Abala si DJ sa mga papeles na pinipirmahan niya ng tumunog ang kanyang cellphone. Agad niyang sinagot ang tawag.
“Vanna, anong balita? Tapos na ba sila?” tanong niya sa kanyang secretary.
Inutusan niya itong sumama sa photo shoot ni Sahara.
“Sir DJ, may problema po kasi,” bungad nito sa kanya.
“What is it?” napaunat siya ng upo.
“Pinatigil po ni Ms. Claire ang shoot. Hindi po sila nagkasundo ni Ms. Sahara,” wika nito sa kanya.
Kumunot ang noo niya sa narinig, “What do you mean? Where is she?” tukoy niya kay Sahara.
“Nasa cottage na po Ms. Sahara. Sa kabilang resort ko na po na-book ang accommodation niya. Fully book na po kasi dito sa location,” sagot nito sa kanya.
“Okay. I will be there in an hour. Don’t tell them I’m coming,” bilin niya sa secretary.
“Kahit po kay Ms. Sahara?”
