# هوس البنوت

هوس البنوت 2

Attrife:

#هــــوس_البنــــوت_2

ﻃﺒﻌﺎ ﻭﺍﺿﺢ ﺍﻧﻮ ﻧﺴﺮﻳﻦ ﻣﻦ ﺍﻟﻨﻮﻉ ﺍﻟﺨﺠﺎﺍﺍﺍﻝ ﺍﻟﺒﺨﺎﻑ ﻧﻈﺮﺓ ﺍﻟﻨﺎﺱ ﻭﺍﻟﻌﻴﺐ ..

ﺍﻫﺎ ﻭﺻﻠﻮ ﻧﺴﺮﻳﻦ ﻭﻧﻴﺮﻭﺯ ﺟﻤﺐ ﺍﻟﺒﻴﺖ .. ﻧﺰﻟﻮ ﻭﻛﻞ ﻭﺣﺪﺓ ﻣﺘﺠﻬﺔ ﻋﻠﻲ ﺑﻴﺘﺎ ..

ﺍﺗﺼﺎﺩﻓﻮ ﻧﻴﺮﻭﺯ ﻭﺍﺧﺘﻬﺎ ﻧﺎﺭﻳﺰ ﺟﻤﺐ ﺑﺎﺏ ﺍﻟﺒﻴﺖ ﻧﺎﺭﻳﺰ ﻋﺎﻳﻨﺖ ﻟﻠﺮﻛﺸﻪ ﻭﻏﻤﺰﺕ ﻻﺧﺘﻬﺎ .. ﻧﻴﺮﻭﺯ ﺟﺎﺗﺎ ﻫﺎﺟﻤﻪ ﺍﺻﺒﺮﺭﻱ ﻟﻲ ﺍﻟﻴﻼ ﻳﺎﻧﺎﺭﻳﺰ ﺍﻧﺎ ﻣﺶ ﻭﺭﻳﺘﻚ ﺍﻟﻒ ﻣﺮﺓ ﻣﺎﺗﺠﻲ ﺟﻢ ﺣﺎﺟﺎﺗﻲ ﻻﺑﺴﻪ ﺍﻟﻄﺮﺣﺔ ﻭﺍﻟﺸﻨﻄﺔ ﻟﺸﻨﻮ

ﻧﺎﺭﻳﺰ : ﻫﻲ ﻫﻲ ﺍﺻﺒﺮﻱ ﻧﺨﺶ ﺍﻟﺒﻴﺖ ﻣﺎﺗﻜﻮﺭﻛﻲ ﻭﺗﻄﻠﻌﻲ ﺍﻟﺠﻴﺮﺍﻥ ﻋﻠﻲ ﺩﻻﻗﻴﻨﻚ ﺍﻟﻤﻌﺘﺘﻪ ﺩﻱ

ﻧﻴﺮﻭﺯ : ﺍﺍﺍﺍﻱ ﺍﺍﺍﺍﻱ ? ‏( ﺑﺼﻔﻘﺔ ﺍﻟﻴﺪﻳﻦ ‏) ﺑﻌﺪ ﺗﻐﻀﻲ ﻏﺮﺿﻚ ﻃﻠﻌﻴﻬﻦ ﻣﻌﺘﺘﺎﺕ .. ﺍﺩﺧﻠﻲ ﺍﻟﻴﻼ ﺑﻄﻠﻊ ﺭﻭﺣﻚ ﻳﺎ ﺍﻟﻌﻮﺍﻟﻴﻘﻪّّ

ﻧﺎﺭﻳﺰ : ﺟﺮﺕ ﺩﺧﻠﺖ ﻭﻟﻘﺖ ﺍﻣﻬﺎ ﻓﻲ ﺍﻟﻤﻄﺒﺦ ﺍﺩﺳﺖ ﻭﺭﺍ ﺍﻣﻬﺎ ﻭﺑﻘﺖ ﺗﺼﺮﺥ ﻳﻤﺔ ﻭﺍﺍﺍﻱ ﺷﻮﻓﻲ ﺍﻟﻬﺠﺎﻣﻪ ﺩﻱ ﻋﺎﻳﺰﺓ ﺗﻀﺮﺑﻨﻲ .. ﺍﻥ ﻣﺎﻟﻘﻴﺖ ﻃﺮﺣﺘﻚ ﻓﻲ ﺍﻟﺴﻠﻪ ﻣﻜﺮﻓﺴﻪ ﻛﺎﻥ ﺳﻮﻳﺘﻲ ﺷﻨﻮ

