# هوس البنوت

هوس البنوت 7

Attrife:

#هــــوس_البنـــــوت_7

ﺍﻫﺎ ﻣﺤﻲ ﺭﻛﺐ ﺩﻓﺎﺭﻭ ﻭﺩﺍﺱ ﺑﻨﺰﻳﻦ ﺑﺎﻟﻔﺮﺡ .. ﻭﺑﻘﻲ ﻳﺪﻕ ﺍﻟﺼﻔﺎﺭﺓ ﺣﻘﺖ ﺍﻟﺒﺺ ﺍﻟﺤﻨﻴﻴﻴﻴﻴﻴﻨﻪ ﺩﻳﻚ ... ﺑﻘﻲ ﻳﻌﺰﻑ ﺍﻏﻨﻴﺔ ‏( ﻳﺎﺍﺍﺍﺍﻟﺪﺍﻗﻮﻱ ﺍﺭﺟﻊ ﻟﻲ ‏) ﻭﺍﻟﺴﺪﻳﺮﻱ ﺩﻩ ﻫﺒﺎﺍﺍﺍﺑﻪ ﻛﺪﻱ ﺑﻨﺴﻴﻢ ﺍﻟﺸﺒﺎﻙ ... ﻭﺍﻟﺪﻓﺎﺭ ﺩﺓ ﻃﺒﻠﻮﻧﻮ ﻣﺰﻳﻦ ﻗﻄﻴﻒ ﻛﺪﺓ ﻭﺧﺮﺯ ﻭﻧﺠﻒ ﻳﻌﻠﻢ ﺍﻟﻠﻪ ﻳﻔﺘﺢ ﺍﻟﻨﻔﺲ ﻭﻳﺨﻠﻴﻚ ﺗﺸﺤﻦ ﺑﻀﺎﻳﻌﻚ ﻟﻮ ﻛﺮﺗﻮﻧﺔ ﻭﺷﻮﺍﻝ ﻋﺸﺮﺓ ﻛﻴﻠﻮ ﺑﺲ .. ﻭﺍﻫﺎ ﺑﺎﻟﺠﻤﺒﺎﺕ ﻛﺪﻱ ﻟﻤﺒﺎﺕ ﺣﻤﺮﻩ ﻭﺧﻀﺮﻩ ﻭﺻﻔﺮﺓ .. ﻭﻗﺖ ﻳﻜﻮﻥ ﺑﺎﻟﻴﻞ ﻓﻲ ﺷﺎﺭﻉ ﺍﻟﺴﻔﺮ ﻳﻨﻮﻭﻭﺭ ﺯﻱ ﺑﺮﺝ ﺍﻳﻔﻞ ‏( ﺻﻠﻴﺖ ﻋﻠﻲ ﺍﻟﻨﺒﻲ ﺍﻟﻒ ﻣﺮﺓ ‏)

ﺳﻌﺪﻳﻪ ﺟﺮﺕ ﺟﻮﺓ ﺑﻘﺖ ﺗﻌﺪ ﻗﺮﻳﺸﺎﺗﺎ .. ﻭﻃﻠﻌﺖ ﻟﻴﻬﺎ ﺧﻤﺴﻴﻨﺎﻳﻪ ﻛﺪﺓ ﻋﻠﻲ ﺟﻤﺒﻪ ﻭﺻﺮﺗﻦ ﻓﻲ ﻃﺮﻑ ﺗﻮﺑﺎ ﻭﻃﻠﻌﺖ ﻋﻠﻲ ﺍﻟﺒﻨﺎﺕ ... ﺑﺨﻄﻮﺍﺕ ﺣﻨﻴﻨﻪ ﻣﺴﺮﻋﻪ ﻣﺒﺘﻬﺠﻪ ... ﻻﻣﻦ ﺷﺒﺸﺒﺎ ﻳﺴﻮﻱ ﻃﻖ ﻃﺮﻕ ...

ﺳﻌﺪﻳﻪ : ﻫﻲ ﻳﺎﺧﺎﻣﻼﺕ ﺑﻜﺮﺓ ﺍﺟﻴﺐ ﺳﺘﻜﻦ ﻳﺎﺍﻟﺸﺤﻤﺎﻧﺎﺕ .. ﺣﺴﻲ ﺷﻮﻓﻦ ﺑﺮﻧﺪﺓ ﺍﻟﺰﻧﻚ ﺩﻱ ﻣﻦ ﻓﺮﺷﺘﻮ ﻓﻴﻬﺎ ﻣﻼﻳﺎﺕ ﺍﻟﻤﺨﻤﻞ ﺍﻟﺰﺭﻗﻪ ﺩﻱ ﻣﺎﻏﻴﺮﺗﻮﻫﺎ ... ﺍﻱ ﺍﺳﻤﻬﺎ ﻣﻼﻳﺎﺕ ﺍﻟﻤﺮﺓ ﺍﻟﺨﺮﻗﻪ .. ﺍﻳﺎﻫﺎ ﺍﻟﺰﻳﻜﻦ ﻛﺪﻱ ..

