# هوس البنوت

هوس البنوت 8

#هــــوس_البنـــــوت_8

ﻧﺎﻧﺎ ﻏﻀﺒﺖ ﻏﻀﺐ ﺷﺪﻳﺪ . .. ﻭﻫﻲ ﺑﺘﻐﺴﻞ ﺍﺗﺼﻞ ﻋﻠﻴﻬﺎ ﺣﻮﺩﺓ ...

ﻧﺎﻧﺎ : ﺁﺧﺘﺎﻧﻲ ﻳﺎﺣﻮﺩﺓ ﺍﻟﻮﻗﺖ ﺩﺓ ﻣﺎﺗﺨﻠﻴﻨﻲ ﺃﻓﺶ ﻧﻔﺴﻴﺎﺗﻲ ﺩﻱ ﻓﻴﻚ ..

ﺣﻮﺩﺓ : ﺑﺴﻢ ﺍﻟﻠﻪ ﻣﺎﻟﻚ ﻳﺎﺑﺖ ﻓﻲ ﺯﻭﻝ ﺍﺗﻌﺮﺽ ﻟﻴﻚ ﺑﺸﻲ .. ﻣﺸﺘﺎﻕ ﻟﻴﻜﻲ ﻭﻋﺎﻳﺰ ﺍﺗﻮﻧﺲ ﻣﻌﺎﻛﻲ ﺷﻮﻳﻪ ...

ﻧﺎﻧﺎ : ﺟﺪﻭ ﺍﻟﻌﻮﻻﻕ ﺩﻩ ﺟﺎﻧﻲ ﻭﻋﺎﻳﺰ ﻳﺘﻬﺠﻢ ﻋﻠﻲ ﺍﻟﻤﺘﺨﻠﻒ .. ﻗﺎﻳﻞ ﻧﻔﺴﻮ ﺑﻐﺮﻳﻨﻲ ﺑﺴﻤﺎﺣﺘﻮ .. ﺳﻤﺎﺣﺔ ﺑﻴﺖ ﺍﻟﻘﺶ ...

ﺟﺪﻭ : ﺍﻧﺘﻲ ﻳﺎﻧﺎﻧﺎ ﺟﺪﻭ ﺩﺓ ﻣﺎﻟﻮ ﻣﻌﺎﻙ .. ﺍﻭﻋﻲ ﺗﻜﻮﻧﻲ .....

ﻧﺎﻧﺎ : ﻗﺎﻣﺖ ﻣﻦ ﺍﻟﻄﺸﺖ ﻭﺩﺧﻠﺖ ﺍﻟﺮﺍﻛﻮﺑﻪ ﻋﺸﺎﻥ ﺍﻣﻬﺎ ﻣﺎﺗﺴﻤﻊ .. ﻫﻮﻭﻭﻭﻭﻭﻭﻭﻱ ﻳﺎﺣﻮﺩﺓ ﺍﺣﺘﺮﻡ ﻧﻔﺴﻚ ﻭﻟﻢ ﻛﻼﻣﻚ ﺍﻟﺰﻱ ﻭﺷﻚ ﺍﻟﻤﺤﻔﺮ ﺩﺓ ... ﺟﺪﻭ ﻭﺍﻧﺖ ﺍﻻﺗﻨﻴﻦ ﺍﻟﻠﻪ ﻳﺎﺧﺪﻛﻢ ﻳﺎﺥ . ﺍﻃﻠﻌﻮ ﻣﻦ ﺣﻴﺎﺗﻲ ﻳﺎﺥ ﻣﺎﻟﻜﻢ ﺑﻲ ﻋﺎﻳﺰﻳﻦ ﺷﻨﻮ ﺍﻧﺎ ﻣﺎﻛﺪﺓ ﺯﻱ ﻣﺎﻣﻔﺘﻜﺮﻳﻦ ...

ﺣﻮﺩﺓ : ﻧﺎﻧﺎ ﻧﺎﻧﺎ ﻧﺎﻧﺎ ﺍﻫﺪﻱ ﺷﻮﻳﻪ .. ﻭﺍﻟﻠﻪ ﻋﺎﺭﻓﻚ ﻣﺎﻓﻴﻚ ﻋﻴﺒﻪ .. ﺑﺲ ﻳﺎﻧﺎﻧﺎ ﺍﻧﺎ ﺑﺮﺗﺎﺡ ﻣﻌﺎﻙ ﻭﺍﻟﻠﻪ .. ﺧﻼﺹ ﺑﺮﺟﻊ ﻟﻴﻜﻲ ﺑﻌﺪﻳﻦ ..