ﺳﻌﺪﻳﻪ : ﺯﺣﻲ ﻛﺪﻱ ﻣﻨﻲ ﻣﺎﻋﻨﺪﻱ ﻟﻴﻜﻦ ﺣﻴﻞ ﺑﻨﺎﺕ ﻣﺎﺑﺘﺨﺘﺸﻦ ﺣﺴﻲ ﺍﻟﺤﻠﻪ ﺩﻱ ﻛﻠﻬﺎ ﺑﻨﺎﺕ ﻭﺍﺧﻮﺍﺕ ﺯﻳﻜﻦ . ﻣﺮﺓ ﻭﺣﺪﺓ ﻣﺎﺳﻤﻌﺘﻬﻦ ﺑﺘﻨﺎﻗﺮﻥ . ﻳﺎﻛﺎﻓﻲ ﺍﻟﺒﻼ ﻣﻨﻜﻦ ﺗﺘﻨﺎﻗﺮﻭ ﺯﻱ ﺍﻟﻀﺮﺍﺕ .. ﺍﻟﻠﻪ ﻳﺎﺧﺪﻛﻦ ﻭﻳﺮﻳﺤﻨﻲ ﻣﻦ ﺟﻮﺭﻛﻢ ﻭﻓﺠﺎﺭﺗﻜﻦ ﺩﻱ

ﻧﻴﺮﻭﺯ : ﺍﺻﻠﻚ ﻳﻤﺔ ﻣﺎﺑﺘﻔﻀﻲ ﺍﻟﻨﺰﺍﻉ ﺑﺮﺍﺣﺔ .. ﺑﺲ ﺗﺪﺍﻋﻲ ﺩﻋﺎ ﻳﻮﺟﻊ ﺍﻟﻘﻠﺐ .. ﺷﻜﻴﺘﻚ ﻻﻟﻠﻪ ﻳﺎﻧﺎﺭﻳﺰ ﻳﺎﺣﺮﺍﻣﻴﻪ ﺍﻟﻬﺪﻭﻡ ..

ﻧﺎﺭﻳﺰ : ﻫﻲ ﻫﻲ ﻋﺎﺭﻓﻪ ﺧﺸﻤﻲ ﺩﺓ ﺍﻟﻔﻮﻟﻪ ﻣﺎﺑﺘﺘﺒﻠﻲ ﻓﻴﻬﻮ ﻭﺍﻥ ﻛﺒﻴﺖ ﻟﻴﻚ ﺍﻟﻔﻮﻝ ﻫﻨﺎ ﺣﺴﻲ ﺍﻣﻲ ﺩﻱ ﺑﺘﻄﺒﺨﻚ ﺑﺪﻝ ﺣﻠﺘﺎ ﺩﻱ .. ‏( ﺭﻛﺸﺔ ﺍﻛﺮﻡ ‏)

ﻧﻴﺮﻭﺯ ???: ﻫﺎﻫﺎﻫﻴﻬﻲ ﺍﻧﺘﻲ ﻳﺎﻧﺎﺭﻳﺰ ﺑﺘﺼﺪﻗﻲ ﺍﻧﻲ ﺑﺘﻐﺎﻅ ﺑﺲ ﻣﻦ ﻋﺪﻡ ﺍﺣﺴﺎﺳﻚ ﺩﺓ .. ﺑﺲ ﻟﻜﻦ ﺍﻟﻄﺮﺣﺔ ﺩﻱ ﻋﺎﻳﺰﺓ ﺳﻠﻔﻲ ﺣﻠﻮ ﻛﺪﺓ ﺗﻌﺎﻟﻲ ‏( ﻏﻴﺮﺕ ﺍﻟﻤﻮﺿﻮﻉ ‏) ..

