AOI’S POV
Sa loob ng dalawang linggo na aming pamamalagi sa Ireland ay hindi maipaliwanag na saya ang aking nadama na aking hiniling na sana ay huwag ng matapos pa. Ipinakita niya sa akin ang lupang kanilang pagmamay-ari at ang kanyang naging trabaho noong siya pa ay bata pa. Ipinakita rin nito ang dose- dosenang baka at tupa na kanilang pagmamay-ari, tinuturuan niya pa nga ako ng paraan kung paano ito tawagin.
Inilibot niya rin ako sa mga bayan ng Thurles, Clonmel at bayan ng Cashel kung saan naroroon ang tanyag at kilalang tourist attraction ng lugar na Rock Cashel and Cahir Castle. Pinuntahan pa namin ang mga kilalang mga medieval castles at magagandang mga lakes na alam nito. Pakiramdam ko tuloy habang namamasyal kami ay pumasok ako sa isang fairytale book dahil sa ganda ng paligid.
