"Hey! Bakit hindi mo kasama si Trinity?" tanong ni Carson kay Doti nang pumasok ito sa room nila.
"Umuwi siya saglit. Naiwan kasi niya ang bag niya sa bahay nila," sagot niya at saka inagaw kay Carson ang kape na para sana kay Trinity.
"Sige, sa iyo na iyan," sabi na lang ni Carson at saka siya naupo sa upuan niya.
Napapangiti si Doti dahil sinuwerte pa siya. Tamang-tama at hindi siya nakapagkape ngayong umaga dahil sa nangyari kagabi. Tulala siya sa mga nagawa nito kay Trinity kagabi kaya hindi niya makuhang mag-almusal kanina.
Ninanamnam ni Doti ang pag-inom ng kape nang biglang mag-ring ang cellphone niya. Agad naman niyang dinukot ang cellphone sa bag niyang regalo pa ni Trinity nang birthday niya. Nanlaki naman ang mata niya nang mabasa niyang si Tiffany ang tumatawag sa kanya. N
