حرب المشاعر

9

زيد :- وين تبين تروحين

نوف :- [مستغربه ] بيتنا

فيصل :- متاكده

نوف :- ليش في حل ثاني

زيد يوقف عند سوبر ماركت :- نوف تبين شي

نوف :- لا

فيصل :- انا ابي

زيد :- خذ جبلي مويه واشترلك اللي تبي خذ راحتك

فيصل ابتسم لانه فاهم ان زيد يبي يصرفه

أول ما نزل فيصل زيد التفت لنوف :- حيا لله بنت العم

نوف :-[ منحرجه ] االله يحيك

زيد :- وش اخبارك

نوف :- تمام بخير

زيد :- [من غير أي مقدمات ] تحبيني

نوف :- [ تناظره مستغربه من السؤال ]

زيد :- ليش ما تردين

نوف :-ما ادري

زيد:- طيب قولي انك تحبيني قولي لي احبك عادي

نوف :- كل شي وقته حلو

زيد :- انا قريته في عيونك

نوف نزلت عيونها مستحيه

زيد :- طيب انا احبك

فتح فيصل الباب أنقذ نوف من زيد واحراجاته

فيصل :-طولت

زيد :- لا

فيصل:- الحمد لله [يبتسم لزيد ]

زيد :- مبسوط حضرتك [شبه معصب ]

فيصل يضحك على زيد

نوف ساكته ما تكلمت تتمنى توصل البيت بأسرع وقت تخاف زيد يحرجها بكلامه

فيصل :- [يلتفت لنوف ] جبت لك شي

نوف تناظر [وش اللي معاك ] فيصل يطلع من الكيس شوكلاته ام اند امز

نوف :- مشكور كنك عارف اني نفسي فيها من زمان ما كلته

زيد يحاول يلتفت يبي يشوف اللي معاهم بس ماقدر

زيد :- ابي

فيصل :- ما جبت الا واحد لنوف

زيد :- عادي انا ونوف واحد

نوف :- تفضل خذ

زيد خذ من نوف الكيس

فيصل :- [يناظر مستغرب ] ما تستحي انت حق البنت

زيد :- مالك دخل –[ فتح الكيس خذ منه بياكل ]

فيصل :- [مو مصدق يناظر ]صدق ما تستحي

زيد :- نوف خذي بقيتلك

نوف:- لا مشكور عليك بالعافيه

زيد :- نفسك فيه اخاف يصير لي شي

نوف :- تضحك ] لا تطمن ما راح يصير شي

زيد :- ما راح ارضى الا لما تاخذين منه خذي شوي وعطيني الباقي

فيصل :-[ سحب الكيس من يد زيد ] شين وقوي عين 00[عطاه نوف بس رفضت تاخذه ] عشان خاطري

نوف خذته

زيد :- ايه عشان خاطر فصيل بتاخذين وانا توا ما فكرتي فيني 00الحمد لله اني قربت عند بيتكم 00بس لا تنسين تبقيلي

نوف ما ردت علي

فيصل :- يالله مع السلامه نشوفك الاربعاء

نوف :- انزل اجلس معاي

فيصل :- عندي امتحان وبذاكر يوم ثاني

زيد :- ماتبيني انزل

نوف :- اجلس ذاكر مع اخوك احسن لك 000[عطته كيس ام اند امز ]

زيد :- مع السلامه انتبهي لنفسك ان شاء الله الخميس الملكه السبت ارجعك من الجامعه لوحدي من دون ما اخذ معاي ناس يتلقفون