ﻧﺎﺭﻳﺰ : ﺍﻫﺎ ﺍﻫﺎ ﻳﻼ ﻣﺎﻑ ﺍﻟﺒﻘﺪﺭ ﻟﻴﻚ ﺍﻻ ﺍﻧﺎ ??..

ﺍﻫﺎ ﻳﻤﺔ ﺍﻟﻐﺪﺍ ﺩﺓ ﺑﺸﻨﻮ

ﺳﻌﺪﻳﻪ : ﻓﺘﺔ ﻋﺪﺱ

ﻧﺎﺭﻳﺰ : ﻭﺍﺍﺍﺍﻱ ﻳﻤﺔ ﻳﺎﺥ ﻫﺮﻳﺘﻲ ﺑﻄﻨﺎ ﺑﺎﻟﻌﺪﺱ ﺩﺓ ﻧﻴﺮﻭﺯ ﺩﻱ ﺗﻠﻒ ﻛﺪﺓ ﺳﺎﻱ ﻣﺎﺗﻄﺒﺦ ﻟﻴﻬﺎ ﺷﻲ ﻳﺸﻬﻲ ..

ﻧﻴﺮﻭﺯ : ﻳﺴﻤﻚ ﻳﺎﺍﻟﻤﺎﺑﺘﺸﺒﻌﻲ . ﺧﺪﺍﻣﺘﻚ ﻭﻻ ﺑﺘﺪﻳﻨﻲ ﺭﺍﺗﺐ ..

ﺳﻌﺪﻳﻪ : ﻫﻮﻭﻭﻱ ﺍﻧﺘﻦ ﺍﻻﺗﻨﻴﻦ ﺍﻧﺎ ﻣﺎﺷﻪ ﺍﻧﻮﻡ ﻟﻤﺎ ﺍﺑﻮﻛﻦ ﻳﺠﻲ ﺻﻠﺤﻮ ﺍﻟﺼﻴﻨﻴﻪ ﻭﺍﻋﻤﻠﻮ ﻟﻴﻬﻮ ﺷﻄﺔ ﻭﺻﺤﻦ ﺳﻠﻄﻪ ..

ﻧﺎﺭﻳﺰ : ﺗﻠﻔﻮﻧﺎ ﻳﺪﻕ ﻭﺗﺠﺮﻱ ﺗﺨﺶ ﺍﻟﻐﺮﻓﻪ ﻭﺗﻔﺘﺢ ﺍﻟﻤﺮﻭﺣﺔ .. ﻭﺗﻔﻚ ﺍﻟﻄﺮﺣﻪ ﻭﺗﺮﻛﺐ ﺍﻟﺴﻤﺎﻋﻪ ﻭﺗﻘﻌﺪ ﻓﻲ ﻭﻧﺴﻪ ﺩﻗﺎﺍﺍﺍﺍﻗﻪ ﻭﺑﺼﻮﺕ ﻣﺎﻣﺴﻤﻮﻉ ﻭﺩﻟﻊ ﻭﺿﺤﻚ ...

ﻧﻴﺮﻭﺯ : ﺍﻭﻑ ﺍﻭﻑ ﺍﻟﺼﺒﺎﺭﺓ ﺩﻱ ﺍﻻ ﺍﻣﻼﻫﺎ ﺍﻧﺎ ﺗﻠﺞ ﻣﺎﻑ ﺯﻭﻝ ﺑﺠﻲ ﺟﻤﺒﻬﺎ .. ﺣﺴﻲ ﻟﻮ ﻣﺎﻋﻄﺸﺎﻧﻪ ﻭﺣﺎﻃﺴﻤﻼ ﻣﺎﺍﺟﻲ ﺟﻤﺒﻬﺎ ..

ﺟﺎﻧﺐ ﺍﺧﺮ .... ‏( ﻧﺎﺍﺍﺍﺍﻧﺎ ‏) ?????

