# هوس البنوت

هوس البنوت 1

Attrife:

#هــــوس_البنــــوت_1

ﻳﺎﺑﺖ ﻳﺎﻧﻴﺮﻭﺯ ﺗﻌﺎﻟﻲ ﻃﺒﻘﻲ ﺍﻟﻤﻼﺑﺲ ﺍﻟﻐﺴﻠﺘﻴﻬﻢ ﺍﻟﻔﺎﻳﺪﺓ ﺷﻨﻮ ﻣﻦ ﻏﺴﻴﻠﻢ ﻭﻫﻢ ﻟﺴﻪ ﻓﻲ ﺍﻟﺤﺒﻞ ..

ﻳﻤﺔ ﺍﻧﺎ ﻓﺘﺮﺕ ﻣﻦ ﺍﻟﺒﻴﺖ ﺩﺓ ﻭﻟﺸﻨﻮ ﺍﺩﺧﻠﻢ ﺣﺴﻲ ﺍﺑﻮﻱ ﻭﻭﻟﺪﻙ ﺑﺮﺟﻌﻮﻫﻢ ﺍﻟﺴﻠﻪ ﻗﺒﻞ ﻳﺨﺸﻮ ﺍﻟﺪﻭﻻﺏ .. ﻭﺍﻃﺒﻖ ﻟﺸﻨﻮ ﺫﺍﺍﺍﺗﻮ . ﺍﺫﺍ ﺍﻟﺪﻭﻻﺏ ﺑﺴﻮﻃﻮﻫﻮ . ﺳﻮﺍﻃﻪ ﻋﺸﺎﻥ ﻳﻄﻠﻌﻮ ﻓﻨﻠﻪ ..

ﻳﺎﺑﺖ ﺧﺘﻲ ﺍﻟﺘﻠﻔﻮﻥ ﺍﻟﻔﻲ ﺍﻳﺪﻙ ﺩﺓ ﻭﺗﻌﺎﻟﻲ ﺑﺄﺩﺏ .. ﻭﺃﻻ ﻳﺤﺮﻡ ﻋﻠﻴﻚ ﻗﺮﺵ ﻟﻠﺮﺻﻴﺪ ﺍﻟﺒﺘﻌﻤﻠﻲ ﺑﻴﻬﻮ ﺧﻤﺠﻚ ﺩﺓ ..

ﻻﻻﻻ ﺧﻼﺹ ﻳﻤﺔ ﺟﺎﻳﻪ ﺍﻫﺎ ???

‏( ﻧﻴﺮﻭﺯ ﻋﺎﺩﻝ . ﻣﻦ ﺳﻜﺎﻥ ﺍﻡ ﺩﺭﻣﺎﻥ .. ﻋﻤﺮﻫﺎ 24 ﺍﺗﺨﺮﺟﺖ ﻭﻋﺎﻃﻠﻪ ﺍﺑﻮﻫﺎ ﻋﺎﺩﻝ ﻣﻮﻇﻒ ﺑﺴﻴﻂ ﻓﻲ ﺷﺮﻛﺔ ﺗﺠﺎﺭﻳﻪ ﺑﺎﻻﻗﺼﺎﺩ .

.. ﺍﻣﻬﺎ ﺳﻌﺪﻳﻪ ﺭﺑﺔ ﻣﻨﺰﻝ . ﻋﻨﺪﻫﺎ ﺍﺧﺘﻬﺎ ﻧﺎﺭﻳﺰ ﺗﻘﺮﺍ ﺍﻟﺠﺎﻣﻌﻪ .. ﺍﺧﻮﺍﻧﺎ ﺍﻭﻻﺩ ﺍﺗﻨﻴﻦ ﻭﺍﺣﺪ ﻣﻐﺘﺮﺏ ﺍﺳﻤﻮ ﻋﻼﺀ ﻭﺍﻟﺘﺎﻧﻲ ﻋﻨﺪﻭ ﻋﺮﺑﻴﺔ ﻧﻘﻞ ﻛﺒﻴﺮﺓ ﻣﺘﻨﻘﻠﻪ ﺑﻴﻦ ﺍﻟﻮﻻﻳﺎﺕ ﺑﺎﻟﺒﻀﺎﺋﻊ ﺍﺳﻤﻮ ﻣﺤﻲ ﺍﻟﺪﻳﻦ ‏) .. ‏( ﻧﻴﺮﻭﺯ ﻃﻮﻳﻠﻪ ﻭﻣﻼﻧﻪ ﺍﻟﻘﺎﻣﻪ .. ﺧﺪﺭﺗﺎ ﻧﺎﺍﺍﻋﻤﻪ ﺑﺎﻻﺿﺎﻓﻪ ﻟﻠﻔﺴﺦ .. ﻭﻣﻼﻣﺤﺎ ﻧﺎﺍﺍﻋﻤﻪ .. ﻭﺟﻤﻴﻠﻪ .. ‏)

