"Mabuti naman at maaga kang umuwi. Akala ko e, pag-aalalahanin mo na naman ako ngayong full moon," bungad ni Tessa kay Trinity habang ginagarahe na nito ang sasakyan niya.
"Gusto ko ring umuwi ng maaga at masakit ang ulo ko. Ang daming naganap ngayong araw na kinasasakit talaga ng ulo ko," sagot niya. Nagtaka naman agad si Tessa sa sinagot nito sa kanya.
"May problema ba? Anong nangyari?" Bigla tuloy niyang nabitawan ang hawak niyang walis.
"Wala naman. Hindi naman po grabe. Medyo marami kasing activity sa school kanina kaya medyo nanlalata ako ngayon," pagsisinungaling niya.
"Uminom ka na lang ng gamot kung masakit ang ulo mo."
"Sige po. Salamat mama," sagot niya. Habang nilalagyan niya ng lona ang sasakyan niya ay napatingin siya sa bahay nila Doti. Alam niyang kaya ito umuwi kanina