ﻧﺎﻧﺎ ﺩﻱ ﻓﻲ ﺍﻟﺤﻠﻪ ﺍﻟﻤﺠﺎﻭﺭﺓ ﻟﺤﻠﺔ ﻧﻴﺮﻭﺯ .. ﻭﺻﺤﺒﺔ ﻧﻴﺮﻭﺯ ﻭﺻﺎﻳﻌﻪ ﻧﻤﺒﺮ ﻭﻥ ... ﻓﺴﺦ ﻭﺣﻮﺍﻣﻪ ﻭﺟﻜﺲ ﻭﺣﻔﻼﺕ ﻭﻟﺒﺲ ﺍﺵ ﺍﺵ .. ﻭﺷﻌﺮ ﺑﻮﺏ ﻧﺎﺍﺍﻋﻢ ﺍﺷﻘﺮ ﻣﺮﺓ ﻭﺍﺳﻮﺩ ﻣﺮﺓ ﻭﻛﺮﻛﺪﺍﻭﻱ ﻣﺮﺓ .. ﻭﻧﺎﺭﻱ ﻣﺮﺓ .. ﻭﺍﻟﺤﺎﺟﺐ ﻭﺍﻟﻘﻄﻌﻴﻪ ﺍﻟﻌﺠﻴﺒﻪ ...

ﻧﺎﻧﺎ ??: ﺍﻟﻒ ﻣﺮﺓ ﻛﻠﻤﺘﻚ ﻳﺎ ﺣﻮﺩﺓ ﺍﻧﺎ ﻣﺎﺑﺘﻨﻔﻊ ﻣﻌﺎﻱ ﺣﺮﻛﺎﺗﻚ ﺩﻱ ﻛﻴﻒ ﻳﻌﻨﻲ ﺍﻣﺶ ﻣﻌﺎﻙ ﻓﻲ ﺑﺤﺮﻱ ..

ﺣﻮﺩﻩ ??: ﻫﻲ ﻫﻲ ﺍﻫﺎ ﺑﺘﻴﻦ ﺍﺗﺪﻳﻨﺘﻲ ﻭﺩﺧﻠﺘﻲ ﺍﻻﺳﻼﻡ .. ﺍﻣﺲ ﻣﺎﻛﻨﺎ ....... ﻭﻻ ﺍﺧﻴﺮ ﺍﺳﻜﺖ ..

ﻧﺎﻧﺎ : ‏( ﻭﺍﻟﻠﺒﺎﻧﻪ ﻓﻲ ﺧﺸﻤﻬﺎ (?? ﻫﻮﻱ ﻳﺎﺣﻮﺩﺓ ﻣﺎﺗﺨﻠﻴﻨﻲ ﺍﻭﺭﻳﻚ ﻭﺷﻲ ﺍﻟﺨﺸﺐ .. ﻟﻢ ﺍﻟﻔﺎﻇﻚ ﻋﻠﻴﻚ ﻳﺎﻭﺩ ﺷﺎﻣﺔ .. ﺑﻌﺪﻳﻦ ﺯﺍﺗﻮ ﻗﺮﻳﺸﺎﺗﻚ ﻣﺎﺟﺎﻳﺒﻪ ﻟﻲ ﻋﻠﺒﺔ ﺩﻳﺎﻧﺎ ﺍﻭﺩﻳﻚ ﻭﻳﻦ ﺍﻧﺎ ..

ﺣﻮﺩﺓ : ﺍﻣﺲ ﻳﺎﻧﺎﻧﺎ ﺍﻧﺎ ﺷﺎﻳﻔﻚ ﻓﻲ ﺍﻟﻌﺮﺿﻪ ﻭﻣﻌﺎﻙ ﻭﺍﺣﺪ ﺑﺲ ﺍﻧﺎ ﺍﻟﻤﻔﻠﺲ ﺩﺓ ﻣﺎﺯﻭﻟﻚ ﻳﺎﺑﺘﺎﻋﺖ ﺍﻟﻨﺎﺳﺎﺕ ..

ﻧﺎﻧﺎ : ﺍﻭﻋﺪﻧﻲ ﺍﻧﻚ ﺗﺴﻠﻤﻨﻲ 500 ﺟﻨﻴﻪ ﺑﻤﺶ ﻣﻌﺎﻙ ﻏﻴﺮ ﻛﺪﺓ ﻳﻔﺘﺢ ﺍﻟﻠﻪ ..

