Naka-uniform na si Trinity nang mag-doorbell siya sa bahay nila Doti. Naisip kasi niya kaninang umaga na mayroon nga pa lang CCTV sina Doti. Tamang-tama at tutok na tutok iyon sa kotse niya noong makatulog siya. Sigurado siya na makikita niya roon kung sino ang nagnakaw sa sasakyan niya ng cellphone ni Cedrick.
Pagbukas ng gate ni Doti ay nagulat pa siya kay Trinity.
"Uy, bakit ka naparito ka?" bungad na tanong ni Doti sa kanya. Kinabahan siya bigla dahil mukhang nakaamoy ito. Sa isip-isip niya ay sana hindi nito narinig kagabi ang pinag-usapan nila ni Tiffany at Margo.
"Doti, may problema ako e," sagot agad niya. Pumasok ito sa loob ng bahay parking area nila.
"What happen? Kinakabahan naman ako sa iyo," maang-maangan pa ni Doti. Patay malisya siya kahit alam naman niya kung ano ang
