# هوس البنوت

هوس البنوت 10

#هوس البنوت10

ﺍﻫﺎ ﻧﺎﻧﺎ ﻭﺻﻠﺖ ﺑﻴﺘﻢ ﻗﺒﻞ ﺑﻴﺖ ﻧﻴﺮﻭﺯ ﻟﻤﺎ ﻧﺰﻟﺖ ﻣﻦ ﺍﻟﺮﻛﺸﻪ ﻣﺎﺷﻪ ... ﻧﺰﻟﺖ ﻭﺭﺍﻫﺎ ﻧﻴﺮﻭﺯ ﻭﺟﺮﺕ ﻧﻴﺮﻭﺯ ﻭﻣﺴﻜﺘﺎ ﺣﻀﻨﺘﺎ ﺑﺎﺳﺘﺎ ﺟﺎﻱ ﻭﺟﺎﻱ ﻭﺧﺘﺖ ﺍﻟﻜﻴﺲ ﻓﻲ ﺍﻻﺭﺽ ﻭﺟﺮﺕ ﺭﻛﺒﺖ ﺍﻟﺮﻛﺸﻪ .. ﻭﺍﻟﺮﻛﺸﻪ ﺍﺗﺤﺮﻛﺖ ﻧﻴﺮﻭﺯ ﻃﻠﻌﺖ ﺭﺍﺳﺎ ﻣﻦ ﺍﻟﺮﻛﺸﻪ ﻭﻟﻮﺣﺖ ﻟﻨﺎﻧﺎ ﺑﺎﺍﺍﻱ ﺑﺎﺍﺍﺍﻱ ﻭﺭﺳﻠﺖ ﻟﻴﻬﺎ ﺑﻮﺳﻪ ﻫﻮﺍﺋﻴﻪ ﻛﺪﺓ ..

ﻧﺎﻧﺎ ﺿﺤﻜﺖ ﻭﻋﺎﻳﻨﺖ ﺍﻟﺠﻮﺓ ﺍﻟﻜﻴﺲ ﻟﻘﺖ ﺍﻟﻤﻮﺯ ﻭﺑﺎﻗﻲ ﺍﻟﺤﺎﺟﺎﺕ ﻭﺍﻟﺨﻤﺴﻴﻨﺎﻳﻪ ﺍﺑﺘﺴﻤﺖ ﻭﺩﺧﻠﺖ ﻻﻣﻬﺎ ..

ﺍﻫﺎ ﺗﺎﻧﻲ ﻳﻮﻡ ﻧﻴﺮﻭﺯ ﺍﺗﺼﻠﺖ ﻟﻨﺎﻧﺎ ﻭﺗﻮﺳﻞ ﻭﺳﻠﻤﻲ ﻭﻧﺴﺮﻳﻦ ﺍﻧﻮ ﻳﺠﻮ ﻳﺴﺎﻋﺪﻭﻫﺎ ﻓﻲ ﺍﻟﺨﻄﻮﺑﻪ .. ﺍﻟﻤﺴﺎ ﺣﻴﻤﺸﻮ ﻳﺨﻄﺒﻮ ﺳﻠﻮﺍﻥ ..

ﺍﺗﻠﻤﺖ ﺍﻟﺸﻠﻪ ﻓﻲ ﺍﻟﺒﻴﺖ ﻭﺳﻌﺪﻳﻪ ﻃﻠﻌﺖ ﺗﻌﺰﻡ ﺟﺎﺭﺍﺗﺎ ﺍﻟﻘﺮﺍﺏ ..

ﺍﻫﺎ ﻧﺴﻤﻲ ﺷﻠﺔ ﺍﻟﺒﻨﺎﺕ ﺩﻱ ﺏ ‏( ﻫﻮّﻭّﺱ ﺑﺎﻧﺪ ‏)

ﻗﻌﺪﺕ ﻧﺎﻧﺎ ﻭﺗﻮﺳﻞ ﻳﺮﺗﺒﻮ ﻫﺪﺍﻳﺎ ﺍﻟﺨﻄﻮﺑﻪ ﺑﻮﺭﻕ ﺍﻟﻬﺪﺍﻳﻴﺎ ﻭﺍﻻﻛﻴﺎﺱ ﺑﻄﺮﻳﻘﺔ ﺭﻭﻭﻭﻭﻋﻪ ?