ﺣﻮﺩﺓ : ﺷﻮﻑ ﺩﻱ ﺑﺎﻟﻠﻪ ﻳﻮﻣﻴﺘﻲ ﺑﺮﺍﻫﺎ ﻣﺎﺗﺎﻣﻪ ﺳﺒﻌﻴﻦ ﺝ ﺍﺟﻴﺒﺎ ﻟﻴﻚ ﻣﻦ ﻭﻳﻦ .. ﺍﻗﻔﻠﻲ ﺍﻗﻔﻠﻲ ﺑﻤﺶ ﺷﺎﺭﻉ ﺍﻟﻬﻮﺍ ﺑﺠﻴﺒﺎ ﺑﻤﻴﺔ ﺟﻨﻴﻪ ?..

ﻧﺎﻧﺎ : ﻳﻘﻔﻞ ﻧﻔﺴﻚ ﻳﺎ ﺍﻟﺠﻴﻌﺎﻥ .. ﺍﻥ ﻣﺎﻭﺭﻳﺘﻚ ﺗﻘﻔﻞ ﻓﻴﻨﻲ ﺍﻟﺨﻂ ﻳﺎﺟﺮﺑﺎﻥ .. ﻭﻃﻘﻖ ﺍﺗﺼﻮﺭﺕ ﺻﻮﺭﺓ ﺑﺪﻟﻊ ﻭﻟﺒﺲ ? ﻭﺭﺳﻠﺘﺎ ﻓﻮﺭﺍ ..

ﺭﺩ ﺣﻮﺗﻪ ﺑﺮﺳﺎﻟﻪ : ﻫﻬﻬﻬﻬﺎﺍﺍﻫﻪ ﻭﺍﻟﺠﺪﻳﺪ ﺷﻨﻮ ﻳﻌﻨﻲ ﻣﺎﻑ ﻣﻔﺎﺟﺌﺔ ﻓﻴﻚ .. ﻳﺎﻫﺎ ﻧﺎﻧﺎ ﺍﻟﺒﻌﺮﻓﺎ ﻭﻣﻴﺔ ﺟﻨﻴﻪ ﺑﺲ ﺍﻟﻔﻲ ﺟﻴﺒﻲ ...

ﻧﺎﻧﺎ : ﺍﻭﻛﻲ ﻳﺎﺣﻮﺩﺓ ﺑﻤﺸﻴﻬﺎ ﺍﻟﻤﺮﺓ ﺩﻱ ﺑﺲ ﺍﻟﻤﺮﺓ ﺍﻟﺠﺎﻳﻪ ﻏﻴﺮ 500 ﻣﺎﻑ ..

ﻟﺒﺴﺖ ﻧﺎﻧﺎ ﻭﻫﻲ ﻃﺎﻟﻌﻪ ... ﺍﻣﻬﺎ ﺍﺳﻤﻬﺎ ﻣﺤﺎﺳﻦ ﺯﻭﻟﻪ ﻣﺮﻳﻀﻪ ﻭﻛﺒﻴﺮﺓ ﻓﻲ ﺍﻟﺴﻦ .. ﺍﺧﻮﺍﺕ ﻧﺎﻧﺎ ﺍﺗﻨﻴﻦ . ﻣﺘﺰﻭﺟﺎﺕ ﻓﻲ ﺍﻟﺨﺮﻃﻮﻡ ﻭﺍﻟﻘﻀﺎﺭﻑ .. ﺍﺑﻮﻫﺎ ﻣﺘﻮﻓﻲ ﻭﻣﻌﺎﺷﻮ ﻣﺴﺘﻤﺮ ﺑﺘﺸﻴﻠﻮ ﻧﺎﻧﺎ ﻛﻞ ﺷﻬﺮ .. ﻧﺎﻧﺎ ﺑﺘﺪﺭﺱ ﻓﻲ ﺟﺎﻣﻌﺔ ﺍﻧﺘﺴﺎﺏ .. ﺑﻴﺘﻢ ﻋﺒﺎﺭﺓ ﻋﻦ ﻏﺮﻓﻪ ﻭﻣﻄﺒﺦ ﺑﺮﺍﻛﻮﺑﻪ ﺻﻐﻴﺮﺓ ﻭﺣﻮﺵ ﺻﻐﻴﺮ ..