ﻧﺎﻧﺎ ﻗﻔﻠﺖ ﺍﻟﺨﻂ ﻭﻗﻌﺪﺕ ﺗﺒﻜﻲ ﻓﻲ ﺍﻻﺭﺽ ﻭﺗﻘﻮﻝ ﺷﻜﻴﺘﻜﻢ ﻻﺍﻟﻠﻪ ﺯﻱ ﻣﺎﺑﻬﺪﻟﺘﻮﻧﻲ ﺍﺷﻮﻑ ﻓﻴﻜﻢ ﻭﺟﻌﻪ ﺗﻘﻄﻌﻜﻢ ﻧﺴﺎﻳﺮ ﻧﺴﺎﻳﺮ ...

ﺑﻬﻨﺎﻙ ﺟﺪﻭ ﻗﻌﺪ ﺟﻢ ﺣﺒﺸﻴﻪ ﻭﻃﻠﺐ ﻗﻬﻮﺓ ﻭﻗﻌﺪ ﻳﻜﺘﺐ ﺭﺳﺎﻟﻪ ﻟﻨﺎﻧﺎ ..

ﻧﺎﻧﺎ ﻓﻲ ﺍﻟﻤﻄﺒﺦ ﺑﺘﻈﺒﻂ ﺍﻟﺸﻮﺭﺑﻪ ﻻﻣﻬﺎ .. ﺗﺮﺭﺭﻥ ﺟﺎﺗﺎ ﺭﺳﺎﻟﻪ ﻓﻲ ﺍﻟﻮﺍﺗﺴﺎﺏ ..

ﻗﻌﺪﺕ ﻓﻲ ﻛﺮﺳﻲ ﺑﻼﺳﺘﻴﻚ ﻭﻓﺘﺤﺖ ﺍﻟﺮﺳﺎﻟﻪ ﻟﻘﺘﺎ ﻣﻦ ﺟﺪﻭ ..

‏( ﻧﺎﻧﺎ ﺑﺖ ﻋﻤﻲ ﻭﺣﺒﻴﺒﺘﻲ ﺍﻧﺎ ﺑﻌﺘﺰﺭ ﻟﻴﻜﻲ ﺷﺪﻳﺪ .. ﺍﻧﺎ ﻋﺎﻳﺰ ﺍﺗﺰﻭﺟﻚ ﻳﺎﻧﺎﻧﺎ ﺑﺲ ﺍﻧﺘﻲ ﻓﺎﻫﻤﺎﻧﻲ ﻏﻠﻂ ﻟﻴﻪ ... ﻭﺍﻓﻘﻲ ﺑﻲ ﻭﺍﻧﺎ ﺑﺮﻳﺤﻚ ﻭﺍﺳﻌﺪﻙ ﻟﻼﺧﺮ .. ‏)

ﻧﺎﻧﺎ ﺑﺪﺕ ﺗﻜﺘﺐ ﻭﺭﺟﻌﺖ ﻣﺴﺤﺖ .. ﻭﺑﻬﻨﺎﻙ ﻇﺎﻫﺮ ﻟﺠﺪﻭ ﺟﺎﺍﺍﺭﻱ ﺍﻟﻜﺘﺎﺑﻪ ...

ﻭﺟﺪﻭ ﻣﻨﺘﻈﺮ ﻣﻔﺘﻜﺮ ﺍﻟﺸﺒﻜﺔ ﻋﻠﻘﺖ ﻭﻳﻘﻔﻞ ﻭﻳﻔﺘﺢ ﻓﻲ ﺍﻟﺒﻴﺎﻧﺎﺕ ..

ﻧﺎﻧﺎ ﻗﺎﻟﺖ ﺑﻌﺪ ﺗﻔﻀﻲ ﺗﺮﺩ ﻟﻴﻬﻮ .. ﻋﻤﻠﺖ ﺍﻟﺸﻮﺭﺑﻪ ﻭﺍﻟﺮﺯ ﻭﻗﻌﺪﺕ ﻗﻄﻌﺖ ﺍﻟﺴﻠﻄﻪ ﻭﺟﻬﺰﺕ ﺍﻟﻐﺪﺍ ﻭﻗﻌﺪﺕ ﺟﻤﺐ ﺍﻣﻬﺎ ﺍﻛﻠﺖ ﻭﻣﺸﺖ ﺳﻮﺕ ﺷﺎﻱ ﺑﻘﺮﻧﻔﻞ ﻳﻈﺒﻂ ﺍﻟﺪﻣﺎﻍ ... ﻭﻧﻀﻔﺖ ﺍﻟﻤﻄﺒﺦ ﻭﺍﻟﻌﺪﺓ ﻭﺟﺎﺕ ﺭﻗﺪﺕ ﻗﺼﺎﺩ ﺍﻣﻬﺎ ...

