Si kuya Dan… a-at si J-josh...
Halatang nagulat din sila. Napatitig lang sila sa akin, na parang hindi makapaniwala sa nakikita nila.
Mabilis kong ibinalik ang sarili ko sa ulirat.
Hindi pwede… hindi dito… hindi ngayon… sabi ko sa isip ko. Pakiramdam ko gusto ko ng himatayin.
“Liezel?” tawag ni Adrian, napansin ang panahimik ko.
Napilitan akong ngumiti, saka ako kusang lumapit sa kanya at kumapit sa braso niya.
“Sorry, may naalala lang ako,” sabi ko, na parang wala lang.
Hindi na ako tumingin kay Josh. Ayaw kong ipagkanulo ako ng sarili kong mga mata.
“Guys,” ulit ni Adrian, bahagya akong hinila palapit sa kanya, “this is Liezel… my girlfriend.”
Saglit akong natigilan sa sinabi niya, pero ngumiti pa rin ako at tumango sa lahat.
“Hi,” mahinahon kong bati.
Biglang tumahimik a
