# هوس البنوت

هوس البنوت 11

Attrife:

#هــــوس_البنـــــوت_11

ﺍﻫﺎ ﻣﺤﻲ ﺩﻩ ﺟﻠﺪ ﺍﻟﺒﺘﻴﻦ ﺩﻳﻞ ﺟﻠﺪ ﻛﺪﺓ ﻻﻣﻦ ﺍﺗﻔﺸﻲ ﻗﺮﻳﺸﺎﺗﻮ ﺍﻟﺼﺮﻓﺎ ﻓﻲ ﺍﻟﺨﺘﻮﺑﻪ ..

ﻧﺎﺭﻳﺰ ﻭﻧﻴﺮﻭﺯ ﺩﺧﻠﻮ ﻏﺮﻓﺘﻢ ﻭﺭﻗﺪﻭ ﻛﻞ ﻭﺣﺪﺓ ﻣﻘﺒﻠﻪ ﻋﻠﻲ ﺣﻴﻄﻪ ..

ﺳﻌﺪﻳﻪ ﻋﻤﻠﺖ ﺍﻟﻌﺸﺎ ﻭﻋﺸﺖ ﻣﺤﻲ ﻭﺯﻭﺟﻬﺎ .. ﺟﺎﺕ ﺩﺍﺧﻠﻪ ﻟﺒﻨﺎﺗﺎ ...

ﺳﻌﺪﻳﻪ : ﻋﺎﺩ ﻳﺎﺑﻨﺎﺕ ﺯﻱ ﺷﺪﺗﻜﻦ ﺩﻱ ﻣﺎﺣﺼﻠﺖ .. ﻣﺎﻋﺎﺭﻓﻴﻦ ﻃﺒﻊ ﺍﺧﻮﻛﻢ .. ﻳﺨﺲ ﻋﻠﻴﻜﻦ ﻗﻠﺒﺘﻦ ﺍﻟﻔﺮﺣﺔ ﻧﻜﺪ .. ﻭﻃﻠﻌﺖ ﻗﻔﻠﺖ ﺑﺎﺏ ﺍﻟﻐﺮﻓﻪ ..

ﻧﺎﺭﻳﺰ ﻣﺎﻫﺎﻣﻴﻬﺎ ﺍﻟﻮﺿﻊ ﺍﺻﻼ ﺑﺲ ﺷﻐﺎﻟﻪ ﺩﺭﺩﺷﺔ ﻭﺍﺗﺲ ﻣﻊ ﻣﻨﺴﻮﺭ ﺗﺤﺖ ﺍﻟﺒﺘﺎﻧﻴﻪ ...

ﻭﻧﻴﺮﻭﺯ ﺟﺎﻋﺖ ﺷﺪﻳﺪ ﺑﺲ ﻋﺰﺕ ﻧﻔﺴﻲ ﻣﺎﻧﻌﺎﻧﻲ ﻭﻛﺪﺓ .. ﺍﺗﺎﻛﺪﺕ ﻧﻴﺮﻭﺯ ﺍﻧﻮ ﺍﻻﻧﻮﺍﺭ ﻃﻔﺖ ﻭﻛﻞًٍ ﺫﻫﺐ ﺍﻟﻲ ﺳﺒﻴﻠﻪ .. ﻗﺎﻣﺖ ﺗﺘﺴﺤﺐ ﺑﺮﺍﺍﺍﺣﻪ ﻭﺩﺧﻠﺖ ﻟﻘﻤﺖ ﻟﻘﻤﺖ ﻛﺪﻱ ﻻﺍﺍﻣﻦ ﺷﺒﻌﺖ ﻭﺷﺮﺑﺖ ﻣﻮﻳﻪ ﻻﻧﻮ ﻛﺎﻥ ﻣﺨﻨﻮﻗﻪ ﺑﺎﻻﺳﺘﻌﺠﺎﻝ ... ﻭﺷﺎﻟﺖ ﻋﻠﺒﺔ ﺑﺎﺭﺩ ﻭﺩﺧﻠﺖ ﺍﻟﻐﺮﻓﻪ ﻭﻟﻌﺖ ﺍﻟﻨﻮﺭ ﻭﺑﻘﺖ ﺗﻬﺒﺶ ﺩﺭﺝ ﺍﻟﺘﻮﺍﻟﻴﺖ ..