ﻭﻓﺘﺤﺖ ﺍﻟﻮﺍﺗﺴﺎﺏ ﻟﻘﺖ ﺟﺪﻭ ﺧﺎﺗﻲ ﺻﻮﺭﺗﻮ ﻫﻮ ﻗﺎﻋﺪ ﻓﻲ ﻛﺮﺳﻲ ﻭﺭﺍﻫﻮ ﺷﺠﺮﺓ ﻣﻘﺼﻔﻪ ... ﻭﻛﺎﺗﺐ ﻓﻲ ﺍﻟﺤﺎﻟﻪ ... ‏( ﺭﺍﺟﻴﻚ ﺗﺒﻠﻲ ﺍﻟﺸﻮﻕ ﺗﺠﻲ ﻓﻲ ﻣﻮﺳﻢ ﺍﻟﻐﻨﺎ ﻭﺍﻟﺰﻫﺮ ... ‏) ﻃﺒﻌﺎ ﻫﻮ ﻋﺎﺷﻖ ﻟﻤﺤﻤﺪ ﺍﻟﻨﺼﺮﻱ ﻭﻣﺒﺎﺭﻳﻬﻮ ﻣﺤﻞ ﻣﺎﻳﻜﻮﻥ ﻋﻨﺪﻭ ﺣﻔﻠﻪ ...

ﻧﺎﻧﺎ ﻛﺘﺒﺖ ﺭﺳﺎﻟﻪ ‏( ﻳﺎﺟﺪﻭ ﺍﻟﻌﻤﺎﻳﻞ ﺍﻟﺒﺘﻌﻤﻼ ﺩﻱ ﺑﺘﺮﺿﺎﻫﺎ ﻓﻲ ﺍﺧﻮﺍﺗﻚ ... ﺍﻧﺖ ﺍﺻﻼ ﺍﻟﺒﺨﻠﻴﻚ ﺗﺠﻲ ﻧﺎﺣﻴﺘﻲ ﺷﻨﻮ ... ﺭﺑﻨﺎ ﺍﺩﻱ ﻛﻞ ﻣﺨﻠﻮﻕ ﺳﻼﺡ .. ﻭﺍﻧﺎ ﺳﻼﺣﻲ ﻟﻴﻚ ﻳﺎﺟﺪﻭ ﻛﺮﺍﻫﻴﺘﻲ ﻟﻴﻚ .. ﻭﺍﺣﺰﺭﻙ ﺍﻟﻒ ﺧﻂ ﺍﺣﻤﺮ ﺑﻴﻨﻲ ﻭﺑﻴﻨﻚ .. ‏)

ﺟﺪﻭ ﻗﺮﺍ ﺍﻟﺮﺳﺎﻟﻪ ﻭﺭﺩﺍ ﺑﺎﺣﺴﺎﺱ ﺑﺎﺍﺍﺍﺍﺭﺩ ...

ﻛﻮﻧﻮ ﺟﺎﺗﻨﻲ ﺭﺳﺎﻟﻪ ﻣﻨﻚ ﻳﻜﻔﻲ ﻳﺎ ﺍﺟﻤﻞ ﺣﺒﻴﺒﻪ ...

ﻧﺎﻧﺎ ﺯﻫﺠﺖ ﻣﻦ ﺑﺮﻭﺩﻭ ﻭﻗﻔﻠﺖ ﺍﻟﻨﺖ ﻭﺭﻗﺪﺕ ﻧﺎﺍﺍﻣﺖ ... ﻣﺎﺷﻌﺮﺕ ﺍﻻ ﺑﺼﻮﺕ ﺍﻣﻬﺎ ﺑﻨﺎﺩﻳﻬﺎ ﻗﻮﻣﻲ ﻳﺎﻧﺎﻧﺎ ﺟﻴﺒﻲ ﻟﻲ ﺃﺑﺮﻳﻖ ﺍﻟﻮﺿﻮ ﺍﻟﺼﻼﻩ ﻗﺒﻞ ﺗﻔﻮﺕ .....