ﻭﻧﻴﺮﻭﺯ ﻭﺳﻠﻤﻲ ﻳﺮﺻﻮ ﺍﻟﺨﺒﺎﻳﺰ ﺍﻟﻨﺎﻋﻤﻪ ﻓﻲ ﻃﺒﺎﻗﻪ ﻭﻳﻐﻠﻔﻮﻫﺎ ﻭﻣﺸﻐﻠﻴﻦ ﺍﻟﺘﻠﻔﻮﻥ ﻋﻠﻲ ﺍﻏﺎﻧﻲ ﻃﻪ ﺳﻠﻴﻤﺎﻥ ﻭﺷﻲ ﺯﻏﺎﺭﻳﺪ ﻭﺷﻲ ﺭﻗﻴﺺ ﻭﺷﻲ ﻭﻧﺴﻪ ...

ﺟﺎﺕ ﻧﺎﺭﻳﺰ ﻣﻦ ﺍﻟﺠﺎﻣﻌﻪ ﺩﺍﺧﻠﻪ ﻭﻛﺄﻧﻬﺎ ﻟﻴﺲ ﻣﻦ ﻫﺬﺍ ﺍﻟﻌﺎﻟﻢ .. ﺩﺧﻠﺖ ﻏﻴﺮﺕ ﻫﺪﻭﻣﺎ ﻭﺟﺎﺕ ﺣﺸﺖ ﺣﺸﻮﺓ ﻭﻗﻌﺪﺕ ﻗﺼﺎﺩﻡ ﺗﺘﻜﻠﻢ ﺗﻠﻔﻮﻥ ﺑﺼﻮﺕ ﺑﺮﺍﺍﺍﺣﻪ ...

ﻧﻴﺮﻭﺯ : ﻫﻲ ﺍﻧﺘﻲ ﻳﺎﻋﻮﻻﻗﻪ ﺍﻧﺘﻲ ﺩﻳﻞ ﺧﺪﺍﻣﺎﺗﻚ ﻛﺎﻥ ﻭﻻ ﺷﻨﻮ ... ﻭﺑﻌﺪﻳﻦ ﻣﺤﻲ ﺍﻟﺪﻳﻦ ﻣﺸﻲ ﻳﺠﻴﺐ ﺑﺎﺭﺩ ﻭﻋﻠﺐ ﺷﻮﻛﻼﺗﻪ ﻓﻤﺎ ﺗﻨﺪﺍﺣﻲ ﻛﺪﺓ ﻭﺗﺎﺧﺪﻱ ﺭﺍﺣﺘﻚ ﻗﻮﻣﻲ ﺍﻋﻤﻠﻲ ﻟﻴﻨﺎ ﻗﻬﻮﺓ ..

ﻧﺎﺭﻳﺰ : ﺳﺪﻱ ﺧﺸﻤﻚ ﺩﻩ ﻟﻮ ﺳﻤﺤﺘﻲ ﻣﺎﻳﺨﺼﻚ ﺍﻋﻤﻞ ﻭﻻ ﻻ .. ﺍﻧﺎ ﺟﺎﻳﻪ ﺗﻌﺒﺎﻧﺔ ﻣﻦ ﺍﻟﺠﺎﻣﻌﻪ ﻣﺎﺗﺰﻫﺠﻴﻨﻲ ﻭﺍﺳﻜﺘﻲ ..

