MALUNGKOT na tiningnan ni Mayor ang asawa na umiiyak, habang inilalabas nito ang mga saloobin. Hindi rin niya masisi si Haide, dahil may kasalanan din siya sa mga pangyayari.
Inaamin ni Mayor sa kanyang sarili na na-duwag siyang harapin si Haide, at hindi man lang niya nagawang puntahan ito at paliwanagan.
Mariing napa pikit si Mayor at hinilot pa niya ang kanyang sintido, upang maibsan ang kanyang sakit ng ulo.
Sinisisi rin niya ang kanyang sarili, dahil wala siyang lakas ng loob na kalabanin ang sariling ina, para ipaglaban ang kanyang sariling kalayaan at aminin na mayroon na siyang asawa.
"B-Babe, sorry na. Hindi ko sinasadyang saktan ka. Wala lang akong mapag pilian, dahil may sakit si Mommy-"
"Kaya pumayag kang pakasal sa babae mo?! Ganon ba 'yon?" sumbat sa kanya ni Haide.