ﻣﺎﺷﻪ ﻭﻳﻦ ﻳﺎﻧﻴﺮﻭﺯ ?..

ﻧﻴﺮﻭﺯ : ﻳﻤﺔ ﻣﺎﺷﻪ ﻋﻨﺪ ﺍﻟﺠﻴﺮﺍﻥ ﺧﻠﺼﺖ ﺷﻐﻠﻲ ﻛﻠﻮ ﻭﺑﺮﺟﻊ ﻗﺒﻞ ﺍﺑﻮﻱ ﻭﻣﺤﻲ ﻳﺠﻮ ..

ﻳﻤﺔ ﻋﻠﻴﻚ ﺍﻟﻠﻪ ﺍﺩﻳﻨﻲ ﻋﺸﺮﻳﻦ ﺟﻨﻴﻪ ﺿﺮﻭﺭﻱ ???ﺍﺗﺴﻠﻔﺘﻬﺎ ﻣﻦ ﻧﺴﺮﻳﻦ ﻭﺑﺨﺠﻞ ﻛﻞ ﻣﺎﺍﺷﻮﻓﺎ .. ﻻﺯﻡ ﺍﺭﺟﻌﻦ ﻟﻴﻬﺎ ..

ﻳﺎﺑﺖ ﻛﻞ ﻳﻮﻡ ﻃﺎﻟﻌﻪ ﺑﻜﻀﺒﻪ ﻭﻃﻠﺐ ﻗﺮﻭﺵ .. ﺍﻧﺎ ﺍﻛﻔﻴﻜﻲ ﻭﻻ ﺍﻛﻔﻲ ﺍﺧﺘﻚ ﺍﻟﺠﻨﻬﺎ ﻗﺮﻭﺵ .. ﺣﻖ ﺍﻟﺼﻨﺪﻭﻕ ﺍﻟﻌﻨﺪﻱ ﻭﻣﺎﺑﻨﻘﺺ ﺟﻨﻴﻪ ..

ﻧﻴﺮﻭﺯ : ﻳﻤﻤﻤﻪ ??

ﺳﻌﺪﻳﻪ : ﺍﻣﺸﻲ ﺍﻣﺸﻲ ﻣﺎﺗﻮﺟﻌﻲ ﺭﺍﺳﻲ .. ﻛﻔﺎﻳﻪ ﺻﻮﺕ ﺍﻟﻐﺴﺎﻟﻪ ﻭﻏﺴﻴﻠﻚ ﺯﻱ ﻭﺷﻚ ..

ﻃﻠﻌﺖ ﻧﻴﺮﻭﺯ ﺑﺘﻮﺏ ﺍﻟﻬﺰﺍﺯ ﻭﻣﺒﻠﻤﺔ ﻭﺷﻬﺎ ﺧﻮﻓﺎ ﻣﻦ ﺍﻟﺸﻤﺲ . ﻭﻭﺷﻬﺎ ﻣﺮﺑﻮﻁ ﻣﺎﻗﺪﺭﺕ ﺗﺼﻄﺎﺩ ﺣﺒﺔ ﻗﺮﻳﺸﺎﺕ ... ﺑﻘﺖ ﺗﺘﻜﻠﻢ ﺑﺮﺍﻫﺎ ... ﺣﺴﻲ ﺍﻋﻤﻞ ﺷﻨﻮ ﺍﺑﻮﻱ ﻭﺭﺍﺗﺒﻮ ﻓﻲ ﻳﺪ ﺍﻣﻲ ﻭﻣﺤﻲ ﺍﻟﺪﻳﻦ ﺟﻠﺪﺩﺩﺓ ﻣﺎﺑﺘﻬﺒﺶ ﻭﻋﻼﺀ ﺍﻟﺒﺮﺳﻠﻮ ﻛﻠﻮ ﻓﻲ ﻳﺪ ﺍﻣﻲ .. ﺃﺣﻴﻴﻲ ﺍﻧﺎ ﻻﺯﻡ ﺍﺷﻮﻑ ﻟﻲ ﺷﻐﻠﻪ ﻭﻻ ﺧﺪﻣﺔ ﺍﻧﺰﻻ ﺗﺠﻴﺐ ﻟﻲ ﺣﻖ ﺍﻟﺮﺻﻴﺪ ﻭﺍﻟﺨﻠﻄﺎﺕ ﺑﺲ ...