ﻧﺎﻧﺎ ﻗﺎﻣﺖ ﻓﺮﺷﺖ ﻻﻣﻬﺎ ﺍﻟﻤﺼﻼﻳﻪ ﻭﺟﻤﺒﻬﺎ ﺍﻟﻜﺮﺳﻲ ﻭﺑﻌﺪ ﺍﻣﻬﺎ ﺻﻠﺖ ﻗﺎﻟﺖ ﺗﻤﺸﻲ ﻟﻨﻴﺮﻭﺯ ...

ﻃﻠﻌﺖ ﻧﺎﻧﺎ ﻭﻣﺸﺖ ﻟﻨﻴﺮﻭﺯ ... ﺩﺧﻠﺖ ﻗﻌﺪﺕ ﻣﻊ ﻧﻴﺮﻭﺯ ﻭﻫﻢ ﺑﺘﻮﻧﺴﻮ .. ﺟﺎﺕ ﺳﻌﺪﻳﻪ ﺍﻡ ﻧﻴﺮﻭﺯ ﺍﻟﻔﺮﺣﻪ ﻣﺎﺷﺎﻳﻼﻫﺎ ...

ﺳﻌﺪﻳﻪ : ﺍﻳﻮﻭﻭﻭﻱ ﺍﻳﻮﻭﻭﻱ ﺍﺩﻭﻧﻲ ﺍﻟﻤﻮﺍﻓﻘﻪ ﺍﻫﻞ ﺳﻠﻮﺍﻥ ﻛﺪﺓ ﺍﺩﻭﻧﻲ ﺍﻟﺘﻠﻔﻮﻥ ﻧﺘﺼﻞ ﻟﻤﺤﻲ ﻧﺒﺸﺮﻭ ...

ﻧﺎﻧﺎ : ﻳﺎﺳﻼﻡ ﻳﺎﺯﻳﻦ ﻣﺎﺍﺧﺘﺎﺭ .. ﺍﻻ ﻓﻀﻠﻨﺎ ﺍﻧﺎ ﻭﺍﻧﺘﻲ ﻳﺎﻧﻴﺮﻭﺯ ..

ﻧﻴﺮﻭﺯ : ﻣﺎﺑﺮﺍﺍﺍﻛﻲ ﻳﺎﻧﺎﻧﺎ ﺭﺍﻓﺴﻪ ﻧﻌﻤﺘﻚ ﺣﺴﻲ ﺯﻱ ﺟﺪﻭ ﺍﻟﻌﺴﻞ ﺩﺓ ﺑﻴﺎﺑﻮﻫﻮ

ﻧﺎﻧﺎ : ﻫﺎﻛﻲ ﻟﻴﻬﻮ ﺷﻴﻠﻴﻬﻮ .. ﺍﻧﺘﻲ ﻋﺎﻳﺰﺍﻧﻲ ﺍﻋﺮﺱ ﺍﻟﺼﺎﻳﻊ ﺩﺓ ﻭﺑﻜﺮﺓ ﻳﺠﻴﺐ ﻟﻲ ﺣﺒﺸﻴﻪ ﻳﻘﻮﻝ ﻟﻲ ﺩﻱ ﻣﺮﺗﻲ ﺍﻟﺘﺎﻧﻴﻪ ﻣﺎﻟﻲ ﻭﻣﺎﻝ ﺍﻟﻮﺟﻊ ﺩﺓ .. ﻭﻏﻴﺮ ﻛﺪﺓ ﺍﻣﻮ ﻣﺠﺮﻣﻪ ﻭﻫﻮ ﺍﺟﺮﻡ ﻣﻨﻬﺎ ..

ﻧﻴﺮﻭﺯ : ﻃﻴﺐ ﻋﻤﺮ ﺑﺘﺎﻉ ﺍﻟﺒﻮﺗﻴﻚ ﻋﻴﺒﻴﻬﻮ ﻟﻲ ﻛﺪﻩ ﻓﻲ ﻓﺪﺩﺩﺩ ﻛﻠﻤﺔ ﺑﺲ ..