ﻣﺤﺎﺳﻦ : ﻧﺎﻧﺎ ﻳﺎﺑﺘﻲ ﺳﻴﺒﻲ ﺍﻟﺤﻮﺍﻣﺔ ﺍﻟﻜﺘﻴﺮﺓ ﺩﻱ ﻭﺍﻗﻌﺪﻱ ﺟﻤﺒﻲ ﻣﺎﺑﻘﺪﺭ ﺍﺷﻴﻞ ﻛﻮﺯ ﻣﻮﻳﻪ ﻭﺍﻧﺘﻲ ﻣﺎﻑ ..

ﻧﺎﻧﺎ : ﺍﻣﻲ ﻣﺎﺑﺘﺎﺧﺮ ﻋﻨﺪﻱ ﺷﻴﺘﺎﺕ ﺍﺻﻮﺭﺍ ﻭﺍﺭﺟﻊ ﻭﺑﺠﻴﺐ ﻣﻌﺎﻱ ﺳﻠﻄﺔ ﻭﻋﻴﺶ .. ﺑﺎﺳﺖ ﺍﻣﻬﺎ ﻓﻲ ﺭﺍﺳﺎ ﻭﺟﻬﺰﺕ ﺟﻤﺒﻬﺎ ﻣﻮﻳﻪ ﻭﻓﺘﺤﺖ ﻟﻴﻬﺎ ﺍﻟﺮﺍﺩﻱ ﻭﻃﻠﻌﺖ ....

ﻧﺎﻧﺎ ﻭﺻﻠﺖ ﺑﺤﺮﻱ ﻭﻻﻗﺖ ﺣﻮﺩﺓ ﻭﺻﺎﻋﺖ ﻣﻌﺎﻫﻮ ﻓﻲ ﻣﻜﺎﻥ ﻣﻼﻥ ﺑﺎﻟﺤﺒﺶ ﻭﻣﻜﺎﻥ ﻓﻴﻬﻮ ﺣﺮﻳﻪ ﻭﺷﻴﺸﻪ ﻭﺟﺒﻨﺔ .. ﺍﺧﺪﺕ ﺻﻴﺎﻋﺘﺎ ﻣﻊ ﺣﻮﺩﺓ ﻭﻓﻜﺮﺕ ﺗﺮﺟﻊ ..

ﻧﺎﻧﺎ : ﺣﻮﺩﺓ ﺍﻧﺎ ﺍﺗﺎﺧﺮﺕ ﻭﺍﻣﻲ ﺑﺮﺍﻫﺎ

ﺣﻮﺩﺓ : ﺍﻫﺎﺍﺍﺍﺍ ﺩﺓ ﺍﻟﻤﺎﺑﻨﻔﻊ ﻣﻌﺎﻱ ﻛﻞ ﻣﺮﺓ ﺗﻌﻤﻠﻲ ﻛﺪﺓ ﻭﺗﺰﻭﻏﻲ .. ﺍﻋﺘﺒﺮﻳﻨﻲ ﺯﻭﺟﻚ ﻭﺍﺧﺪﻱ ﺭﺍﺣﺘﻚ ..

ﻧﺎﻧﺎ : ﻳﺎﺣﻮﺩﺓ ﺍﻟﻒ ﻣﺮﺓ ﻭﺭﻳﺘﻚ ﺍﻧﺎ ﻣﺎﻛﺪﺓ ﺍﻧﺎ ﻛﺒﻴﺮﻱ ﻣﻌﺎﻙ ﻗﻬﻮﺓ ﻭﺷﻴﺸﻪ ﻭﺻﻴﺎﻋﻪ ﻓﻲ ﺗﻮﺗﻲ .. ﻭﻟﻮ ﻣﺎﻋﺎﺟﺒﻚ ﺍﻣﺸﻲ ﺑﺘﻠﻘﻲ ﻏﻴﺮﻱ .. ﻭﺍﻧﺎ ﻋﺎﺭﻓﺎﻙ ﻣﺎﺯﻭﻝ ﻣﺴﺆﻟﻴﻪ ﻭﻋﺮﺱ ﻭﺟﺎﺭﻓﻪ ﻧﻔﺴﻲ ﻭﺭﺍﻙ ..