ﻧﻴﺮﻭﺯ : ﺳﻼﻣﺎﺕ ﻳﺎﻧﺴﺮﻳﻦ ﻗﺪﺭ ﻣﺎﺍﻟﺰﻭﻝ ﻳﺠﻴﻚ ﻳﻠﻘﺎﻙ ﻣﺎﺳﻜﻪ ﻟﻴﻚ ﻳﺎﻣﺨﺪﺓ ﺑﺘﻨﺠﺪﻳﻬﺎ ﻳﺎ ﻣﻼﻳﻪ ﺑﺘﻜﻮﻳﻬﺎ .. ﺍﻧﺎ ﺍﻟﻐﺴﻴﻞ ﺑﺎﻟﻌﺎﻓﻴﻪ ﻟﺰﻳﺘﻮ ﻋﻠﻲ ﺩﻓﻌﺘﻴﻦ ﻭﻓﻢ ﻭﻭﻭﻭﺍﺣﺪ ..

ﻧﺴﺮﻳﻦ : ﻫﻬﻬﻬﻬﻪ ﺍﻟﻨﻀﺎﻓﻪ ﻣﻦ ﺍﻻﻳﻤﺎﻥ ﻭﺍﻧﺘﻲ ﻛﺴﻠﻚ ﺩﻩ ﺧﻠﻲ ﻓﻲ ﺑﻴﺘﻜﻢ ﻟﻤﺎ ﺗﻌﺮﺳﻲ ..

ﻧﻴﺮﻭﺯ : ﺯﻫﺠﺎﻧﻪ ﻳﺎﻧﺴﺮﻳﻦ ﺍﺷﺘﻘﺖ ﻻﻳﺎﻡ ﺍﻟﺠﺎﻣﻌﻪ ﻭﺍﻟﺮﻣﺘﻠﻪ ... ﺣﺴﻲ ﻣﻦ ﺍﻟﺼﺒﺎﺡ ﺍﻣﻲ ﺗﺸﻐﻼ ﻟﻲ ﻣﻦ ﺧﺪﻣﺔ ﻟﺨﺪﻣﺔ ﻣﻦ ﺍﻟﻤﻄﺒﺦ ﻟﻠﺤﻮﺵ ﻟﻠﻌﺪﺓ ..

ﻧﺴﺮﻳﻦ : ﻳﻌﻨﻲ ﻋﺎﻳﺰﺓ ﺗﺸﻐﻠﻲ ﺍﻣﻚ ﻭﺗﺮﻗﺪﻱ .. ﺍﻣﻲ ﻳﺎﻧﻴﺮﻭﺯ ﻣﺎﺑﺘﺘﺰﻛﺮ ﻏﺴﻠﺖ ﺻﺤﻦ ﺑﺘﻴﻦ .. ﻟﻤﺎ ﺍﺷﻮﻓﺎ ﻓﻲ ﺍﻟﻤﻄﺒﺦ ﺳﺎﻱ ﻗﻠﺒﻲ ﺑﻮﺟﻌﻨﻲ ...

ﻧﻴﺮﻭﺯ : ﻛﺪﺓ ﺍﻧﺴﺄﻟﻚ ﺑﻮﺗﻴﻚ ﻋﻤﺮ ﺩﺓ ﻣﺎﺟﺎﺏ ﺷﻲ ﺟﺪﻳﺪ .. ﺍﺭﺡ ﻋﻠﻴﻚ ﺍﻟﻠﻪ ﻧﻐﺸﺎﻫﻮ ..

ﻧﺴﺮﻳﻦ : ﺍﻧﺘﻲ ﺳﻮﺳﻪ ﺑﺲ .. ﻣﻦ ﺃﻟﻢ ﻟﻲ ﺣﺒﺔ ﻗﺮﻳﺸﺎﺕ ﺗﺠﻲ ﺗﺠﺮﻳﻨﻲ ﻟﻠﺒﻮﺗﻴﻚ ..