فيصل :- [يضحك ] انجنيت انت

دخلت نوف البيت وهي تضحك على كلام زيد وحركاته اللي ما كانت متوقعتها

دخلت نوف وراحت عند امها

ام عبد الله :- وصلتي

نوف :- ايه دايخه ابي انوم

ام عبد الله :- روحي نامي العصر اصحيك عشان نروح السوق

نوف :- دقي على شوق عشان يمكن تبي تروح

راحت نوف لغرفتها تنام

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الفصل الثامن 000

عسى ربي يخليك لعيوني 000عسى ربي يخليني لعيونك

حبيبي دنيتك صعبه بدوني 000ولا شي دنيتي تسوى بدونك

الخميس اليوم المنتظر بالنسبه لزيد ونوف

الكل كان منشغل نوف عندها الكوافيره تصلح لها شعرها ومكياجها دخلت ساره عليها

نوف :- ها ساره وش اللي يصير

ساره :- تطمني كل شي تمام

نوف :- وين سعود ما شفته

ساره :- وديته عند امي ابي ارتاح

نوف :- ليش خالتي مو جايه

ساره :- الا ان شاء الله بتجي بتخليه عند طلال والشغالة اذا راحوا الناس جبته

نوف :- احسن لك خليك تاخذين راحتك 000طيب شوفي شعري كذا حلو

ساره :- ايه ماشاء الله طالعه تجننين

دخلت شوق :- ساره عبد الله يناديك

ساره :- الله يعين يالله باي ادعولي

شوق :- مشكلتك

نوف :- من فيه تحت

شوق :- بس خالتي وعماتي وحريم عماني

نوف :- ما شاء الله ما يصدقون احد يعزمهم 00بيت عمي وصلوا

شوق :- [تضحك ] انتي هذا اللي تبينه من زمان واصلين

ساره :- بسرعه نوف عبد الله يقول تعالي عشان توقعين

نوف :- شوق روحي بدالي

راحت نوف وهي خايفه وقلبها مع كل دقيقه يزداد نبضه

نايف كان واقف مع نوف

نايف :- يا هوه من قدها تملكت

نوف :- والله انك رايق

نايف :- بسرعه وقعي

وقعت نوف لف نايف بيروح ثم رجع ناظر نوف

نايف :- بصراحه شكلك رهيب ابي اشوف ردة فعل زيد اول ما يشوفك بصوره عشان كل ما شفته اضحك عليه

نوف :- اقول والله اني ماني ناقصه لوحدي واصله معاي ومتوتره

تركها نايف وراح وهو يضحك على نوف اللي شكلها مره مرتبكه

بعد كذا راحت نوف تسلم على الضيوف ويباركون لها

نوف في هذا اليوم طالع شكلها غير محلوه كثيرررر

لابسه فستان زهر ناعم مثلها وحاطه مكياج ناعم ومسويه شعرها كيرلي 000تجنن

بعد ما سلموا عليها راحت جلست جت ساره عندها

ساره :- نوف عبد الله يقول انهم بيدخلون

نوف :- الحين لا طيب وش اسوي

ساره :- عادي يا قلبي خليك مكانك

نوف :-[مره خايفه ومرتبكه ما كانها تعرفه ولا تحبه ولا هو ولد عمها ] طيب شوفي شكلي كذا حلو

ساره :- يا عمري تجننين خلاص انا بروح اوكي

دخل عبد الله وابو حامد وزيد [كان طاير من الفرحه ومو مصدق نفسه ]

بعد ما سلموا عليها ولبسها زيد الشبكه طلعوا الكل ما كان فيه احد غير نوف وزيد 00لوحدهم