ﻧﺎﻧﺎ : ﻣﺨﻨﺴﺴﺴﺲ

ﻧﻴﺮﻭﺯ : ﺷﻨﻮ ﻣﺨﻨﺲ ﻭﺗﺴﻜﺘﻲ ..

ﻧﺎﻧﺎ : ﺯﻱ ﻣﺎﻗﻠﺘﻲ ﻋﻴﺒﻴﻬﻮ ﻟﻲ ﻓﺪ ﻛﻠﻤﻪ ﺍﻫﻮ ﻣﺨﻨﺲ ... ﻣﺎﺷﺎﻳﻔﺎﻫﻮ ﺑﺘﻤﺎﻳﻊ ﻛﻴﻔﻦ ﻭﺣﺎﺕ ﺍﻟﻠﻪ ﺍﻧﺎ ﺃﺧﺸﻦ ﻭﺃﺭﺟﻞ ﻣﻨﻮ .. ﻭﺑﻌﺪﻳﻦ ﺷﻮﻓﻲ ﺍﺻﺎﺑﻌﻮ ﺍﻟﻴﻤﻴﻦ ﺩﻱ ﻣﻔﺴﻮﺧﺔ ﻛﻴﻔﻦ ﺑﺼﻮﺍﻃﺔ ﺍﻟﺨﻠﻄﺎﺕ ﻭﺍﻟﻜﺮﻳﻤﺎﺕ .. ﺍﺳﻜﺘﻲ ﻳﺎﻧﻴﺮﻭﺯ ﻣﺎﺗﻄﻤﻲ ﻟﻲ ﺑﻄﻨﻲ ﺍﻧﺎ ﺟﺎﻳﺎﻙ ﺗﻔﻜﻲ ﻋﻨﻲ ﺷﻮﻳﻪ ... ﺍﻧﺎ ﻋﺎﻳﺰﺓ ﺯﻭﻝ ﻳﺮﺿﻲ ﺑﻈﺮﻭﻓﻲ ﻭﻳﺘﺰﻭﺟﻨﻲ ﻭﻳﺴﻌﺪﻧﻲ ...

ﻧﻴﺮﻭﺯ : ﻫﻲ ﻫﻲ ﺑﻄﻠﻲ ﺗﺤﻠﻤﻲ ﺍﻟﻔﻲ ﻋﻤﺮﻧﺎ ﺩﻩ ﻋﺮﺱ ﻭﻋﻴﺎﻟﻢ ﺣﺴﻲ ﻣﻤﺘﺤﻨﻴﻦ ﺍﻟﺸﻬﺎﺩﺓ ..

ﺳﻌﺪﻳﻪ ﺷﺎﻟﺖ ﺍﻟﺘﻠﻔﻮﻥ ﻭﻛﺴﺤﺖ ﻛﺪﻱ ﻟﻐﺎﺩﻱ ﺍﻟﺤﻮﺵ ﺑﻬﻨﺎﻙ ... ﻭﺍﺗﺼﻠﺖ ﻋﻠﻲ ﻣﺤﻲ ..

ﺳﻌﺪﻳﻪ : ﺍﻟﻮ ﺍﻟﻮ ﺍﻟﻮ ﻣﺤﻲ ﻭﻟﺪﻱ ﺍﻟﻮ ﻣﺎﺳﺎﻣﻌﺎﻙ ﺍﻟﺸﺒﻜﺔ ﺩﻱ ﺑﺘﻘﻄﻊ ﻛﺪﻱ ﻭﺟﻌﺖ ﺍﺿﻨﻲ .. ﺍﻟﻮ ﺳﺎﻣﻌﻨﻲ ﻳﺎﻭﻟﺪ ﺍﻧﺎ ﻣﺎﺑﺪﻭﺭ ﺍﻟﻜﻼﻡ ﺍﻟﻜﺘﻴﺮ ﻓﻲ ﺍﻟﺘﻠﻔﻮﻥ ... ﻭﺗﺤﺖ ﻛﻞ ﻛﻠﻤﺔ ﻣﺤﻲ ﺳﺎﻣﻌﺎ ﺑﺲ ﻫﻲ ﻣﺎﺷﺎﻳﻼ ﺍﻟﺼﺒﺮ ﻋﺸﺎﻥ ﺗﺘﺎﻛﺪ ﻣﻦ ﺳﻤﺎﺣﺔ ﺍﻟﺸﺒﻜﺔ

ﺍﻫﺎ ﻳﺎﻭﻟﺪﻱ ﺍﻟﺒﺸﺎﺭﺓ ﻳﺎﺟﻨﺎﻱ .. ﺍﺩﻭﻙ ﺍﻟﻤﻮﺍﻓﻘﻪ ﺟﻬﺰ ﺧﺘﻮﺑﺘﻚ ﻣﻦ ﻫﻨﺎﻙ ﻭﺗﻌﺎﻝ ﺳﺮﻳﻊ ..