ﻧﻴﺮﻭﺯ : ﺗﻌﻤﻠﻲ ﺑﻴﻬﻦ ﺷﻨﻮ ﻃﻴﺐ ﻻﻣﺎﻫﻦ ﻛﺪﻱ ﺑﻼ ﻓﺎﻳﺪﺓ ... ﺣﺴﻲ ﻳﺠﻲ ﻋﺮﺱ ﻓﻲ ﺍﻟﺤﻠﺔ ﺩﻱ ﻓﺠﺎﺃﺓ ﻭﻭﺷﻨﺎ ﻳﻜﻮﻥ ﻣﻜﻮﺩﺏ ﻻ ﻓﺴﺦ ﻻ ﻧﻮﺭﺓ ﻓﻴﻬﻮ .. ﻭﺑﺮﺍﻙ ﻋﺎﺭﻓﻪ ﻧﺤﻦ ﻓﻲ ﻭﺵ ﺳﻮﻕ ﻭﻗﻄﺮﻧﺎ ﺑﺎﻗﻴﻠﻮ ﻟﻔﻪ ﻭﺣﺪﺓ ﻭﻳﻔﻮﺕ ..

ﻧﺴﺮﻳﻦ : ﺍﻟﻘﺮﻭﺵ ﺑﻠﻤﻬﻦ ﻟﻤﺎ ﺗﺠﻲ ﻋﺮﺑﻴﺔ ﺍﻟﻌﺪﺓ ﺑﺴﺘﻔﻴﺪ ﺑﻄﻘﻢ ﻃﻘﻤﻴﻦ ..

ﻧﻴﺮﻭﺯ ﻗﻮﻣﻲ ﻗﻮﻣﻲ ﺍﺭﺡ .. ﻛﺪﺓ ﻟﺤﻈﺔ ???

ﺍﺗﺼﻠﺖ ﻧﻴﺮﻭﺯ ﻋﻠﻲ ﺣﺒﻴﺒﺎ ﺍﺳﻤﻮ ﺍﻛﺮﻡ ﻭﺧﺒﺮﺗﻮ ﺍﻧﻬﺎ ﻃﺎﻟﻌﻪ ﻟﻠﺒﻮﺗﻴﻚ ﺍﻟﻘﺮﻳﺐ ﻋﻠﻲ ﺑﻴﺘﻢ ..

ﺍﻛﺮﻡ ﺩﺓ ﺍﻟﻨﻮﻉ ﺍﻻﺭﺑﻌﻪ ﻭﻋﺸﺮﻳﻦ ﺳﺎﻋﻪ ﺍﻳﺪﻭ ﻓﻲ ﺷﻌﺮﻭ ﻳﻠﻒ ﻭﻳﻔﻚ .. ﻭﻳﺒﺮﺭﺭﺭﺭﻡ .. ‏( ﺗﻈﺒﻴﻄﺔ ﺍﻟﺨﺮﺷﻪ ‏)

ﺍﻟﻨﻮﻉ ﺍﻟﺒﻨﻄﻠﻮﻧﻮ ﺑﺎﻫﺖ ﻭﻣﻼﻥ ﺑﺴﻜﻦ ﻋﺎﺩﻡ ﺍﻟﺮﻛﺸﻪ ﻭﺗﺮﺍﺏ ﺍﻟﻤﺼﺎﻃﺐ .. ﻋﻴﻮﻧﻮ ﻣﺰﻳﺘﻪ ﻭﺑﺠﺮ ﺷﻬﻘﻪ ﻧﻔﺲ ﻓﻲ ﻛﻞ ﺩﻗﻴﻘﻪ ...?

ﺍﻫﺎ ﻧﻴﺮﻭﺯ ﺩﻱ ﻋﺎﺟﺒﺎﻫﺎ ﺭﻭﺡ ﺷﺪﻳﺪ ﻭﻋﺎﻳﺰﺍ ﺗﻤﻼ ﻓﺮﺍﻏﺎ ﺑﺎﻱ ﺷﻲ ...

