"Tol, uuwi na ako at hinahanap na kasi ako ng girlfriend ko," paalam ni Diggie kay Brody.
"Sige na. Salamat sa paglagay sa akin sa alanganin, ha?" sagot niya at saka siya niya tinignan nang masama ang kaibigan niya.
"At least, hindi ka pa rin tinuluyan ni Trinity. Mas mainam na rin na nalaman mo ang totoo na wala siyang ginagawang mali kay Megan. Mainam na rin na hindi mo siya napapasok sa loob ng bahay mo. Baka kasi kahit malaman mo na wala naman talaga siyang ginagawang masama kay Megan ay saktan mo pa rin siya. Kilala kita. Lalo pa't alam kong bago ka umalis kanina sa ospital ay uminom ka muna sa bar na nadaanan mo."
"Oo na, sige, umalis ka na at umiinit lang lalo ang ulo ko." Walang nagawa si Diggie kundi ang umalis na lang. Ayaw na niyang makipagtalo pa kay Brody at alam niyang ib