ﺣﻮﺩﺓ : ﺧﻼﺹ ﺧﻼﺹ ﻛﻞ ﻣﺮﺓ ﺗﻌﻴﺪﻱ ﻟﻲ ﺍﺳﻄﻮﺍﻧﺘﻚ ﺍﻟﻘﺪﻳﻤﺔ ﺩﻱ ... ﺍﻧﺘﻲ ﺻﺪﻳﻘﺘﻲ ﻭﻛﺎﺗﻤﺔ ﺍﺳﺮﺍﺭﻱ ﻳﺎﻧﺎﻧﺎ ﻭﻣﺎﺑﺴﺘﻐﻨﻲ ﻣﻨﻚ .. ﺍﻧﺎ ﺯﻭﺟﺘﻲ ﻛﺎﺗﻤﺔ ﻋﻠﻲ ﻭﻧﻜﺪﻳﺔ ﻣﻦ ﺍﺧﺶ ﺍﻟﺒﻴﺖ ﺗﺸﻐﻼ ﻟﻲ ﺍﻣﻚ ﺍﺧﻮﺍﺗﻚ ﺍﻫﻠﻚ ﻭﻭﻭﻭﻭﻓﻘﺮﺍﻥ ﻣﻘﻄﻊ ﺟﻴﻌﺎﻥ .. ﻳﺎﺥ ﻣﺮﺓ ﻭﺣﺪﺓ ﻣﺎﻗﻔﻠﺖ ﺧﺸﻤﻬﺎ ﻭﻗﻌﺪﺕ ﺟﻤﺒﻲ ﺗﻄﺒﻄﺐ ﻋﻠﻲ .. ﻫﺪﻭﻣﺎ ﻛﻠﻬﺎ ﻋﺠﻴﻦ ﻭﻃﺒﻴﺦ ﻭﺷﻔﻊ ﻭﻭﻭﻭ ..

ﻧﺎﻧﺎ : ﻣﺎﺗﺴﺘﺎﻫﻞ ﺍﻧﺖ ﻳﻄﺒﺨﻮ

ﻟﻴﻚ ﺗﺎﻛﻞ ﺍﻟﺴﻢ .. ﺍﻥ ﻛﻨﺖ ﻣﺮﻳﺤﺎ ﻣﺎﻛﺎﻥ ﻧﻘﻨﻘﺖ .. ﺍﻧﺖ ﺯﺍﺗﻚ ﻭﺍﺣﺪ ﺟﻠﺪﺓ ﻭﺍﻟﻘﺮﻭﺵ ﺗﻄﻠﻊ ﻣﻨﻚ ﺯﻱ ﻗﻠﻊ ﺍﻟﻀﺮﺱ ... ﺗﻼﻗﻴﻚ ﻣﺸﻬﻴﻬﺎ ﺍﻟﺠﻨﻴﻪ ﺗﺸﻮﻓﻮ ...

ﺍﺭﺡ ﺍﺭﺡ ﺍﻧﺎ ﻣﺎﺷﻪ ... ﺍﻗﻴﻒ ﻧﺸﺘﺮﻱ ﺳﻠﻄﻪ ﻭﻋﻴﺶ ..

ﻭﺭﺟﻌﺖ ﻧﺎﻧﺎ ﺑﻌﺪﻣﺎ ﺿﻤﻨﺖ ﻗﻮﺕ ﻟﻴﻠﺘﻬﺎ ﻫﻲ ﻭﺍﻣﻬﺎ .. ﻧﺎﻧﺎ ﺑﺘﻔﺘﻜﺮ ﺍﻧﻬﺎ ﻣﺎﻗﻌﺪ ﺗﻐﻠﻂ ﻛﻮﻧﻮ ﻣﺤﺎﻓﻈﺔ ﻋﻠﻲ ﺷﺮﻓﺎ ﻭﺑﺘﺼﻴﻊ ﺑﺤﺴﺎﺏ ﺩﻗﻴﻖ ...

ﻟﻜﻦ ﺍﻻﻳﺎﻡ ﺗﺤﺴﺐ ﺣﺴﺎﺏ ﺍﺧﺮ ﺩﻭﻥ ﻣﺎﺗﻮﻗﻌﺘﻪ ﻧﺎﻧﺎ ..