زيد :- 00مبروك

نوف :-[بصوت واطي ]الله يبارك فيك

زيد :- ارفعي راسك ناظريني ليش انتي مستحيه 00

نوف :- 000000000000

زيد :- انا جالس اكلمك ما اكلم نفسي 000تكلميني وتردين علي ولا باطلع

نوف رفعت راسها ناظرت زيد وش يسوي

زيد :- بنات ما يجون الا بالعين الحمراء

نوف تضحك على زيد وحركاته

دق الباب ودخل فيصل وماجد وكان معاهم نايف

فيصل سلموا على نوف وطلعوا ونايف جلس في الكرسي اللي مقا**هم

زيد يناظر نايف يبيه يطلع بس الاخ نايف شايفه وفاهمه ومطنش

نايف :- نوف ما شفتي لي بنت اتزوجها

زيد :- في المجلس الثاني كله بنات روح دور لك وحده

نايف :- نوف انا ابي وحده مثلك تماما في كل شي

زيد :- ما راح تلقى

نايف :- ليش اللي خلقها ما خلق غيرها

زيد :- [ بدا يعصب ] مو قلتلك في المجلس الثاني يا اخي روح دور لك

نايف :- اذا قالت نوف اطلع ابطلع

زيد :- نوف تكفين الله يرحم والد*ك قولي له يطلع

نوف تناظرهم وتضحك عليهم من داخلها

نايف :- شفت اختي ما ودها اني اطلع

زيد وصلت معاه من نايف وحركاته

نايف :- [يضحك ] بصراحه رحمتك خلاص ابطلع

زيد :- مشكور وصدقني ما راح اخليها لك

طلع نايف بعد ماعكر مزاج زيد المسكين جلس زيد مع نوف شوي وطلع

اخر السهره الكل راح لبيته ماعدا بيت ابو حامد اجتمعو العائلتين يسولفون

نوف وشوق في غرفة نوف جالسين دخل فيصل :- وش تسووون

نوف :- ولا شي نسولف

شوق :- من فيه تحت

فيصل :- الكل راح ما بقى الا اهلي

شوق :- انا بنزل

نوف :- لا شوي ونازلين

نزلت شوق :- السلام عليكم

الكل :- وعليكم السلام

شوق :- اخيراً راحوا

نايف :- وينكم فيه

شوق :- جالسه انا ونوف فوق

حامد :- انا بروح تبون شي

ابو حامد: شف اخوانك يمكن بيروحون

نايف :- خذ زيد بيروح

زيد ناظره بطرف عينه وساكت مارد

ماجد :- انا بروح فيني النوم

طلع حامد وماجد وترك وراه نايف وزيد ومشاكلهم

في السياره

حامد :- غريبه ما جلست

ماجد :- صاحي بدري ابي انوم

حامد :- اليوم مافيه مدرسه وش مصحيك

ماجد :- مواعد عادل الصباح

حامد :- في احد يواعد الصباح وعطله بعد00وش تسوي انت وياه اربع وعشرين ساعه مع بعض في بيتهم

ماجد :- العب ولانسوالف واحيان تجي فاتن تجلس معنا تسولف

حامد :- يا عيني وفاتن هذي وش كبرها

ماجد :- تقريبا كبر نوف

وصلو البيت وكل واحد راح لغرفته غير حامد ملابسه توه بينام يوصله رساله

حامد :- من الفاضي اللي مرسل فتحها كانت من جارة القمر

(الف مب**ك ملكة زيد وعقبالك 000تصبح على خير )

حامد :- اموت واعرف من تكون

اليوم الثاني بعد صلاه عصر الجمعه

نايف :- انا افكر اسافر وش رايك يمه

نوف :- وين مافيه أي مكان تروح انا قبلك

نايف :- وانا وش دخلني فيك

ام عبد الله :- مافيه الا انا ونوف نروح معك 000عبد الله بكيفه مع ساره وشوق عند رجلها نروح معك

نايف :- يمه وش رايك اذا تزوجت نوف بنسافر انا وانتي الف بك العالم كله وترتاحين من عيالك وقلقهم

نوف :- لا يا حبيبي ما اتفقنا على كذا من اولتها بديت انا معكم لو وش يصير

ام عبد الله :- الحمد لله على عقلك 00اقول قومي ردي على التلفون احسن لك

راحت نوف ترد

نوف :- الو

شوق :- هلا كيف الحال

نوف :- وعليكم السلام 00امري

شوق :- انتو اليوم بتطلعون

نوف :- ماعرفش يمكن ايه ويمكن لا

شوق :- خلاص انا جايه في الطريق 00باي

نوف :- مع السلامه

نوف قفلت قامت بتروح رن التلفون ثانيه

نوف :- يا ربيه وانا وش اللي بلاني بهالتلفون 00000الو

0000:- السلام عليكم

نوف :-[مستغربه الصوت] وعليكم السلام

000:- من معي نوف

نوف :- ايه

000:- وش اخبارك ؟؟

نوف :- اسفه اختي ماعرفتك من معي

000:- انا 0000000منى؟؟؟؟؟؟؟؟[صوتها متغير ]