ﻧﻴﺮﻭﺯ : ﻳﺎﺥ ﺍﻧﺘﻲ ﺩﻣﻚ ﺩﺓ ﺷﻨﻮ .. ﻭﺭﻳﻨﻲ ﺧﺎﻡ ﺩﻣﻚ ﺩﻩ ﺷﻨﻮ ... ﺍﺍﺍﺍﺍﺍﻳﻴﻴﻴﻴﻴﻊ ﻣﻨﻚ ﻗﻮﻣﻲ ﻏﻮﺭﻱ ﻣﻦ ﻗﺪﺍﻣﻲ ..

ﻧﺎﺭﻳﺰ ﻧﻄﺖ ﺍﻟﺤﺎﺟﺎﺕ ﺍﻟﻘﺪﺍﻣﺎ ﻓﻲ ﺍﻻﺭﺽ ﻭﺩﺧﻠﺖ ﺍﻟﻐﺮﻓﻪ ﻭﻭﺍﺻﻠﺖ ﺗﻠﻔﻮﻧﺎ ... ﺗﺒﻌﺎً ﺩﺓ ﻣﻨﺴﻮﺭ ﺗﻼﺟﺘﻮ ﺷﻐﺎﻟﻪ ﺗﺘﻠﺞ ﺳﺎﺍﺍﺍﻱ ...

ﻧﻴﺮﻭﺯ : ﺳﻠﻤﻲ ﺣﺒﻴﺒﺘﻲ ﺍﺧﺒﺎﺭ ﺍﻟﻔﺮﺩﺓ ﺷﻨﻮ ..

ﺳﻠﻤﻲ : ﺍﺍﺥ ﺍﺗﺸﺎﻛﻠﺘﻪ ﻣﻌﺎﻫﻮ ﺍﻣﺲ ﺑﺎﻟﻴﻞ .. ﺍﻣﻮ ﻋﺎﻳﺰﺓ ﺗﻌﺮﺱ ﻟﻴﻬﻮ ﺑﺖ ﺧﺎﻟﻮ ..

ﻧﻴﺮﻭﺯ : ﻳﺎﺥ ﺍﻟﻤﺮﺓ ﺩﻱ ﻗﺎﻳﻠﻪ ﻧﻔﺴﻬﺎ ﻭﺩﺍﺩ ﺑﺎﺑﻜﺮ ﻭﻻﺷﻨﻮ .. ﺍﺣﻴﻴﻴﻲ ﺍﻧﺎ ﻟﻮ ﻣﻨﻚ ﻛﺎﻥ ﻫﺮﻳﺘﺎ ﺗﻠﻔﻮﻧﺎﺕ ﻭﻣﻜﺎﻭﺍﻩ ..

ﺳﻠﻤﻲ : ﺍﻩ ﺑﻘﺪﺭ ﻋﻠﻴﻬﺎ ﺍﻟﻠﻪ ﺑﺲ ..

ﺟﻬﺰﻭ ﻭﺍﻟﻌﺼﺮ ﺟﺎ ﻭﺩﺧﻠﻦ ﺍﻟﺒﻨﺎﺕ ﺍﺗﻠﺒﺴﻦ ﺷﻲ ﻓﺴﺘﺎﻥ ﻭﺷﻲ ﺗﻮﻧﻜﺎﺕ ﻭﺷﻲ ﻣﻜﻴﺎﺝ ﻭﺷﻲ ﻋﺒﺎﻳﻪ ﻃﺒﻌﺎ ﺩﻱ ﻧﺴﺮﻳﻦ ...