ﻃﻠﻌﺖ ﻣﻌﺎﻫﺎ ﻧﺴﺮﻳﻦ ﻭﺍﺗﺠﻬﻮ ﻋﻠﻲ ﺑﻮﺗﻴﻚ ﻋﻤﺮ ... ﻓﻲ ﺍﻟﻄﺮﻳﻖ ﻧﻴﺮﻭﺯ ﻣﺘﻮﺍﺻﻠﻪ ﻣﻊ ﺍﻛﺮﻡ ﺧﻄﻮﺓ ﺑﺨﻄﻮﺓ ﻭﺗﻜﺴﺮ ﻛﻼﻣﺎ ﻭﺗﺘﺪﻟﻊ ﻭﻫﻲ ﻣﺎﺷﻪ .

ﻧﺴﺮﻳﻦ : ﻭﺣﺎﺕ ﺍﻟﻠﻪ ﻳﺎﻧﻴﺮﻭﺯ ﺧﺠﻠﺘﻴﻨﻲ ﺷﻮﻓﻲ ﺳﻴﺪ ﺍﻟﺒﻘﺎﻟﻪ ﺩﻩ ﺣﺴﻲ ﺧﻠﻲ ﺍﻟﻔﻲ ﻳﺪﻭ ﻭﺑﻘﻲ ﻣﻘﻬﻲ ﻓﻴﻨﺎ ﻛﻴﻒ .. ﺍﺭﺧﻲ ﺻﻮﺗﻚ ﺩﺓ ﺷﻮﻳﻪ ..

ﻧﻴﺮﻭﺯ ??: ﻫﺴﺴﺴﺴﺲ ﺩﻗﻴﻘﻪ ﻳﺎ ﻧﻴﺴﺮﻳﻦ .. ﺑﺘﺎﺷﺮ ﺑﻬﻤﺲ ... ﺍﻫﺎ ﻳﺎﻛﺮﻭﻣﺎ ﺍﺗﻔﻘﻨﺎ ﻳﻼ ﺑﺎﺍﺍﺍﻱ ... ﻣﺎﻟﻚ ﻳﺎﻧﺴﻮ ﻳﺎﺥ ﻣﺎﻳﻌﺎﻳﻦ ﻭﻻ ﻳﺘﻔﺮﺝ ﺑﻌﺪﻳﻦ ﻫﻮ ﺯﺍﺗﻮ ﺷﺤﺪﻧﻲ ﺭﻗﻤﻲ ﻃﻨﺸﺘﻮ ﻻﻧﻮ ﻇﺎﻫﺮ ﻋﻠﻴﻬﻮ ﺑﺨﻴﻞ ﻣﻦ ﺷﻨﺒﻮ ﺍﻟﺬﻱ ﺩﺭﻛﺴﻮﻥ ﺍﻟﻌﺠﻠﻪ ﺩﺓ ...

ﺑﻘﻦ ﻳﺘﻀﺎﺣﻜﻦ ﻭﺩﺧﻠﻮ ﺍﻟﺒﻮﺗﻴﻚ ﻭﻳﺘﻔﺮﺟﻮ ﺟﺎﻱ ﻭﺟﺎﻱ ..

ﻧﻴﺮﻭﺯ : ﺳﻼﻡ ﻳﺎﻋﻤﺮ ﺍﻫﺎ ﻧﻔﺲ ﺍﻟﺤﺎﻝ ﻣﺎﻑ ﺭﻳﺤﺔ ﺣﺎﺟﻪ ﺟﺪﻳﺪﺓ .. ﺍﻥ ﺷﺎﺀ ﺍﻟﻠﻪ ﺟﺒﺖ ﺑﺰﻭﺭ ﺍﻟﻌﻨﺐ ﺣﺎﺳﻪ ﻭﺷﻲ ﺍﻟﻴﻮﻣﻴﻦ ﺩﻱ ﺍﻗﻠﺔ ﺷﻤﺲ ﺑﻴﻄﻠﻊ ﺯﻳﺖ ..

ﻋﻤﺮ : ﺟﺒﺘﻬﺎ ﻭﺟﺒﺖ ﺧﻠﻄﺎﺕ ﺣﻠﻮﺓ ﺑﺲ ﺍﻻ ﻳﺎﻧﻴﺮﻭﺯ ﺩﻳﻮﻧﻚ ﻟﻄﺨﻪ ﻭﺗﻘﻴﻠﻪ .. ﺣﺴﻲ ﻧﺴﺮﻳﻦ ﺩﻱ ﺑﺘﺪﻓﻊ ﺍﻭﻝ ﺑﺎﻭﻝ ﻭﺍﻧﺘﻲ ﺗﺮﺩﻣﻲ ﺷﻬﺮ ﻓﻲ ﺷﻬﺮ ..

