THIRD PERSON
Dahil sa pagod sa panganganak ay agad siyang nakatulog.
Nang magising siya ay unang bumungad sa kanya ang puting kisame. Mabigat pa ang kanyang katawan at ramdam ang panghihina.
Dahan-dahan siyang lumingon sa paligid at napansin ang isang lalaking nakaupo sa couch.
Si Adrian.
Nang makita nitong gumalaw siya ay agad itong tumayo at mabilis na lumapit.
“Liezel, gising ka na pala? Kamusta ang pakiramdam mo? May gusto ka bang kainin?” nag-aalalang tanong nito.
Napangiti si Liezel kahit nanghihina. “Okay lang ako…” mahina niyang sagot. “Nasaan nga pala ang mga anak ko?” Tanong niya.
Bahagyang ngumiti si Adrian, pero halatang may saya sa mga mata nito.
“Nasa nursery sila. Nilinis lang at chine-check ng doctor. Malusog silang dalawa,” sagot niya.
Hindi napigilan ni Liezel