ﻳﺎﺥ ﻣﺎﻭﺻﻔﺖ ﻟﻴﻜﻢ ﻧﺴﺮﻳﻦ ﺩﻱ .. ﻧﺴﺮﻳﻦ ﺩﻱ ﺍﻟﻨﻮﻉ ﺍﻟﺒﻠﺒﺲ ﻋﺒﺎﻳﻪ ﻭﻃﺮﺣﺔ ﻛﺒﻴﺮﺓ ﻛﺪﺓ ﺑﺲ ﻣﺠﺎﻣﻠﻪ ﺑﺮﺿﻮ ﻭﺑﺘﺤﺐ ﺻﺤﺒﺎﺗﺎ .. ﺑﺲ ﺿﻠﻬﺎ ﻣﻴﺖ ﺷﻮﻳﻪ .. ﻳﻌﻨﻲ ﻋﻨﺪﻫﺎ ﺿﻤﺔ ﺧﺸﻢ ﻛﺪﺓ ﺍﻥ ﺟﺮﻭ ﺑﺰﺭﺩﻳﻪ ﻣﺎﺑﺘﻔﻜﺎ ... ﻳﻌﻨﻲ ﻣﻜﻤﻠﻪ ﺍﻟﺸﻠﻪ ﺩﻱ ﺫﻱ ﺍﻟﻌﺠﻮﺭ ﺍﻟﻔﻲ ﻛﻴﺲ ﺍﻟﺴﻠﻄﻪ ....

ﺍﺗﻠﻤﻦ ﺟﺎﺭﺍﺕ ﺳﻌﺪﻳﻪ .. ﻭﺳﻌﺪﻳﻪ ﺟﻮﺓ ﻟﺒﺴﺖ ﻭﻗﺸﺮﺕ ﻭﺟﺎﺕ ﻣﺎﺭﻗﻪ ﺗﺰﻏﺮﺩ ﻟﻠﺤﺮﻭﻡ ﻓﺮﺣﺎﻧﻪ ..

ﻧﺎﺭﻳﺰ ﺷﺎﻟﺖ ﺣﺎﺟﺎﺗﺎ ﻭﻣﺸﺖ ﺍﻟﺼﺎﻟﻮﻥ ﻭﺍﺗﻠﺒﺴﺖ ﺑﺮﺍﻫﺎ ﻭﺟﺎﺕ ﻗﻌﺪﺕ ﻓﻲ ﺑﺮﻧﺪﺓ ﺍﻟﺰﻧﻚ ﻭﻣﻮﻭﻭﺍﺍﺻﻠﻪ ﺗﻠﻔﻮﻥ ...

ﺍﻫﺎ ﻣﻮﺣﻲ ﺟﺎﺏ ﺍﻟﺤﺎﻓﻠﻪ ﻭﺭﻛﺒﻦ ﺍﻟﺤﺮﻳﻢ ﻭﺍﻟﺒﻨﻮﺕ ﻭﺍﻟﻐﻨﺎ ﺩﻩ ﺷﺎﺍﺍﻗﻲ ﺍﻟﺤﻠﻪ ﺑﺎﺻﻮﺍﺕ ﻧﺎﺍﺍﻋﻤﻪ ‏( ﺍﻟﺠﻴﻨﺎﻛﻢ ﺍﺭﺡ ﺍﺭﺡ ﺍﺭﺡ ﺟﺒﻨﺎ ﻣﻮﺣﻲ ﻭﺷﺮﻓﻨﺎﻛﻢ ﺍﺭﺡ ﺍﺭﺡ ﺍﺭﺡ ‏) ﻭﻣﺮﺓ ‏( ﺳﻠﻮﺍﻥ ﺩﻱ ﺯﻳﻨﺔ ﻣﺠﻴﻬﺔ ﻏﻴﺮ ﻣﻮﺣﻲ ﻣﻴﻦ ﻳﺴﺘﺎﻫﻼ ﺍﻫﺂﺁﺍ ﺍﻫﺂﺁﺍ ‏)

