AOI’S POV
Kakaibang bugso ng damdamin ang aking nararamdaman nang maglapat ang aming mga labi. Magaan, malamyos at marahan ang paggalaw nito habang hawak ang aking pisngi na para bang sa pamamagitan ng kanyang paghalik ay maipababatid sa akin na totoo ang kanyang damdamin para sa akin.
Oo nga at napakabilis ng mga pangyayari at wala sa aking plano ang pakasalan ito pero hindi ko naman itatanggi na umaasa pa rin ako na magiging maganda ang aming pagsasama. Alam kong marami ang tataas ang kilay kapag nalaman ng iba ang totoo na sa loob lamang ng mahigit isang linggo lang ang itinakbo ng aming naging mabuting pagkakaunawaan ni Eoghan. Ni hindi nga kami dumaan sa pagiging magnobyo dahil nag-alok na kaagad ito ng kasal pero kahit ganoon, kahit na sa maikling panahon ay mukhang nakita ko rin a