ﻧﺎﺭﻳﺰ : ﻳﺎﺣﻴﻮﺍﻧﻪ ﺍﻧﺘﻲ ﺍﻃﻔﻲ ﺍﻟﻨﻮﺭ ﺩﻩ .. ﺻﺤﻴﺘﻨﻲ ﺑﻜﺮﻛﺒﺘﻚ ﺩﻱ ..

ﻧﻴﺮﻭﺯ : ﺑﺎﻟﻠﻪ ? ﻋﻠﻴﻚ ﺍﻟﻠﻪ ? ﻳﻌﻨﻲ ﻛﻨﺘﻲ ﻧﺎﻳﻤﻪ ?ﻭﺗﻠﻔﻮﻧﻚ ﻣﻨﻮﺭ ﺟﻮﺓ ﺍﻟﺒﻄﺎﻧﻴﻪ ﻓﻲ ﺍﻟﻀﻼﻡ ﺯﻱ ﺑﻴﻮﺕ ﺃُﻣﺒﺪﺓ ...

ﻧﺎﺭﻳﺰ ﻗﺎﻣﺖ ﻋﻠﻲ ﺣﻴﻠﻪ ﻭﻃﻘﻤﺖ ﻟﺒﺴﺘﺎ ﺍﻟﻌﺒﺎﺭﺓ ﻋﻦ ﺍﺳﻜﻴﺮﺕ ﺷﻄﻔﻨﻲ ﻭﻻ ﺷﻨﻮ ﺩﺍﻙ .. ﻭﻗﻤﻴﺺ ﻛﺪﺓ ﺑﺘﻼﺗﻪ ﺍﺯﺭﺍﺭ ﻓﻘﻄﻄﻄﻂ ... ﻭﻃﺮﺣﻪ ﻣﺎﺟﺎﻳﺒﻪ ﺭﺑﻊ ﻣﺘﺮ ﻓﻲ ﺧﻤﺲ ﻣﺘﺮ ... ﺍﻫﺎ ﻭﻗﻌﺪ ﺗﻠﻒ ﺷﻌﺮﻫﺎ ﻛﻌﻜﺎﺕ .. ﺗﻤﺴﻚ ﻛﻌﻜﻪ ﺗﻠﻔﻬﺎ ﻭﻗﺒﻞ ﺗﻠﻤﻬﺎ ﺗﺮﺟﻊ ﺗﺮﺩ ﺍﻟﺮﺳﺎﻳﻞ ﺍﻟﺒﺘﺠﻴﻬﺎ ‏( ﺻﻮﺕ ﺭﺳﺎﻳﻞ ﺍﻟﻮﺍﺗﺲ ﻟﻤﺎ ﺗﻨﺰﻝ ﻭﺗﻜﻮﻥ ﻓﺎﺗﺢ ﺻﻔﺤﺔ ﺍﻟﺪﺭﺩﺷﻪ ‏) .. ﻭﻧﻴﺮﻭﺯ ﺗﺮﻓﻊ ﻋﻴﻨﺎ ﻭﺗﻌﺎﻳﻦ ﻟﻴﻬﺎ ...