نوف :- [تصرخ من فرحتها ] هلا واللــــــــــــــه وغلا وينك وين الناس نسيتينا

منى :- لا والله يا قلبي بس ظروف مرة

نوف :- وشفيك حبيبتي ليش صوتك متغير

منى :- اه لو تدرين باللي حصل لي

نوف :- قولي يا عمري اسمعك

منى :- انا تزوجت ولد عمي وليد وهذا اللي تعرفينه

نوف :- ايوه

منى :- اول ايام حياتنا كانت حلوه وعسل حتى معاملته معاي تجنن ماكنت متوقعتها منه 00

نوف :- حلو

منى :- تعرفين اخته مها اللي كانت معانا في الزواج

نوف :- ايه000 بصراحه ما ارتحت لها

منى :- كانت تدري بعلاقتي انا ونايف من قبل وهي اللي قالت لأخوها يخطبني بعد كلام ومدح وحركات 000كل هذا ليش عشان ما اتزوج من نايف من اول ما قلت لها عنه انصدمت بردة فعلها قالت لي انسي موضوع انك تتزوجينه انا ما خذت كلامها وطنشت بعد تقريبا شهر ونص اتصلت على اخوها اتصال مفاجئ غير متوقع00قالت له من غير أي مقدمات انت نايم المويه تمشي تحت رجليك ما حسيت رد وليد :- وش قصدك 00قالت له مها:- اقصد زوجتك المصون العفيفه اسالها عن حبيب القلب زوجتك تحب واحد وتكلمه وتتقابل معاه وانت ما تدري 000طبعا الخ قفل من أخته والشرار طالع من عيونه مسكني وجلس يض*ب فيني لين فقدت والوعي وما قمت احس بض*به

نوف :- طيب وهذا ما سألك ما تحقق من الموضوع

منى:- مايقدر يكذب اخته ويصدقني 00اخذ مني الجوال والتلفون منعني من زيارة اهلي الا في المناسبات الكبيره كل ماشفت امي وقلت له قالت اصبري عليه هذا ولد عمك 000صار الخ كل ما ضاق خلقه جاء وجلس يض*ب فيني بسبب ومن غير سبب اخر مره ض*بيني فيها فقدت اغمي علي ومع كثرة الدم اللي على جسمي حسب اني مت اخذني للمستشفى توني طالعه جلست اسبوع

نوف :- [متاثره بالقصه ] يا بعد عمري والله انك ماتستاهلين 000والحين وينههو واخته 000

منى :- والله مدري اهم شي انه طلقني وارتحت 0000واخبارك انتي

نوف :- لا الحمد لله اخباري تسرك امس ملكتي انا وزيد

منى :- مبررررررروووووووك وش الحركات احكيلي السالفه

جلسو يسوالفون ماقفلت الابعد صلاة المغرب 000راحت عند امها وشوف والابتسامه مرسومه على وجهه من الفرحه

ام عبد الله :- الحمد لله على السلامه احسبك نمتي على التلفون

نوف :- لو اقوالك من كلمني ماصدقين

ام عبد الله :- من ؟؟؟؟؟؟؟؟؟؟؟

نوف :- منى صديقتي

شوق :- من وين طلعت

نوف :- والله مسكينه تزوجت ولا توفقت في زواجها

ام عبد الله :- ليش وش صار [حريم طبعا السالفه لازم تكون بالتفصيل ]

نوف بدت تحكي السالفه دخل نايف ولا قدرت تقطعها خصوصاً ان امها وشوق متحمسين00000000بعد ما انتهت

ام عبد الله :- والله ما تستاهل

نايف :- من هذي الحين

نوف سكتت ما قدرت ترد

شوق :- هذي منى صديقة نوف تذكرها

نايف انصدم خصوصا انه كان متعاطف مع صاحبة القصه 00[قام بسرعه وطلع ]

ام عبدالله :- نايف تعال وين بتروح

نايف مارد على امه طالع وهو مستعجل

نوف قامت على طول وراحت اتصلت بزيد لانه اقرب واحد لنايف

راح زيد عند نايف وتقابلو

زيد :- وش فيك معتفس 0000

نايف :- 000000000000

زيد:- انا اكلمك ماتبي ترد

نايف :- ياخي خلني انا غلطان يوم علمتك ويني فيه

زيد :- خلاص انا باسكت بس صدقني ماراح ترتاح الا لما تتكلم

نايف ساكت ومارد عليه بعد ربع ساعه من ال**ت وانتظار زيد وافكار نايف اللي توديه وتجيبه وهو ما يعرف محتار

