DWIGHT:
DAYS, weeks and months passed. Walang Anastasia ang natagpuan sa dagat kung saan ito huling nakasama nila Mommy. Unti-unti na ring tinanggap ng pamilya nito ang nangyari sa kanya. Maging ang mga anak namin ay unti-unting naunawaan ang nangyari sa Mommy nila.
Pero hindi. Hanggang ngayon ay umaasa pa rin ako na magkaroon ng himala ang langit at ibalik sa akin si Anastasia. Na nasa isang sulok lang siya at nagpapahilom. Kaya kahit sinasabi na ng iba na wala na ang asawa ko? Sa puso ko ay nandidito pa rin ito. Iniisip ko na lang na nasa malayong lugar ito. Na balang araw ay magbabalik na siya sa aming mag-aama niya. Kahit na. . . napaka imposible ng bagay na iyon.
"Ano na naman ba ito, Axelle? Lasing ka na naman?" pagalit sa akin ng hipag at kaibigan kong si Cathleen Montereal.
