MATULIN na pinatakbo ni Mayor ang kanyang kotse, patungo sa hospital. Over speeding na siya, pero hindi niya iyon pinansin. Mas mahalaga ang buhay ng kanyang mag-ina, kaysa sa malaking halaga na ibabayad niya sa road violation penalty niya.
Pagdating nila sa Don Albert's Medical Centre ay agad naman inasikaso ng mga doctor at nurse si Haide. Dinala nila ito sa Emergency Room para patigilin ang pagdurugo at bigyan ng lunas.
Hindi alam ni Mayor ang gagawin, dahil sa takot niya para sa buhay ng mag-ina. Kahit isa siyang doctor ay hindi niya iyon magamit sa mga sandaling iyon dahil nauunahan siya ng kaba at takot.
Naisipan niyang tawagan ang ina, dahil ito lamang ang puwede niyang makaramay sa mga sandaling iyon. Ang kailangan niya sa mga sandaling iyon ay ang taong dadamay sa kanya at ma