ﻭﻧﻴﺮﻭﺯ ﺩﻱ ﺗﺪﻕ ﻓﻲ ﺟﻮﺍﻧﺐ ﺍﻟﺤﺎﻓﻠﻪ ﺯﻱ ﻃﺎﺭ ﻗﺴﻮﻡ ... ﻭﻧﺎﺭﻳﺰ ﻻﺑﺪﺓ ﻓﻲ ﺍﺧﺮ ﻛﺮﺳﻲ ﻭﻋﺎﻳﺸﺔ ﺩﻭﺭ ﺍﻟﻌﻘﺒﻪ ﻟﻴﻨﺎ ﻭﻛﺪﺓ .... ﻭﺍﻣﺎ ﻧﺎﻧﺎ ﻳﺎﺳﻠﻠﻼﻡ ﺍﻟﻐﻨﺎ ﺩﺓ ﻣﺎﺭﻕ ﻣﻨﻬﺎ ﻛﺪﺓ ﺯﻱ ﻋﺼﻔﻮﺭ ﻓﻲ ﺷﺠﺮﺓ ﻋﻨﺒﺔ ... ﻭﺳﻠﻤﻲ ﺩﻱ ﺗﺼﻔﻖ ﻭﺗﻀﺤﻚ .. ﻭﻧﺴﺮﻳﻦ ﻭﺿﻊ ﺍﻟﻄﻴﺮﺍﻥ ... ﺍﻫﺎ ﺗﻮﺳﻞ ﺯﻏﺎﺭﻳﺪﺍ ﻛﺪﻩ ﺗﺸﻖ ﺍﻻﺿﺎﻥ ﻭﺍﻟﺤﺮﻭﻡ ﻓﻲ ﻛﺮﺍﺳﻴﻬﻢ ﻣﺘﻠﻔﺘﻴﻦ ﺟﻴﻬﺔ ﺍﻟﺒﻨﺎﺕ ﺍﻟﺸﻤﺎﺭ ﺣﺎﺭﻗﻦ ﻭﻋﺎﺟﺒﺎﺍﺍﻫﻦ ﺍﻟﺸﻠﻪ ﺍﻟﻠﺬﻳﺬﺓ ﺩﻱ ..

ﻭﺻﻠﻮ ﺑﻴﺖ ﺳﻠﻮﺍﻥ ﺍﻟﻤﺎﺑﻌﻴﺪ ﺍﺻﻼ .. ﺑﺲ ﻋﻤﻠﻮﻫﺎ ﺳﻴﺮﺓ ﺧﻄﻴﺮﺓ ﻛﺪﺓ .. ﻭﻗﺎﻣﺖ ﺍﻟﺸﻠﻪ ‏( ﻳﺎﺍﻡ ﺍﻟﻌﺮﻭﺱ ﺟﻴﻨﺎ ﻟﻴﻜﻲ ﺟﺒﻨﺎ ﺍﻟﻌﺮﻳﺲ ﺟﺒﻨﺎ ﻧﺒﺎﺭﻛﻮ ﻟﻴﻜﻲ ‏) .. ﺑﻼﺑﻞ ﺑﺲ ﻛﺎﻧﻮ ﻣﺎﺗﻼﺗﻪ .. ﻛﺎﻧﻮ ﺿﻌﻔﻬﻢ ﻛﺎﻧﻮ ﺳﺘﻪ ... ﻃﻠﻌﻮ ﺍﻫﻞ ﺳﻠﻮﺍﻥ ﻳﺴﺘﻘﺒﻠﻮ ...

ﻧﺰﻟﺖ ﺳﻌﺪﻳﻪ ﻭﺟﺎﺭﺍﺗﺎ ﻭﺍﻟﺒﻨﺎﺕ ﻧﺰﻟﻮ ﻛﻞ ﻭﺣﺪﺓ ﻓﻲ ﻳﺪﻫﺎ ﻃﺒﻖ ﻭﻫﺪﻳﻪ .. ﻭﺍﻟﻐﻨﺎ ﻭﺍﻟﺰﻏﺎﺭﻳﺪ ﺳﻮﺍﺍﺍﺍ ﺍﻟﺴﻠﻢ ﺍﻟﻤﻮﺳﻴﻘﻲ ﺍﺣﺘﺎﺭ ﺯﺍﺗﻮ ... ﻭﺳﻌﺪﻳﻪ ﺗﺒﺸﺮ .. ﻭﺍﻟﺤﺮﻭﻡ ﻳﺰﻏﺮﺩﻥ ..

