تطلع أم محمد رفضت تروح عشان ابو محمد وطلبت ان شروق تجلس معاها محمد :ها يا حلوين وش تبون تاكلون شوق :وش رايك تروح تطلب لنا على مزاجك محمد حس ان شوق تبي تصرفه عشان تكلم عنود فلذلك فهم الموضوع وطلع بسرعه من دون مناقشه بعد ما طلع محمد جلسوا ساكتين شوي وتكلمت شوق شوق :عنود انتي مثل اختي واكثر والله لو انك منتي غاليه كان ما كلمتك اسمحيلي انا بتعدا حدودي وبدخل في خصوصياتك اذا ما عند مانع عنود مستغربه :خذي راحتك شوق اول شي بقوله اللي راح راح ولا يمكن يرجع (عنود بدت عيونها تدمع) ولا توقف الدنيا عليه عنود :بس هو ما مات عايش هنا( تاشر على قلبها) وانا احبه شوق: لو كل شخص نحبه ونفقده تتوقف الدنيا عليه لا حبيبتي هذا انا قدامك فقدت اغلى انسان بحياتي ولا يمكن احد يحل محله او يعوضني عنه ابوي الله يرحمه ومع ذلك وقفنا ومشينا ما قلنا خلاص نبي نروح مثله ما جلسنا وحطينا ايدنا على خدنا نبكي ونتذكره صحيح ما نسينا وعايش بروحنا كل لحظه بس ما وقفت حياتنا صدقيني يا قلبي هذا مو اخر شي في الدنيا انتي توك صغيره وقدامك عمر ودنيا حلوه ذقنا مرها بس فيها حلاوه ولازم نجربها ولازم تفكرين بعقلك مو بقلبك الحياة ماتوقفت عند اول موقف يحصل لنا عنود جلست تفكر في كلام شوق بدا يدخل في راسها اما فاتن لحد الان ماشافت رسالة حامد أم فاتن : يابنتي لي متى بتظلين تفكرين كانك ما تبين قولي فاتن :يمه كلها يومين بالكثير وارد عليك أم فاتن :بنشوف بينزل عليك الوحي نصبر يومين وش معجلنا مع ان ودي انك توافقين فاتن (مووووووووووافـــــــــــقـــه ودي اقوله لك بس وش اسوي اللي سويته ان شاء الله في مصلحتي) تركت فاتن امها ورقت لغرفتها اول شي سوته راحت للجوال تبي ترسل لحامد تطلب منه الرد تفاجات شافت اتصالات ورسالة أول ما قرتها من فرحتها رقت على السرير تنطط فوقه .....أخـــــــــــــيــــراااااااااا اما نايف فكانت فرحته برجعة منى ما توصف جلس يفكرلازم اتحرك واخطبها قبل لاتروح لواحد ثاني لازم اليوم اكلم امي عشان تتصل فيهم اكيد امي بتطير من الفرحه من زمان وهي تبي تخطب لي نوف كانت جالسه في غرفتها تحضر ملابسها للجامعه دق جوالها نوف أول ما شافت الرقم ابتسمت نوف :الو هلا والله فيصل :هلا فيك وين الناس نوف : انت اللي وينك من زمان عنك فيصل :والله في الغثا والدراسه طفشت خلاااااااص مليت نوف :هههههه وينك فيه فيصل :في البيت جالس وين بروح نوف :خلاص بنزل ادق على الثابت استناني نزلت نوف وجلست تكلم فيصل يسولفون دخل نايف نايف :من تكلمين نوف مستغربه من السؤال :فيصل نايف :وين امي نوف:في الغرفه نايف راح عند امه أم عبد الله :وينك يا ابوي ما شفتك نايف :جالس مع الشباب مجتمعين يمه ابيك في موضوع أم عبدالله : وش عندك نايف: انا ابي اتزوج أم عبد الله ابتسمت :الحين طاح الحطب اول اتحايل عليك وانت رافض نايف :الله اعلم من اللي يتحايل على الثاني أم عبد الله: ومن تبي اخطبلك انت اشر بس تبي من بنات عمانك او من طرف خوالك او من بعيد نايف :يمه انا ابي من صديقة نوف اختي أم عبد الله تناظر مستغربه الكلام ما جاز لها :انت عارف انها مطلقه نايف :ادري بس ابيها واذا كانت مطلقه مهيب انسانه أم عبدالله :ما تنفع لك دور غيرها نايف :ممكن اعرف ليش أم عبدالله فقدت اعصابها تتكلم بصوت عالي :اقولك ما تنفع خلاص انساها نايف رفع صوته : ما ابي انسى ما ابي الا هي ولا ما راح اتزوج أم عبد الله( تحاول تكتم غضبها عشان تسيطر على الموقف بصوت هادي) : بكره الناس وش بيقولون عليك اكيد الولد فيه شي عشان كذا اخذ وحده مطلقه وانت عارف حكي الناس ما يرحم نايف :يمه من اللي بيتزوج ان ولا الناس انا ما علي منهم أم عبدالله انتهى الصبر اللي عندها: كلمه وحده ما في غيرها حطها براسك ما في زواج من هذي البنت نايف بصوت عالي :انسي ان عندك ولد اسمه نايف وطلع مستعجل من غير ما يسمع رد امه نوف سمعت أصواتهم تعلى قفلت من فيصل بسرعه وراحت لمها تقابلت مع نايف وهو طالع نوف: وشفيكم نايف معصب واصله معاه :وخري عن وجهي روحي اسالي امك نوف راحت تركض عند امها : يمه وش فيكم أم عبد الله:اخوك انجن قال ايش يبي يتزوج هذي البنت اللي ما تتسمى منى نوف مصدومه من كلام امها اول مره تشوفها بهذي الحاله أم عبد الله : اسمعيني اشوفك مكلمتها او ماشيه معها هذي البنت ما راح يجي وراها الا المصايب وطلعت نوف واقفه مكانها ما قدرت تستوعب اللي صار دخل عبد الله: السلام عليكم نوف راحت عنده تركض وهي تصيح :عبد الله بسرعة الحق نايف طلع من البيت معصب وما راح يرجع الله يخليك روح شوفه خله يرجع تكفى بسرعه الحق عليه عبد الله منصدم من نوف وكلامها :وش فيك وش السالفه نوف وهي تصيح حكت له السالفه باختصار

Free reading for new users

Scan code to download app

App Store Google Play

Facebookexpand_more