-Enzo-
Wala akong nagawa ng umalis sa harapan ko si Mercy at nagawa nitong iwan sa akin si Mircale. Hindi ba ito natatakot na kaya kong kunin sa kanya ang anak namin ngayon. Pero napaisip pa rin ako dahil alam kong hindi sasama sa akin si Mircale, hindi naman talaga ako ganon kasama para kunin basta ang bata sa kanyang ina. Isa pa ay mukhang hindi naman makikinig sa akin ang anak ko dahil sa pareho naming pag-uugali. Kaya naman napabuntong hininga na lamang ako at nilapitan ko ang dalawang bata na ngayon ay tahimik pa rin na nakaupo.
“Hindi ko alam kung paano ang sasabihin sa inyo ng Nanay mo. Sa totoo lang ay gusto kong sumama na kayo sa akin ng sa ganoon ay magawa kong maipakita sa inyo na gusto kong bumawi. Nais kong makasama kayo ng Nanay mo at mabuo ang pamilya natin.” Pahayag ko sa
