MADILIM na ang paligid nang magising si Sister Carol. Bukod sa gabi na, naka-off pa ang mga ilaw sa loob ng bus.
Tahimik na ang mga pasahero. Ang iba ay nakayuko habang tulog. Ang iba naman ay nakababad ang mga mata sa cellphone.
Wala naman siyang Android cellphone na katulad ng nauuso ngayon. Dahil ipinagbabawal iyon sa kumbento nila para hikayatin sila na huwag gumamit ng social media. Para mapanatili ang kasimplehan, katahimikan, at panalangin.
Kaya kahit makaluma man, de-keypad pa rin ang gamit ni Sister Carol na ginagamit lang nila para sa simpleng komunikasyon tulad ng text at tawag.
Sa tabi niya, nakaidlip na rin ang lalaking tumabi sa kaniya kanina. Pero ngayon, bahagya nang nakasandal ang balikat nito sa kanya.
Hindi niya mapigilan na titigan ang lalaking hindi maikakail
