Kinabukasan, nagising siya sa walang tigil na pag-ring ng cellphone niya. Masakit ang ulo niya at antok na antok pa siya dahil late na siyang nakatulog, isama pang nakainom siya kahit papaano kaya mabigat ang pakiramdam niya.
Pikit-mata niyang kinapa ang cellphone sa side table para sagutin. Hindi na niya iyon tinignan pa at basta na lang sinagot dahil sa sakit ng ulo.
"Eliana!" boses ng Mommy niya ang nasa kabilang linya.
"Mommy," sagot niya sa inaantok na tinig.
"Anak, nasa hotel ka pa ba ni Sebastian? Much better kung mag-stay ka na muna diyan, mainit ang ulo ng Tito Arthur mo ngayon. Huwag ka na munang umuwi dito sa bahay at baka madamay ka pa," litanya ng ina.
"Ano po?" tanong niya at pinilit na bumangon para maupo kahit mabigat ang katawan at masakit ang ulo.
"Tinawagan ko na s