ﻣﻮﺣﻲ ﻭﺍﺑﻮﻫﻮ ﻛﺎﻧﻮ ﻓﻲ ﻋﺮﺑﻴﺔ ﺻﺎﺣﺐ ﻣﻮﺣﻲ ﻭﻣﻌﺎﻫﻮ ﻛﻢ ﺻﺎﺣﺐ ﻛﺪﺓ ..

ﺍﻫﺎ ﺩﺧﻠﻮ ﺍﻟﺮﺟﺎﻝ ﺑﺠﻬﺔ ﺍﻟﺮﺟﺎﻝ . ﻭﺍﻟﺤﺮﻳﻢ ﺩﺧﻠﻮ ﺟﻴﻬﺔ ﺍﻟﺤﺮﻳﻢ ...

ﺟﺎﺕ ﺍﻟﻌﺮﻭﺱ ﺳﻠﻮﺍﻥ .. ﻳﺎﺍﺍﺍﺍﻟﻄﻴﻒ ﺷﻲ ﻛﺪﺓ ﺧﻴﺎﻟﻲ .. ﻳﻌﻨﻲ ﺍﻟﺒﺴﺎﻃﻪ ﻓﻲ ﺍﻻﻧﺎﻗﻪ .. ﻻﺑﺴﻪ ﻟﻴﻬﺎ ﻗﻔﻄﺎﻥ ﻣﻐﺮﺑﻲ ﻭﺍﻟﺸﻌﺮ ﺩﺓ ﻋﺎﻣﻼﻫﻮ ﻓﻴﺮ ﻣﺮﻭﻝ ﻛﺪﺓ ﻭﻧﺎﺯﻝ ﻉ ﻛﺘﺎﻓﺎ ﺯﻳﻴﻲ ﺍﻟﺸﻼﻝ ﺍﻟﻨﺎﺯﻝ ﻣﻦ ﺍﻟﺠﺒﻞ . .. ﻭﻣﻜﻴﺎﺟﺎ ﺩﻩ ﺍﻧﻴﻴﻴﻖ ...

ﻗﻌﺪﺕ ﻭﺍﻟﻐﻨﺎ ﻭﺍﻟﺪﻟﻮﻛﻪ ﺗﺮﺯﻉ ﺟﻮﺓ ﺍﻟﻘﻠﺐ ..

ﻧﻴﺮﻭﺯ ﺍﺗﺼﻠﺖ ﻋﻠﻲ ﻣﻮﺣﻲ ﻭﻗﺎﻟﺖ ﻻﺯﻡ ﻳﺠﻲ ﻋﺸﺎﻥ ﻳﻠﺒﺴﺎ ﺍﻟﺪﺑﻠﻪ ..

ﺟﺎ ﻣﻮﺣﻲ ﻭﺷﺎﻳﻞ ﺍﻟﺪﺑﻠﻪ ﺍﻟﻬﻮ ﺍﺷﺘﺮﺍﻫﺎ ﺑﺰﻭﻗﻮ .. ﻭﻗﻌﺪ ﻓﻲ ﻓﺮﺡ ﻻﻳﻮﺻﻒ ﻭﻟﺒﺴﻮ ﺍﻟﺪﺑﻞ . ﻭﻏﻨﻮ ﻛﺪﺓ ﻻﻣﻦ ﺍﻟﻤﻐﺮﺏ ﺍﺫﻥ ..

ﻛﻞ ﻭﺍﺣﺪ ﺍﺗﺠﻪ ﻳﺼﻠﻲ .. ﻭﺭﺟﻌﻮ ﺗﺎﺍﺍﻧﻲ ﺟﺮﻭﻫﺎ ﻏﻨﺎ ﻭﺭﻗﻴﺺ ﻟﺤﺪ ﺍﻟﺴﺎﻋﻪ ﺗﺴﻌﻪ ﻛﺪﺓ .. ﻭﺍﺗﻔﻘﻮ ﺍﻟﻌﺮﺱ ﺑﻌﺪ ﻓﺘﺮﺓ ﻗﺼﻴﺮﺓ ﻭﺍﻧﻮ ﺣﻴﺠﻬﺰ ﻓﻲ ﺍﻟﺸﻴﻠﻪ ﻗﺮﻳﺐ ﻭﺍﻟﻤﺴﻜﻦ ...

