Niyakap ni Maki ang tuhod at pinagmasdan ang madilim na dagat na may tuldok ng ilaw mula sa mga bangka ng mangingisda sa laot. “I am a Rubella, Benedikt. Kahit bali-baligtarin ko ang mundo, mananatili akong isang Rubella. Hindi ko mabubura ang kasaysayan ng pamilyang ito na nananalaytay sa dugo ko. Anuman ang masamang nangyari sa pamilya ko, kahit gaano ko man sila kamuhian sa ginawa nila kay Mama at sa akin, hindi ko rin naman mababago kung sino ako. Marami akong masasayang alaala dito lalo na noong bata ako. Dito ko naranasan na magkaroon ng buong pamilya – may mga magulang na nagmamahal sa akin at lolo at lola na enjoy akong i-spoil.”
Nilingon niya ang binata. “And we have so many good memories here. Naalala mo ba nang buksan itong resort at nagalit si Mommy Santina dahil pinagbigyan k