نايف :- زيد انا بقولك السالفه وانت قلي رايك لو كنت مكاني 00حكاله السالفه 000

نوف على اعصابها تدق على زيد مايرد كان حاطه على الصامت ونايف مقفل جواله

نايف :- الحين قلي وش تسوي لو كنت مكاني

زيد :- خلاص البنت انساها مستحيل اهلك يخلونك تتزوجها

نايف :- [بصوت عالي معصب] انا احبها افهمني احبها

زيد :- لاتنسى ان البنت صارت مطلقه

نايف :- واذا صارت ما هي انسانه

زيد :- يا حبيبي فكر بعقلك لا تفكر بقلبك وراح تشوف ان كلامي صح وحط في راسك قبل كل شي اهلك والمجتمع اللي انت عايش فيه وكيف نظرتهم للموضوع

نايف :-[محتار]00000000000000

بعد ماخلص زيد كلامه مع نايف وحس انه هدا راح ودق على نوف يطمنها لان اتصالتها ما وقفت

نوف :- الو

زيد :- هلا والله بها صوت

نوف :- طمني وش صار لنايف

زيد :- بخير تطمني

نوف :- معاك

زيد ايه

نوف :- اجل خلاص بعدين اكلمك

زيد :- تعالي اصلا انا تاركه يفكر ورايح بعيد عنه

نوف :- وين لقيته

زيد :- فيه مكان على البحر هادي ما عنده احد دايم نروح فيه ونجلس

نوف :- وكيف حالته مسكين والله اني راحمته

زيد:- شكله متاثر مره بالموضوع الله يعينه

في بيت ابو حامد

ام حامد :- فيصل رح ناد اخوك ماجد من عند الجيران

فيصل :- يمه والله تعبان مالي خلق [دخل حامد] هذا حامد جاء قولي له

حامد :- وش فيكم

ام حامد :- الله يعافيك قبل ما تجلس رح ناد ماجد من عند الجيران

حامد :- احيانا احس انه ولدهم 00[طلع] طق باب الجيران وفتح له ابو عادل بعد السلام والاسئله عن الاخبار

ابو عادل :- ادخل تقهوه

حامد :- لا مشوار الله يغنيك بس ناد لي ماجد

ابو عادل :- لا ما راح اخليك لين نشرب القهوه سوا

دخل حامد وللمجلس وراح ابو عادل يجيب القهوه

حامد جالس يناظر المجلس ويتأمله من الملل

حس ان احد دخل المجلس لف يناظر التقى بفاتن داخله غلطانه وهي تغني ومبسوطه ماتدري00 حامد وقف من غير ما يحس بنفسه جلس يناظر فاتن ما صدق ما قدر ينزل عيونه منها ومن جماالها [البنت ماشاء الله ايه في الجمال 000لونها حنطي بس مملووووحه شعرها طويل تحت اكتافها وناعم اسود وكثير 0000كانت فاكته وطايح خصل على وجها كانت لابسه بيجامه زهر ورمادي] فاتن وقفت تناظره مصدومه00 هي تعرف حامد بس اول مره تشوفه من قريب 000تداركت نفسها بسرعه وحست ان موقعها غلط وطلعت وهي تركض لغرفتها دخلت وسكرت الباب وسندت راسها وجسمها عليه من خوفها 00جلست تعيد الموقف وتضحك على نفسها

اما حامد طلعت فاتن وخذت عقله معاها جاء ابو عادل وجلس معاه يشرب قهوه بس تفكيره رايح بعيد ما صدق يلقى فرصه ويستاذن ويرجع للبيت