ﻭﺑﻘﺖ ﺗﻔﺘﺶ ﺧﻤﺎﺭﺍ ﺍﻻﺣﻤﺮ ﺍﻟﻄﻘﻢ ﺍﻟﺘﻮﺏ ﺍﻟﻠﻮﻥ ﺯﻳﻨﺐ ﻭﺳﻠﻄﻪ ﺍﻟﻮﺍﻥ ﻛﺪﺓ ﺍﻏﻠﺒﺎ ﺍﺣﻤﺮ ‏( ﻗﺸﺮﺓ ﻳﺎﺣﺠﻪ ‏)

ﻧﻴﺮﻭﺯ : ﻳﻤﺔ ﻣﺎﻟﻚ ﻋﺎﻳﺰﺍﻧﺎ ﻧﺸﻤﻬﺎ ﻭﻧﺤﺮﺩﺍ ﻣﻦ ﺣﺴﻲ ..

ﺳﻌﺪﻳﻪ : ﺍﺳﻜﺘﻲ ﻳﺎﻟﻔﺎﺟﺮ .. ﺣﺴﻚ ﺍﻟﺬﻱ ﺣﺲ ﺍﻟﻨﻔﻴﺮ ﺩﺓ ... ﻭﺩﺓ ﺷﻨﻮ ﺍﻟﻔﻲ ﻭﺷﻚ ﺩﺓ ... ﻛﺴﺘﺮ ﺻﺢ .. ﺣﺴﻲ ﻟﻮ ﻧﺠﻀﺘﻲ ﻟﻴﻨﺎ ﻣﺎﻛﺎﻥ ﺍﺣﺴﻦ ...

ﻧﻴﺮﻭﺯ : ﺑﻘﺖ ﺗﻐﻨﻲ ﻭﻫﻲ ﺷﺎﻳﻠﻪ ﺍﻟﻤﺮﺍﻳﻪ ﻭﺗﻨﻔﺦ ﺍﻟﻠﺒﺎﻧﻪ ﻗﺪﺭ ﺟﻀﻮﻣﺎ ﻭﻃﻖ ﺗﻔﻜﻬﺎ ..

ﺳﻌﺪﻳﻪ : ﺩﺓ ﺷﻨﻮ ﺻﻮﺕ ﺍﻻﻛﻴﺎﺱ ﺩﺓ ..

ﻧﻴﺮﻭﺯ : ﻣﺪﺕ ﺭﺟﻮﻻ ﻟﺒﺮﺓ ﻭﺑﻘﺖ ﺗﻬﺰ ﻓﻴﻬﻦ ... ﺩﻳﻞ ﻳﻤﺔ ﺍﺳﻤﻬﻦ ﺍﻛﻴﺎﺍﺍﺱ ﺍﻟﺒﻘﺮ .. ﺑﻨﻀﻔﻦ ﺍﻟﺠﺴﻢ ﻋﺠﻴﺒﻪ ﻟﻜﻦ ﻳﻤﻪ ..

ﺳﻌﺪﻳﻪ : ﺍﻟﻠﻪ ﻳﻘﺮﻓﻚ ﻳﺎﻟﻌﻮﻻﻗﻪ ﺩﻳﻞ ﺍﻟﺒﻮﻟﺪﻭ ﺑﻴﻬﻦ ﺍﻟﺒﻬﺎﻳﻢ .... ﻭﻟﺸﻨﻮ ﺗﻨﻀﻔﻲ ﺟﺴﻤﻚ .. ﺭﻗﺎﺩﻙ ﺩﻩ ﺑﺮﺍﺍﺍﻫﻮ ﻧﻀﺎﻓﻪ ﺟﺴﻢ ..

ﻧﻴﺮﻭﺯ : ﺑﺠﻬﺰ ﻟﻌﺮﺱ ﻣﺤﻲ ﺍﻟﺪﻳﻦ ??

