NAMUMUTLA at nahihilo si Haide pagbaba niya ng sinakyan niyang bus, galing Maynila. Naka taas ang kanyang kamay sa noo, para takpan ang mata niyang nasisilaw sa matinding init mula sa sikat ng araw. Nasisilaw siya at mas lalong nahihilo sa liwanag, kaya halos idikit niya sa mata ang kanyang kamay.
Iginala niya ang paningin sa buong paligid at napansin niyang tila umiikot ang kanyang paningin, dahil sa sobrang pagod at pagkahilo sa ilang oras na biyahe mula Maynila.
Hinawakan rin niya ng mahigpit ang bibig, dahil nakakaramdam na naman siya ng hindi maganda sa katawan. Parang nasusuka siya, kaya mabilis siyang nagtungo sa gilid ng pader, upang doon ilabas ang ikinasasama ng kanyang tiyan.
Pagdating sa gilid ng pader ay biglang lumabas mula sa bibig ang lahat ng kanyang kinain na chocola