دخل حامد للبيت مع ماجد 00

ام حامد :- ساعه تجيب اخوك

حامد :- [راح جلس عند امه ] ابو عادل ما خلاني اطلع جاب القهوه واحرجني بصراحه

ام حامد :- والله انهم ناس اجواد 000ونعم الجيران

ابو حامد :-[يدخل ]منهم أي جيران

حامد :- ابو عادل

ابو حامد :- في هذي صادقين نعم والله الرجال ما شاء الله عليه واخلاقه

ام حامد :- حتى زوجته تحطها على الجرح ويبرا

ابو حامد :- وين زيد سيارته مهيب فيه

حامد :- زيد مع نايف الحين

ام حامد :- تلقاهم في البيت مجتمعين

حامد :- ولدك ما صدق يتملك عشان ياخذ راحته في بيتهم

ام حامد :- عقبالك ان شاء الله

حامد :- تونا بدري

ابوحامد :- وش تنتظر

حامد :- مسوين حزب علي

ام حامد :- لابس نبي نفرح فيك

حامد :- ان شاءالله قريب

ابو حامد :- ما فيه قريب خلاص دوريله على بنت ويتوكل على ربه

ام حامد :- هذي سهله

حامد :- [قطع كلام امه ] اهم شي ما ابي اقارب

ام حامد :- ان شاء الله 00طيب بنت ابو عادل من زمان وانا ودي تكون من نصيبك

حامد ابتسم وجلس يتذكر شكلها

ابو حامد :- في هذي مالك كلام على اهلها توك مادحهم

حامد مو معاهم الاخ سرحااااان

ام حامد :- ها وش قلت

حامد حس بكلام امه لانها قريبه وتدارك نفسه:- اللي تشوفينه سويه وقام

ام حامد :- بكره بدق على امها وبقولها

حامدطلع مارد عليها

اليوم الثاني اتصلت أم حامد على أم عادل وقالت لها فرحت أم عادل كثير000لان حامد الكل يتمناه وطلبت منها تاخذ راي البنت وترد لها000

أم عادل فاتحت فاتن بالموضوع فاتن فرحت بس ترددت 0000؟؟؟؟؟؟؟

بعد يومين حامد كان جالس وحده في غرفته يفكر في موضوع الزواج اذا هو استعجل او لا00دق جواله كان المتصل جارت القمر ابتسم و رد

حامد:- الو

جارة القمر:- هلا ممكن اخذ من وقتك شوي 00 ابي اكلمك في موضوع

حامد :- [مستغرب ] تفضلي

جارة القمر:- بصراحه انا ترددت اني ادق بس افيه الا هذا الخيار 00-لانك انت الوحيد اللي تقدر تحل الموضوع وصدقني مهما كان الرد انا معاك في رايك

حامد :- [مستغرب مو فاهم شي ]وش الموضوع

جارة القمر :- انت تبي تعرف من انا صح

حامد :- صح

جارة القمر :- انا الحين بقوالك 0000انا بامكاني اني اخبي الموضوع ولا تعرف طوال عمرك بس انا ابي اكون معاك صريحه من الاول 000 انت خطبتني انا 000فاتن [حامد ما توقع ابداً مو مصدق اللي يسمعه] انت خطبتني وانا لحد الان ما رديت اتوقع انك تعرف جوابي مسبقاً 000انا خايفه اوافق وبعدين تدري وتحصل مشاكل 00فلذالك انا اقوالك الحين وابي منك رد بعد ما عرفت القصه اني انا اللي كلمتك

حامد :- كيف يعني

فاتن :- اذا تبي تغير رايك بعد ما عرفت وتتراجع قلي 00اخاف انك تبي تتراجع بس ما تبي تقوال 000عشان كذا قلي ويكون الرفض مني انا ولا ت**ر كلمت اهلك فكر و رد لي استنى الرد 000باي

قفلت الخط وتركت حامد محتار متلخبط مو مصدق وكيف يتصرف افكاره كلها متلخبطه (معقوله فاتن تحبني 000فاتن اللي شفتها هي نفسها اللي كلمتني 00000)

اما فاتن فكانت خايفه من رد حامد تخاف ان أمالها تتحطم في لحظه (انا الغلطانه 00انا اللي جبت التعب لنفسي 000لو يرفض او يتراجع ما راح الومه لاني انا الغلطانه من الاول )