ﻧﻴﺮﻭﺯ ﺟﺎﺑﺖ ﻛﻤﻴﻪ ﻣﻦ ﺍﻟﻜﺮﻳﻤﺎﺕ ﻭﻗﻌﺪﺕ ﺗﺠﻠﺒﻂ .. ﺷﻲ ﺑﺘﺎﻉ ﺍﻟﻌﻼﻣﺎﺕ ﺍﻟﻔﻲ ﺍﻻﺻﺎﺑﻊ ﻭﺷﻲ ﺑﺘﺎﻉ ﺍﻟﻔﺴﺦ ﺍﻟﺒﺮﺍﺍﺍﻫﻮ ... ﻭﺷﻲ ﺑﺘﺎﻉ ﺍﻟﺮﻛﺐ .. ﻭﺧﻠﻄﺔ ﻋﻤﺮ ﻟﻠﻮﺵ ﻭﻛﺒﺖ ﻓﻲ ﺷﻌﺮﺍ ﺩﻩ ﺯﻳﺖ ﻻﺍﺍﺍﻣﻦ ﺷﻌﺮﺍ ﺑﻘﻲ ﻳﻌﻤﻞ ﺻﻮﺕ ﺯﻱ ﺣﻮﺽ ﺍﻟﻤﻄﺒﺦ ﺍﻟﺒﺘﺨﻠﺺ ﻣﻦ ﺍﻟﻤﻮﻳﻪ ...

ﻧﺎﺭﻳﺰ : ﻫﻲ ﻧﻴﺮﻭﺯ ﺍﻭﻋﻲ ﺗﺮﻗﺪﻱ ﺑﺸﻌﺮﻙ ﺩﻩ ﻓﻲ ﺍﻟﻤﺨﺪﺓ ﻗﻮﻣﻲ ﺷﻮﻓﻲ ﻟﻴﻚ ﻫﺪﻣﺔ ﻗﺪﻳﻤﺔ ﻭﻟﻔﻲ ﺑﻴﻬﺎ ﺍﻟﻤﺨﺪﺓ ..

ﻧﻴﺮﻭﺯ : ﺍﻧﺘﻲ ﻣﺎﻟﻚ ﺗﻌﺒﺎﻧﻪ ﻓﻲ ﻏﺴﻴﻠﻦ ﻭﻻ ﻓﻲ ﻧﻀﺎﻓﺘﻦ .. ﻣﺎﻳﺨﺼﻚ ﺩﻱ ﺷﻨﻮ ﺍﻟﺮﺯﻟﻪ ﺩﻱ ..

ﻧﺎﺭﻳﺰ : ﺻﺤﺒﺎﺗﻲ ﻟﻤﺎ ﻳﺠﻮ ﺭﻳﺤﺔ ﺷﻌﺮﻙ ﻓﻲ ﺍﻟﺨﺪﺓ ﺗﺨﺠﻞ ..

ﻧﻴﺮﻭﺯ : ﻭﻫﻦ ﺷﻨﻮ ﺻﺤﺒﺎﺗﻚ ﺍﻟﻤﺘﺨﻠﻔﺎﺕ ﺯﻳﻚ ﺩﻳﻞ .. ﻭﻣﺎﻳﺸﻤﻮ ﺷﻌﺮﻱ !! ﺍﺟﻲ ﻳﺎﺩﺍﺍﺍ .. ﻻﺑﺎﻟﻠﻪ ﺟﺎﻳﻦ ﻣﻦ ﻛﺎﻓﻮﺭﻱ ﻭﻻﻣﻦ ﺣﻲ ﺍﻟﻮﺯﺭﺍ ...

ﻧﺎﺭﻳﺰ : ﺍﺗﺨﻤﺪﻱ ﻟﺴﺎﻧﻚ ﻳﺤﺶ ﺍﻟﻨﺠﻴﻠﻪ .. ﺍﻋﻮﺫ ﺑﺎﻟﻠﻪ ﻣﻨﻚ ﻳﺎﺥ ...

ﻭﺍﺗﻜﻠﻤﺖ ﻧﺎﺭﻳﺰ ﺑﻬﻤﺴﺴﺴﺴﺲ ... ﺻﻮﺕ ﻫﻮﺍﺋﻲ ﺑﻄﻴﺊ .. ﺍﻟﻮﻭﻭﻭ ﻣﻨﺴﻮﺭ ﺭﻭﺣﻲ ﺍﺯﻳﻮﻭﻭﻭ ..

