"Sorry, Trinity. Hindi ko sinasadya ang lahat ng iyon," sabi ni Doti na biglang lumuhod sa harap niya. Nagulat tuloy ang mga estudyanteng naroon din sa cafeteria.
"Tumayo ka nga diyan," iritadong sabi ni Trinity at saka siya tinulungan ng tumayo. Kapwa silang naupo roon habang hindi tumitingin si Trinity sa kanya.
"Sampalin mo ako, tadyakan, suntukin o itulak sa hagdan, lahat ng iyan ay tatanggapin ko, mapatawad mo lang ako," sabi pa rin ni Doti na ayaw tumigil sa paghingi ng tawad sa kanya.
Ayaw siyang tignan ni Trinity. Hindi niya kaya itong tignan sa mukha at lalo na sa mata nito. Hindi pa niya kayang tignan ito ng matagal sa mukha. Kapag nakikita niya ngayon si Doti ay parang nai-imagine niya ang ginawa nitong kasuka-sukang pangyayari kasama si Cedrick. Kahit alam ni Trinity na dala
