HAIDE'S POV...
NGAYON ang araw ng balik namin sa Manila. Kailangan na kasing bumalik sa trabaho si Mayor, kaya isinama na rin niya ako. Kinakabahan ako sa totoo lang, dahil panibagong buhay na naman ang haharapin ko pagdating namin doon. Hindi na rin sa Penthouse kami uuwi ni Mayor, kung hindi sa kanilang Mansion na kami titira. Ayaw ko sanang doon kami tumira, ngunit iyon ang bahay ng asawa ko. Kailangan sumama ako sa kanya at tumira sa tahanan na minana niya sa kanyang yumaong ama.
"Babe, huwag kana'ng kabahan. Diba sinabi ko na sa 'yo na tanggap kana ni Mommy. Mabait ang Mommy ko, Babe, sigurado akong magkakasundo kayong dalawa kapag nagkakilala na kayo sa personal." saad sa akin ni Mayor. Ginagap rin niya ang palad ko at dinala sa kanyang bibig. Hinalikan niya ang likod ng kamay k