ﺍﻱ ﺣﺒﻴﺒﻲ ﺑﻜﺮﺓ ﻧﺘﻼﻗﻲ ﻓﻲ ﺍﻟﺠﺎﻣﻌﻪ ... ﺍﻭﻛﻲ .. ﺗﺴﺒﺢ ﻋﻠﻲ ﺧﻴﻴﻴﻴﺮ ...

ﻧﻴﺮﻭﺯ ﻧﺎﻣﺖ ﻭﻫﻲ ﻣﻨﻜﺪﺓ ﻭﺯﻫﺠﺎﻧﻪ .. ﺑﻴﻨﻤﺎ ﻧﺎﺭﻳﺰ ﻻﻳﻬﻤﻬﺎ ﻫﻢ ﻭﻻﻏﻢ ... ﻧﺎﺭﻳﺰ ﻣﺸﻐﻮﻟﺔ ﺍﻻﻓﻜﺎﺭ ﻭﺗﻐﻮﺹ ﻓﻲ ﻋﺎﻟﻢ ﻭﻫﻮﻭﺱ ﻭﺍﻭﻫﺎﻡ ..

ﺍﻫﺎ ﺍﻟﺼﺒﺎﺡ ﻗﺎﻣﺖ ﻧﺎﺭﻳﺰ ﻭﻟﺒﺴﺖ ﻭﻗﺸﺮﺕ ﻭﺧﺘﻤﺘﺎ ﻛﺪﺓ ﺑﻌﻄﺮ ...Fa ﻭﻣﺸﺖ ﻻﻣﻬﺎ ﺷﺎﻟﺖ ﻋﺸﺮﻳﻦ ﺟﻨﻴﻪ ﻭﻃﻠﻌﺖ ... ﻟﻘﺖ ﻣﺤﻲ ﻭﺍﻗﻒ ﺟﻢ ﺍﻟﺪﻓﺎﺭ ﺑﻔﻜﻔﻚ ﺣﺎﺟﻪ ...

ﻣﺤﻲ : ﺗﻌﺎﻟﻲ ﻫﻨﺎ ﺍﻧﺘﻲ ﻗﺎﻳﻠﻪ ﺭﻭﺣﻚ ﺷﻨﻮ .. ﺩﺓ ﺷﻨﻮ ﻋﺪﻡ ﺍﻻﺣﺘﺮﺍﻡ ﺩﺓ ... ﺍﺭﺟﻌﻲ ﺟﻮﺓ ﻏﻴﺮﻱ ﻣﻼﺑﺴﻚ ﺩﻱ ﻭﺍﻻ ﻭﺍﻟﻠﻪ ﻣﺎﺗﻤﺸﻲ ﺟﺎﻣﻌﻪ ﺗﺎﻧﻲ ...

ﺭﺟﻌﺖ ﻧﺎﺭﻳﺰ ﻭﺍﻭﻭﻭﻑ ﺍﻭﻭﻭﻑ ﺍﻭﻭﻭﻑ .. ﻃﻠﻌﺖ ﻋﺒﺎﻳﻪ ﻣﻦ ﺍﻟﺪﻭﻻﺏ ﻭﺳﺮﻋﻪ ﻛﻮﺗﺎ ﻭﻟﺒﺴﺘﺎ ﻓﻮﻕ ﺍﻟﻠﺒﺴﻪ ﺍﻟﻬﻴﺎ ﻻﺑﺴﺎﻫﺎ ...

ﻭﺟﺎﺕ ﻣﺎﺭﻗﻪ ﺟﻢ ﻣﺤﻲ ﻭﺑﺪﻭﻥ ﺗﺘﻜﻠﻢ ﻣﺸﺖ

ﻣﺤﻲ : ﺗﻌﺎﻟﻲ ﺗﻌﺎﻟﻲ ﻫﻨﺎ ..