ﺳﻌﺪﻳﻪ : ﻫﻲ ﺍﻟﻌﺮﻭﺱ ﻟﺴﻪ ﻣﺎﺧﻄﺒﻮﻫﺎ ﻭﻟﺴﻪ ﻣﺎﺣﺒﺴﻮﻫﺎ .. ﺍﻟﺤﺒﺴﻪ ﺍﻟﻠﻴﻚ ﺷﻨﻮ ﻳﺎﻟﺨﻔﻴﻔﻪ .. ﺍﺳﻜﺘﻲ ﺍﻧﺎ ﻣﺎﺷﻪ ﻟﻴﻬﻦ ﺣﺴﻲ ﺩﻱ ﻭﺍﻟﻠﻪ ﻳﺴﻬﻞ ﻭﻳﺘﻤﻮ ﻋﻠﻲ ﺧﻴﺮ ... ﻭﻃﻖ ﻃﺮﻕ ﻃﻠﻌﺖ ﻣﺸﺖ

ﻧﺎﺭﻳﺰ ﺟﻮﺓ ﺑﺘﺘﻜﻠﻢ ﺑﺘﻠﻔﻮﻥ ﺭﺑﻴﻜﺎ ﻛﺪﺓ ﻣﻠﻔﻮﻑ ﺑﺒﺎﻧﺪﺓ ﺷﻌﺮ ﺻﻐﻴﺮﺓ ﻛﺎﻧﺖ ﺧﺎﺗﺎﻫﻮ ﺍﺣﺘﻴﺎﻁ ﻻﻱ ﺷﺮﻳﺤﺔ ﺯﻳﺎﺩﺓ .....

ﻧﺎﺭﻳﺰ : ﺑﻨﺒﺮﺓ ﺩﻟﻌﺎﺍﺍﻧﻪ ﻛﺪﺓ ﻭﻓﻴﻬﺎ ﺗﺮﻗﻴﻖ ﻟﻠﺤﺮﻭﻑ ﻭﺑﻌﻀﻬﺎ ﺗﻔﺨﻴﻢ ﻭﺑﻌﻀﻬﺎ ﻣﺒﺘﻮﺭﺓ ﺍﻟﻨﻘﺎﻁ ..

ﺍﺯﻳﻚ ﻣﻨﺴﻮﻭﻭﺭ .. ﻣﻌﻠﻴﺶ ﺗﻠﻔﻮﻧﻲ ﺍﺗﺴﺮﻕ ﻣﻨﻲ ﻓﻲ ﺍﻟﻤﻮﺍﺳﻼﺍﺍﺍﺕ ﻭﻫﺴﻊ ﺷﻐﺎﻟﻪ ﺑﺤﻖ ﻣﺎﻣﺎ ﺗﻠﻔﻮﻥ ﺗﻌﺒﺎﺍﺍﺍﻥ ﻛﺪﺓ

ﻣﻨﺼﻮﺭ : ﻛﻔﺎﺭﺓ ﺍﻟﺠﺎﺗﻚ ﻓﻲ ﻣﺎﻟﻚ ﺳﺎﻣﺤﺘﻚ ﻳﺎﻋﺴﻞ ... ﺑﻜﺮﺓ ﺍﻟﺤﺎﺿﺮ ﺩﺓ ﺑﺴﻠﻤﻚ ﺟﻮﺍﻝ ﺟﺪﻳﺪ ﻓﻲ ﺍﻟﺠﺎﻣﻌﻪ .. ﺍﻭﻛﻲ ..

ﻧﺎﺭﻳﺰ : ﺗﺒﻌﺂ ﺍﻟﻴﻮﻣﻴﻦ ﺩﻱ ﻣﺸﻐﻮﻟﻴﻦ ﺑﺨﺘﻮﺑﺔ ﺍﺧﻮﻱ ﻭﻛﺪﺓ ﻭﻣﺎﻣﻠﺤﻘﺔ ﺩﻩ ﻣﻦ ﺩﺓ ﻭﺍﻟﺠٍﺎﻣﻌﻪ ﻭﺍﺍﺍﺍﺍﻱ ﻓﺘﺮ ﺷﺪﻳﺪ ﺧﻼﺱ .. ‏( ﻓﺘﺢ ﺍﺿﻨﻴﻚ ﺍﻟﻜﻼﻡ ﻟﻴﻚ ﺟﻬﺰ ﺍﻟﻜﺎﺵ ﻣﻮﻧﻲ ‏)

ﻣﻨﺼﻮﺭ : ﺍﻫﺎ ﺟﻬﺰﺗﻲ ﺣﺎﻟﻚ ﻭﻻ ﻟﺴﻪ ‏( ﺍﺣﺴﺎﺱ ﻓﻨﻴﻂ ‏)