حامد وفاتن كل واحد يفكر في الثاني 0000اما زيد فكان سهران يكلم نوف 000

زيد :- باقي ثلاث شهور واخلص واتخرج

نوف :- وانا باقي لي سنه

زيد :- ثلاث شهور و نتزوج

نوف :- [تستهبل ] وش رايك تستنى لما اخلص كلها سنه وحده

زيد :- تتكلمين صادقه ولا تستهبلين ولا يمكن ماتبين اكون قريب منك

نوف :- لو كنت ما ابي كان ما وافقت

ز يد:- اجل خلاص ولا كلمه ثلاث شهور وبس

نوف :- ههههههههه

زيد :- تسلملي الضحكه وراعيتها

نوف :- 0000000000

زيد :- وش اخبار نايف

نوف :- والله اني ارحمه شكله متاثر

زيد :- انا اقنعته يتركها بس ما ادري

نوف :- اليوم تكلمه امي تقوله عن بنت تبي تخطبها له رد عليه وهو معصب قال انا مابي اتزوج ارتاحو000امي مستغربه كان اول مزعجها يبي يتزوج والحين رافض الفكره

زيد :- قبل يقول ان البنت راحت في طريقها ويكابر على الجرح اللي في نفسه كان يبي يتزوج عشان ينسى بس الحين وشلون ينسى والبنت رجعت

نوف :- لازم يغير رايه وينساها

زيد :- ما يشيل الفكره من راسه الا طريقتين00اما ان منى تقوله ينساها او انه يحب له وحده تنسيه منى

نوف :- مدري

زيد :- انا باعرفه على بنت حلوووه تنسيه منى واهلها

نوف :- 000لا والله وش قلت ما سمعتك عيد 000من وين البنات

زيد :- هههههههههه 00اموووت على اللي يغاااررووون000والله امزح بس باشوف وش تسوين

نوف :- بروح انام 00باي وراي دوام بكره وانت نام وش يسهرك

زيد :- طيب زعلتي

نوف :- [معصبه] لا

زيد :-اكيد

نوف :- ايه

زيد :- وش يثبت لي

نوف :- مدري وش تبي

زيد :- امممم امم ابيك اول ماتصحين الصباح تدقين وتصحيني

نوف :- ان شاء الله0000000000 قفلت ونامت0000

الصباح اول ماصحت نوف دقت على زيد وصحته

زيد :- احلى صباح مر علي بحياتي

نوف :- قلبي بروح البس

زيد :- اوكي تبين اوصلك

نوف :- لامشكووور

زيد :- من غير ما تقوالين متفق مع نايف امس امر عليه الصباح000الحين بلبس وبيجي افطر عندكم 00ابي اشوفك على الفطور عشان اطمن انك افطرتي

نوف :- اوكي تبي شي ثاني

زيد:- سلامتك000قفل ودق على نايف

نايف :-[منغيرنفس ] الوو

زيد:- هلا كيفك

نايف :- بخير

زيد :- على وعدنا

نايف :- مالي خلق اداوم

زيد :- وش قلنا امس قم رح لدوامك000 ورح افطر يالله انا جاي افطر معاك

نايف :-استناك ويعدين نشوف00قفل وغسل وجهه ونزل

أم عبد االله :- صباح الخير 00تعال يا بوي افطر

نايف :- زيد جاي بستناه نفطر سوا 00وين عبدالله

أم عبد الله :- طلع بعد صلاة الفجر يقول عنده شغل

دق جوال نايف :- هذا زيد وصل بروح افتح له

وصل زيد وسلم على أم عبد الله وجلسوا

أم عبد االله:- وش اخبار اهلك

زيد :- بخير يسلمون عليك

نزلت نوف وتفاجات بزيد ما توقعت انه بيجي

نوف :- صباح الخير 00نايف وش اخبارك

نايف :- تمام

أم عبد الله :- وش فيك

نوف :- [تخبي على امها ] مافيه شي بس ما شفته من امس

أم عبد الله :- تعالي افطري

جلست نوف كلت خفيف وقامت وزيد يراقب

أم عبد الله :- وش هذا الفطور تبين تمرضين