ﺭﺟﻌﻮ ﻟﻠﺤﺎﻓﻠﻪ ﻭﻃﻠﺒﺖ ﻧﻴﺮﻭﺯ ﻣﻦ ﺍﻟﺴﻮﺍﻕ ﻳﻄﻠﻊ ﺑﺎﻟﻈﻠﻂ ﻃﻮﻳﻴﻴﻞ ﻣﺎﻳﻤﺸﻲ ﺍﻟﺒﻴﺖ ﻃﻮﺍﻟﻲ .. ﻋﺸﺎﻥ ﻳﺘﻔﺴﺤﻮ ﻭﻳﻐﻨﻮ ..

ﺍﻟﺴﻮﺍﻕ ﻋﺎﻳﺰ ﻗﺮﻭﺵ ﻃﺒﻌﺎ .. ﻣﺸﻲ ﺑﻴﻬﻦ ﻭﻫﻢ ﻳﺮﺯﻋﻮ ﻭﻳﻐﻨﻮ ﻭﻳﺼﻔﺮﻭ ﻭﻳﺼﻔﻘﻮ ﻭﻳﻜﻮﺭﻛﻮّ ..

ﻣﺤﻲ ﻭﺍﺑﻮﻫﻮ ﻭﺻﻠﻮ ﺍﻟﺒﻴﺖ ﻟﻘﻮ ﺍﻟﺒﻴﺖ ﻓﺎﺿﻲ .. ﺭﺟﻊ ﻣﻮﺣﻲ ﻳﺘﺼﻞ ﺑﻨﻴﺮﻭﺯ . ﻣﻌﺘﻘﺪ ﺍﻧﻮ ﻧﺎﺭﻳﺰ ﻣﺎﻣﻌﺎﻫﺎ ﺗﻠﻔﻮﻥ ... ﻭﻧﻴﺮﻭﺯ ﺍﺑﺖ ﺗﺮﺩ ...

ﺍﻫﺎ ﺑﻌﺪ ﺯﻣﻦ ﻟﻤﺎ ﺭﺟﻌﻮ ﺍﻟﺴﻮﺍﻕ ﻃﻠﺐ ﻣﻦ ﻣﺤﻲ ﻣﺒﻠﻎ ﺿﻌﻒ ﺍﻻﺗﻔﻘﻮ ﻋﻠﻴﻬﻮ ﻭﻛﻠﻤﻮ ﺍﻧﻮ ﻣﺸﻲ ﺑﻴﻬﻢ ﻟﺤﺪ ﺍﻟﻤﻮﺭﺩﺓ ..

ﻣﻮﺣﻲ ﺩﺓ ﺍﻟﻜﻬﺮﺑﻪ ﺩﺧﻠﺖ ﺟﺴﻤﻮ .. ﺣﺎﺳﺐ ﺍﻟﺴﻮﺍﻕ ﻭﻃﻠﺐ ﻳﻨﺰﻝ ﻛﻞ ﻭﺣﺪﺓ ﺟﻢ ﺑﻴﺘﺎ ..

ﻭﺩﺧﻞ ﻗﻔﻞ ﻧﻴﺮﻭﺯ ﻭﻧﺎﺭﻳﺰ ﻭﺍﺩﺍﻫﻢ ﻋﻠﻘﻪ ﻻﻣﻦ ﺍﺑﻮﻫﻮ ﺑﻘﻲ ﻳﺤﺠﺰﻭ ...

ﻳﻘﺎﻝ ﻣﻦ

يضحك ﻛﺜﻴﺮﺍ ﻳﺒﻜﻲ ﻛﺜﻴﺮﺍ ... ﻳﺎﻫﺎ ﺑﺲ ﻧﻴﺮﻭﺯ ﺍﻟﺸﻼﻗﻪ ﺩﻱ ..

#يتبع.....