ﻭﻗﻔﻠﺖ ﻭﺟﺎﺕ ﺗﺘﻜﻠﻢ ﻣﻊ ﻧﻴﺮﻭﺯ ..

ﺳﻌﺪﻳﻪ : ﻗﻮﻣﻲ ﻳﺎﻧﻴﺮﻭﺯ ﺍﻧﺘﻲ ﻭﻧﺎﻧﺎ ﺩﻱ ﺟﻴﺒﻮ ﻟﻲ ﺍﻟﻘﻤﺢ ﺩﺍﻙ ﺍﻧﻀﻔﻮ ﺑﺠﺎﻱ ﺍﻟﻴﻼ ﺍﻧﺎ ﻣﺒﺴﻮﻃﻪ ﻭﺣﺎﺳﻪ ﺑﻨﺸﺎﻁ ..

ﻧﻴﺮﻭﺯ ﻭﻧﺎﻧﺎ ﺷﺎﻳﻠﻴﻦ ﺍﻟﺸﻮﺍﻝ ﺍﻟﻌﺒﺎﺭﺓ ﻋﻦ ﻗﻴﺮﺍﻃﻴﻦ ﻭﺑﺘﻜﻠﻤﻮ ..

ﻧﺎﻧﺎ : ﺍﺳﻤﻌﻲ ﻳﺎﻧﻴﺮﻭﺯ ﻋﻨﺪﻱ ﺯﻭﻝ ﺑﺘﺎﻉ ﺑﻮﺗﻴﻚ ﻛﺪﺓ ﺻﺎﺣﺐ ﻟﺬﻳﺬ ... ﺷﻴﻠﻲ ﻣﻦ ﻣﻮﺣﻲ ﻗﺮﻭﺵ ﺍﻟﺨﻄﻮﺑﻪ ﻭﻧﻤﺶ ﻧﺠﻴﻬﺎ ﻧﺤﻦ ﺍﺧﻮﻙ ﺯﻭﻗﻮ ﺑﻜﻮﻥ ﺷﻴﻦ ..

ﻧﻴﺮﻭﺯ : ﺍﻱ ﻭﺣﺎﺕ ﺍﻟﻠﻪ ﻓﻜﺮﺓ ﺍﺻﻠﻲ ﺍﺷﺘﻘﺖ ﻟﻤﺸﻲ ﺍﻟﺴﻮﻕ ﺧﻼﺹ ﺍﻛﻠﻤﻮ ﻭﻧﻤﺸﻲ ....

ﺍﻫﺎ ﻧﻴﺮﻭﺯ ﺍﺗﺼﻠﺖ ﺑﻤﻮﺣﻲ ﻭﻛﻠﻤﺘﻮ ﺍﻧﻬﺎ ﺣﺘﻈﺒﻂ ﺍﻟﻤﻮﺿﻮﻉ ﺗﻤﺎﻡ .. ﻭﻣﻮﺣﻲ ﻗﺎﻝ ﻟﻴﻬﺎ ﺑﺠﻲ ﺑﺎﻛﺮ ﺍﺩﻳﻚ ﺍﻟﻘﺮﻭﺵ ..

ﻧﺎﺭﻳﺰ .. ﻃﺒﻌﺎ ﻛﺎﻟﻌﺎﺩﺓ ﻣﺮﺣﺮﺣﻪ ﺟﻮﺓ ﺷﻲ ﻣﻨﺴﻮﺭ .. ﻭﺷﻲ ﺷﺘﻴﻤﺔ ﻟﻤﺪﺛﺮ .. ﻭﺿﺎﺍﺍﺭﺑﻪ ﺍﻟﻮﺿﻊ ﺑﺎﻟﺠﺰﻣﺔ ...

ﺍﻫﺎ ﻛﺪﺓ ﻧﺸﻮﻑ ﺧﻄﻮﺑﺔ ﺳﻠﻮﺍﻥ ﻭﻣﻮﺣﻲ ﺩﻱ ﻛﻴﻒ ...