ﻧﺎﺭﻳﺰ : ﻭﻗﻔﺖ ﻭﻛﺎﻧﺖ ﻣﻔﺘﻜﺮﺓ ﺍﻧﻮ ﺍﻛﺘﺸﻔﺎ ... ﻋﺎﻳﻨﺖ ﻛﺪﺓ ﻭﻫﻲ ﻻﻓﺘﻪ ﺭﺍﺳﺎ ﺑﺎﻟﺠﻤﺒﻪ ... ﻭﻣﻘﻠﻌﻪ ﻋﻮﻳﻨﺎﺗﺎ ﺯﻱ ﺍﻟﻤﺮﺍﻗﺒﻪ ﺿﺐ ﻋﺎﻳﺰﺓ ﺗﻀﺮﺑﻮ .

ﻣﺤﻲ : ﻋﻨﺪﻙ ﻣﺼﺎﺭﻳﻒ ﻭﻻ ﻻ ..

ﻧﺎﺭﻳﺰ : ﺭﺧﺖ ﺍﻋﺼﺎﺑﺎ ﺯﻱ ﺍﻟﻘﻠﻌﺖ ﺷﻮﻛﺔ ﻣﻦ ﺭﺟﻠﻬﺎ ... ﺍﻱ ﺍﻱ ﺍﻱ ﺍﻱ ﻋﻨﺪﻱ .. ﻭﻣﺸﺖ ﻃﺒﺠﻖ ﻃﺒﺠﻖ ﻃﺒﺠﻖ ﻭﻛﺴﺮﺕ ﺍﻟﻠﻔﻪ ... ﻭﺟﺮﻱ ﻋﻠﻲ ﺍﻭﻝ ﻣﻈﻠﻪ ﻭﺍﺗﻠﻔﺘﺖ ﺟﺎﻱ ﻭﺟﺎﺍﺍﻱ ﻭﻗﻠﻌﺖ ﺍﻟﻌﺒﺎﻳﻪ ﺣﺸﺮﺗﺎ ﻓﻲ ﺍﻟﺸﻨﻄﻪ ..

ﻃﻴﺐ ﻳﺎﻧﺎﺭﻳﺰ .. ﺍﺧﻮﻙ ﺩﻩ ﻏﻴﺮﺍﻥ ﻋﻠﻴﻚ ﻭﻧﻔﺲ ﺍﻟﻮﻗﺖ ﻗﻠﺒﻮ ﻋﻠﻴﻚ ... ﺍﻫﺎ ﻗﻮﺓ ﺍﻟﺮﺍﺱ ﻭﺍﻟﻤﻨﺠﻬﺔ ﻓﻲ ﺷﻨﻮﻭﻭﻭ ?

ﺍﻫﺎ ﻧﺎﺭﻳﺰ ﻭﺻﻠﺖ ﻭﺣﻀﺮﺕ ﺍﻭﻝ ﻣﺤﺎﺿﺮﺓ ﺍﺭﺿﺎﺀ ﻟﻀﻤﻴﺮ ﺍﻟﻌﺸﺮﻳﻦ ﺟﻨﻴﻪ ﺍﻟﺸﺎﻟﺘﺎ ﻣﻦ ﺍﻣﻬﺎ ﻭﻃﻠﻌﺖ ﺟﻤﺐ ﺍﻟﻈﻠﻂ ﺟﺎﻫﺎ ﻣﻨﺼﻮﺭ ﺑﻌﺮﺑﻴﺘﻮ ﺍﻟﻤﻐﺴﻠﻪ ﻧﻀﻴﻔﻪ .. ﻭﺭﻛﺒﺖ ﻣﻌﺎﻫﻮ ﻭﻫﻲ ﻣﻔﺘﻜﺮﺓ ﺭﻭﺣﺎ ﺍﻣﻴﺮﺓ ﻋﺼﺮﻫﺎ .. ﻭﺍﻟﺘﺎﺝ ﺍﻟﺸﻴﻄﺎﻧﻲ ﻓﻲ ﺭﺃﺳﻬﺎ ﻳﺘﻸﻷ ....