ﻧﻴﺮﻭﺯ : ﻋﺎﺩ ﻳﺎﻋﻤﺮ ﻧﺴﺮﻳﻦ ﺩﻱ ﻋﻨﺪﻫﺎ ﻭﻣﻘﺮﺷﻪ ﺍﻧﺎ ﻋﺎﺍﺍﺍﻃﻠﻪ ﻭﺑﻠﻤﻬﻦ ﻟﻴﻚ ﺑﺎﻟﻌﺎﻓﻴﻪ ﻭﺍﻟﻠﻘﻴﻂ ﺟﺎﻱ ﻭﺟﺎﻱ .. ﻛﺪﺓ ﺳﻮﻳﻠﻲ ﺧﻠﻄﺔ ﺗﻔﺘﺢ ﻭﺗﺸﻴﻞ ﺍﻟﺰﻳﺖ ﺍﻟﺒﻄﻠﻊ ﺩﺓ ﻭﺍﺣﺴﺐ ﻋﻨﺪﻙ ﻭﺍﺩﻳﻨﻲ ﻛﺮﺕ ﺍﺭﻳﺒﺎ ﻋﺸﺮﺓ ﺟﻨﻴﻪ ..

ﻋﻤﺮ : ﻣﺎﺗﻄﻮﻟﻲ ﺍﻟﺪﻳﻮﻥ ﻋﺸﺎﻥ ﺗﺴﻠﻜﻲ ﻛﻞ ﻣﺎﺗﻄﻠﺒﻲ ﺣﺎﺟﻪ ..

ﻧﻴﺮﻭﺯ : ﻣﺎﻣﻤﻜﻦ ﻳﺎﻧﺴﺮﻳﻦ ﺍﻧﺎ ﻛﻞ ﻣﺮﺓ ﺍﻟﺰﻙ ﻟﺰ ﻋﺸﺎﻥ ﺗﺸﺘﺮﻱ ﻟﻴﻚ ﺷﻲ ﻳﻨﻀﻔﻚ . .. ﺧﻠﻴﻚ ﺗﻔﺘﻴﺤﺔ ﻭﺍﻃﻠﺒﻲ ﺑﺮﺍﻙ ﻣﺎﺗﻜﺮﻫﻴﻨﻲ ﺍﻟﺠﻴﺖ ﻣﻌﺎﻛﻲ ..

ﻛﺪﺓ ﻳﺎﻋﻤﺮ ﺟﻬﺰ ﻟﻲ ﺧﻠﻄﺘﻲ ﻭﺍﻟﻜﺮﺕ ﺍﻧﺎ ﺟﺎﻳﻪ ﻟﺤﻈﺔ ﺧﻠﻴﻚ ﻳﺎﻧﺴﺮﻳﻦ ﻣﻌﺎﻩ

ﻃﻠﻌﺖ ﻧﻴﺮﻭﺯ ﻭﻭﻗﻌﺪﺕ ﻓﻲ ﺭﻛﺸﺔ ﺍﻛﺮﻡ ﻭﻗﻌﺪﺕ ﺗﺘﻮﻧﺲ

ﻛﺎﻧﻮ ﻓﻲ ﺷﺒﺎﺏ ﻓﻲ ﻣﺼﻄﺒﺔ ﺑﻴﺖ ﻣﻘﺎﺑﻞ ﻟﻠﺒﻮﺗﻴﻚ ﺑﺲ ﻣﺴﺎﻓﻪ ﻣﻴﺪﺍﻥ ﻣﺎﻛﺒﻴﺮ ﺷﺪﻳﺪ ﻭﻟﻤﺤﻮ ﻧﻴﺮﻭﺯ ﻭﺍﻛﺮﻡ ..

ﻧﺴﺮﻳﻦ ﺑﻘﺖ ﺗﺘﻠﻔﺖ ﻣﻨﺘﻈﺮﺓ ﻧﻴﺮﻭﺯ ﻭﺗﺎﻛﻞ ﻓﻲ ﻃﺮﻑ ﺗﻮﺑﺎ ﺑﺎﻟﺨﻮﻑ ﻻﻧﻮ ﺗﺼﺮﻓﺎﺕ ﻧﻴﺮﻭﺯ ﺟﺮﻳﺌﺔ ﻭﻣﺎﺑﺘﻬﺘﻢ ﺑﺎﻟﺤﻮﺍﻟﻴﻬﺎ ..

