LIEZEL DELA CRUZ
Kinagabihan, matapos matulog ang kambal at tahimik na ang buong bahay, kinuha ko ang laptop ko at nagsimulang gumawa ng resignation letter.
Ilang beses akong napahinto.
Hindi dahil hindi ko alam ang isusulat… kundi dahil ang hirap tanggapin na kailangan ko nang iwan ang trabahong naging sandalan ko noong wala si Josh.
“This is to formally submit my resignation…”
Paulit-ulit kong binasa.
Parang sa bawat salitang tinatype ko, unti-unti kong binibitawan yung dating ako.,yung Liezel na natutong tumayo mag-isa.
Nang matapos ko, napabuntong-hininga ako.
“Ready ka na ba talaga?” bulong ko sa sarili ko.
Hindi ko alam kung ready na nga ba ako… pero kailangan. Kailangan kong gawin ito para sa pamilya ko. At para sa sarili ko na rin. Harapin ang mga kinatatakutan ko, para tu