ﺍﻫﺎ ﻣﻨﺼﻮﺭ ﺩﺧﻞ ﺑﻴﻬﺎ ﻛﻔﺘﺮﻳﺎ ﻛﺪﺓ ﻓﻲ ﺷﺎﺭﻉ ﺭﺍﺍﺍﻗﻲ . . ﻭﻗﻌﺪﻭ ﻳﺘﻮﻧﺴﻮ .. ﻭﻣﻨﺼﻮﺭ ﻳﺠﺮﺟﺮ ﻓﻲ ﺣﺒﺎﻝ ﻧﺎﺭﻳﺰ ﺷﻮﻳﻪ ﺷﻮﻳﻪ ﻟﺤﺪ ﻣﺎ ﺭﺿﺨﺖ ﻟﻴﻬﻮ ... ﻭﻃﻠﺐ ﻣﻨﻬﺎ ﺗﻤﺸﻲ ﻣﻌﺎﻫﻮ ﺑﻴﺘﻮ ﺍﻟﻤﻜﻮﻥ ﻣﻦ ﺍﺳﺮﺗﻮ ﺍﻣﻮ ﻭﺍﺧﺘﻮ ﺍﻟﻤﺸﺘﺎﻗﻴﻦ ﻳﺸﻮﻓﻮﻫﺎ ..

ﺍﻫﺎ ﻧﺎﺭﻳﺰ ﺩﺧﻠﺖ ﻓﻲ ﻣﻐﺴﻠﺔ ﺍﻟﻜﻔﺘﺮﻳﺎ ﻭﺻﻠﺤﺖ ﻟﺒﺴﺘﺎ ﺗﻤﺎﺍﻡ ﻭﺍﻟﻄﺮﺣﺔ ﻭﺍﺿﺎﻓﺖ ﻟﻤﺴﺎﺕ ﻣﻜﻴﺎﺝ ﺍﺧﻴﺮﺓ ﻭﺟﺮﺕ ﻣﻦ ﺑﻜﺮﺓ ﺍﻟﻤﻨﺎﺩﻳﻞ ﺍﺗﻨﻴﻦ ﺗﻼﺗﻪ ﻛﺪﺓ ﻟﺰﻭﻡ ﺍﻟﻤﻨﺠﻬﺔ ﻭﻃﻠﻌﺖ ﻣﺎﺷﻪ ﺗﺸﻮﻑ ﻧﺴﺎﺑﺘﺎ‏( ﻫﻬﻬﻬﻬﻬﻬﺎﺍﺍﺍﻫﻬﻪ ‏)

ﺍﻫﺎ ﺍﺗﻮﺟﻬﻮ ﻛﺪﺓ ﻋﻠﻲ ﺟﻴﻬﺔ ﺍﻟﻜﺪﺭﻭ ‏( ﺃﻳﻴﻴﻴﻴﻴﻚ ‏)

