Pagod na pagod na si Lena na umiyak sa pagkawala na lang ng biglaan ng kinakasama niyang si Kokoy.
Balak niya na naman sanang suyurin ang bukid ni Rigor ngunit naisip niyang tama na.
Marahil ay tama na ang paghahanap niya rito. Hindi naman siguro masasabi ng ibang tao na agad siyang sumuko dahil para ng nga siyang tanga sa kakahanap kay Kokoy sa malawak na bukid.
Napantay na nga ni Lena ang daan kakalakad niya ng balik-balik.
Maging ang mga tao sa lugar na pinaggalingan nila ni Kokoy nagsabing tumigil na siya sa paghahanap dahil kung sa bukid lag naman nagpunta si Kokoy ay bakit hindi niya mahanap?
Kaya tama na nga siguro.
Tama na ang pagpapakatanga niya kay Kokoy dahil mismong si Rigor na ang nagsabing bago mawala si Kokoy ng araw na iyon ay mayroon na itong ibang babaeng kasama.