ﺭﺟﻌﺖ ﻧﻴﺮﻭﺯ ﻭﺷﺎﻳﻠﻪ ﻓﻲ ﺍﻳﺪﺍ ﻗﺮﻭﺵ ﺯﻱ 50 ﺝ ﻭﺍﺩﺗﺎ ﻟﻌﻤﺮ .. ﺍﻫﺎ ﻳﺎﻋﻤﺮ ﺧﻔﻔﺖ ﺩﻣﻲ ﻭﺟﺒﺖ ﻟﻴﻚ ﺟﺰﻭ ﻣﻦ ﺍﻟﺪﻳﻦ ﺍﻟﻔﺎﺕ ﻋﺸﺎﻥ ﺗﺸﺘﻐﻞ ﻟﻲ ﺧﻠﻄﺎﺗﻲ ﺑﻀ

ﻤﻴﺮ ..

ﻭﻃﻠﻌﻮ ﻫﻲ ﻭﻧﺴﺮﻳﻦ ﻭﺍﺗﺠﻬﺖ ﻧﻴﺮﻭﺯ ﻋﻠﻲ ﺍﻟﺮﻛﺸﻪ ﻭﺭﻛﺒﺖ .. ﺍﺭﺡ ﺍﺭﺡ ﻳﺎﻧﺴﺮﻳﻦ ﺍﻛﺮﻡ ﺑﻮﺻﻠﻨﺎ ..

ﻧﺴﺮﻳﻦ ﺭﺟﻌﺖ ﻛﻢ ﺧﻄﻮﺓ ﻟﻮﺭﺍ ﻭﺍﺷﺮﺕ ﺑﻴﺪﻫﺎ ﻻﻻﻻ

ﻧﻴﺮﻭﺯ : ﻳﺎﺥ ﺳﻴﺒﻲ ﺗﺨﻠﻔﻚ ﺩﺓ ﺍﻋﺘﺒﺮﻳﻬﻮ ﺍﺟﺎﺭ ﻭﻧﻮﺻﻞ ﺍﺻﻼ ﺍﻟﺒﻴﺖ ﻗﺮﻳﺐ ﻣﺎﻑ ﻣﺸﻲ ﻛﺪﺓ ﻭﻻﻛﺪﺓ

ﻭﻓﻲ ﺩﺓ ﻛﻠﻮ ﺍﻟﺸﻠﻪ ﺍﻟﺒﻬﻨﺎﻙ ﺑﺘﺼﻮﺭ ﻭﺗﺴﺠﻞ ﺍﻟﻤﻨﻈﺮ ..

ﺍﻛﺮﻡ ﺿﺮﺏ ﺑﻮﺭﻱ ﺍﻟﺮﻛﺸﻪ ﺷﺪﻳﺪ ﻧﺴﺮﻳﻦ ﺍﺗﻮﺗﺮﺕ ﻭﺭﻛﺒﺖ ﻃﻮﺍﻟﻲ ...

ﺍﻛﺮﻡ ﺷﻐﻞ ﺍﻻﺳﺘﺮﻳﻮ ﺑﺼﻮﺕ ﻋﺎﻟﻲ ﻭﻧﺴﺮﻳﻦ ﺗﺘﻠﻔﺖ ﻓﻲ ﺍﻟﺸﺎﺭﻉ ﺯﻱ ﺍﻟﺮﺍﻳﺢ ﻟﻴﻬﺎ ﻃﻔﻞ ﻭﺧﺎﻳﻔﻪ .. ﻭﻧﻴﺮﻭﺯ ﺗﺮﻗﺺ ﺑﺎﻛﺘﺎﻓﺎ ﺑﺤﺮﻛﺔ ﺑﻄﻴﺌﻪ ﻭﺗﻀﺮﺏ ﻧﺴﺮﻳﻦ ﻓﻲ ﻛﺘﻔﻬﺎ ‏( ﻋﻴﺸﻲ ﺣﻴﺎﺗﻚ ﻭﻓﻜﻲ ﺍﻟﺨﻮﻑ ﺩﺓ ‏)