ﻭﻣﻨﺼﻮﺭ ﻓﺘﺢ ﺑﺎﺏ ﺍﻟﺒﻴﺖ ﻭﺩﺧﻞ ﻭﻗﺎﻝ ﻟﻴﻬﺎ ﺍﺗﻔﻀﻠﻲ .. ﻭﺩﺧﻠﻮ ﻭﻗﻌﺪﻭ ﻓﻲ ﻫﻮﻝ ﻛﺪﺓ ﻭﻣﻨﺼﻮﺭ ﺩﺧﻞ ﺑﺤﺮﻛﺎﺕ ﻭﻫﻤﻴﻪ ﻛﺪﺓ .. ﻳﻤﻪ ﻳﻤﻪ ﻭﻳﻨﻜﻢ ﺍﻧﺘﻮ .. ﻻﺣﻮﻻ ﺧﺎﻟﻴﻦ ﻣﺎﺳﻮﺭﺓ ﺍﻟﻤﻄﺒﺦ ﻓﺎﺗﺤﺔ ‏( ﻣﺎﺳﻮﺭﺓ ﺍﻧﺖ ﺩﻩ ‏) ﻭﺟﺎ ﻗﻌﺪ ﻓﻲ ﺍﻟﻜﺮﺳﻲ ﺍﻟﻤﻘﺎﺑﻞ ﻧﺎﺭﻳﺰ ﻭﻃﻠﻊ ﺗﻠﻔﻮﻧﻮ ﻭﻋﻤﻠﻮ ﺻﺎﻣﺖ ﻭﺍﺗﺼﻞ ﻃﻮﺍﺍﺍﻟﻲ ﺑﺎﻟﻜﺴﺘﻤﺮ ﻛﻴﺮ ﺑﺘﺎﻉ ﺷﺮﻛﺔ ﺯﻳﻦ ... ﺍﻫﺎ ﻋﺸﺎﻥ ﻳﻮﻫﻤﺎ ﺍﻧﻮ ﻓﻲ ﺻﻮﺕ ﺯﻭﻝ ﺑﺘﻜﻠﻢ ﻣﻌﺎﻫﻮ .. ﻭﺍﻟﻤﺠﻴﺐ ﺍﻻﻟﻲ ﺍﺛﻨﺎﺀ ﻣﺎﺑﺘﻜﻠﻢ .. ﻗﺎﻝ ﻣﻨﺼﻮﺭ .. ﻳﻤﺔ ﺍﻧﺘﻮ ﻣﺸﻴﺘﻮ ﻭﻳﻦ ﺍﻧﺎ ﺟﺒﺖ ﻧﺎﺭﻳﺰ ﻭﻟﻘﻴﺘﻜﻢ ﻣﺎﻑ ... ﺍﺥ ﻧﺴﻴﺖ ﺍﻛﻠﻤﻜﻢ ﺍﻧﻮ ﺍﻟﻴﻼ ﺣﺄﺟﻴﺒﺎ ... ﺍﻫﺎ ﻣﺎﺗﺘﺎﺧﺮﻭ ﺳﺮﻳﻊ ﻭﺟﻴﺒﻮ ﻣﻌﺎﻛﻢ ﺧﺎﻟﺘﻲ ﻟﻴﻠﻲ ﻭﺗﻌﺎﻟﻮ ...

ﺍﻫﺎ ﻣﻨﺼﻮﺭ ﺩﺧﻞ ﻋﻤﻞ ﻟﻨﺎﺭﻳﺰ ﻛﺒﺎﻳﺘﻴﻦ ﻗﻬﻮﺓ ..

ﻭﻧﺎﺭﻳﺰ ﺧﺎﺗﻪ ﻳﺪﻳﻬﺎ ﻓﻲ ﺣﺠﺮﻫﺎ ﻭﺗﺘﻠﻔﺖ ﺳﺎﺍﺍﺍﻱ ﺟﺎﻱ ﻭﺟﺎﻱ ﺗﺘﻔﺮﺝ ﻓﻲ ﺍﻟﺴﺘﺎﻳﺮ ﻭﺍﻟﻨﺠﻒ ﻭﺍﻟﻄﻘﻢ ﻭﺍﻟﻤﻼﻳﺎﺕ ...

ﺟﺎ ﻣﻨﺼﻮﺭ ﻧﻈﺎﻡ ﺍﻟﻤﻀﻴﻒ ﺍﻟﻔﻲ ﻃﻴﺎﺭﺓ ﺍﻻﻣﺎﺭﺍ

ﺕ ﺩﺍﻙ ﻭﺧﺘﺎ ﻟﻴﻬﺎ ﺍﻟﻘﻬﻮﺓ ﻭﻓﺘﺢ ﺍﻟﺸﺎﺷﻪ ﻭﺷﻐﻞ ﻗﻨﺎﺓ ﺃﻗﺮﺃ .... ‏( ﻋﺸﺎﻥ ﻳﻄﻔﺮ ﺍﻟﺸﻴﻄﺎﻥ ﺍﻟﺤﻘﻨﻪ ‏) ﻋﺠﻴﺐ ﻟﻜﻦ ...