ﻧﺎﺭﻳﺰ : ﺑﻘﺖ ﺗﺮﻗﺺ ﺑﺮﺍﺳﺎ ... ﺍﻟﻠﻪ ﻳﺎﺭﻳﺖ ﺍﻟﻌﻨﺪﻧﺎ ﻛﻠﻮ ﻓﻲ ﺗﺠﻬﻴﺰﺍﺕ ﻣﻮﺣﻲ .. ﻳﻼ ﺑﻜﺮﺓ ﺗﺘﺤﻼ ﺍﻟﻠﻪ ﻛﺮﻳﻢ‏( ﻓﻲ ﺛﺎﻧﻴﻪ ﻗﻠﺒﺖ ﻣﻦ ﺣﻨﻜﺸﻪ ﻟﻼﺧﺖ ﺍﻟﻤﺆﻣﻨﻪ ‏)

ﻣﻨﺼﻮﺭ : ﺍﻭﻛﻲ ﺑﻜﺮﺓ ﻧﺘﻼﻗﻲ ﻓﻲ ﺍﻟﻤﻘﻬﻲ ﺍﻟﺮﻳﺎﺿﻲ ﻓﻲ ﺍﻟﺠﺎﻣﻌﻪ ﻟﻤﺎ ﺍﺻﻞ ﺑﺘﺼﻞ ﻋﻠﻴﻜﻲ ..

ﺑﺎﻱ ... ﺑﺎﻱ .. ﺗﻮﺕ ﺗﻮﺕ ...

ﻃﻠﻌﺖ ﻧﺎﺭﻳﺰ ﺍﻟﺤﻮﺵ ﻭﻋﻴﻮﻧﺎ ﻃﺸﺸﻦ ﺑﻀﻮﺀ ﺍﻟﺸﻤﺲ .. ﺍﺻﻼ ﻣﻦ ﺟﺎﺕ ﺍﺗﺤﺸﺮﺕ ﺟﻮﺓ ﻣﺎﻃﻠﻌﺖ ﺭﺍﺍﺣﺎﺕ ﺑﺲ .. ﺍﻫﺎ ﺑﻘﺖ ﺗﺤﻚ ﻓﻲ ﺷﻌﺮﺍ ﻛﺪﺓ ﻭﺗﻔﻜﺮ ﻭﻫﻲ ﺑﺘﻀﺤﻚ .. ﺗﺮﺭﺭﺭﻥ ﺍﺗﺼﻞ ﻋﻠﻴﻬﺎ ﻣﺪﺛﺮ ...

ﻣﺪﺛﺮ : ﻳﺎﻧﺎﺭﻳﺰ ﻻ ﺍﻟﻪ ﺍﻻ ﺍﻟﻠﻪ

ﻧﺎﺭﻳﺰ : ﻣﺤﻤﺪ ﺭﺳﻮﻝ ﺍﻟﻠﻪ ﺍﻫﺎ ﻓﻲ ﺷﻨﻮﻭﻭﻭﻭ

ﻣﺪﺛﺮ : ﺑﺘﺼﻞ ﻋﻠﻴﻜﻲ ﻭﺗﻠﻔﻮﻧﻚ ﻣﻐﻠﻖ ﻟﺸﻨﻮ ﻭﺍﻟﺼﺒﺎﺡ ﻓﺎﺗﺢ ﻭﻣﺎﺑﺘﺮﺩﻱ ..

ﻧﺎﺭﻳﺰ : ﻳﺎﺑﻨﻲ ﺍﺩﻡ ﻣﺎﺑﺘﻔﻬﻢ ﺍﻧﺎ ﺷﻐﺎﻟﻪ ﺑﺘﻠﻔﻮﻥ ﺍﻣﻲ ﻭﻣﺎﻋﻨﺪﻱ ﺗﻠﻔﻮﻥ ﺍﻭﻭﻭﻑ ﻣﻨﻚ ﻳﺎﺥ ﻭﻣﻦ ﺷﻜﻮﻛﻚ‏( ﻃﺒﻌﺎ ﻧﺎﺭﻳﺰ ﻋﺎﻣﻠﻪ ﺗﺤﻮﻳﻞ ﻣﻜﺎﻟﻤﺔ ﻟﺮﻗﻢ ﺳﻮﺩﺍﻧﻲ ﻗﺪﻳﻢ ﻛﺪﺓ ﺭﺍﺡ ﻣﻨﻬﺎ . ﻳﻌﻨﻲ ﺗﺤﻮﻳﻞ ﺍﺛﻨﺎﺀ ﺍﻻﻧﺸﻐﺎﻝ .. ﻳﻌﻨﻲ ﻟﻤﺎ ﺗﺘﺼﻞ ﻋﻠﻴﻬﺎ ﻭﻫﻲ ﻣﺸﻐﻮﻟﻪ ﺑﻤﺸﻲ ﻓﻲ ﺍﻟﺮﻗﻢ ﺍﻟﻤﻐﻠﻖ ﺩﺍﻙ ﻭﺑﺪﻳﻚ ﻣﻐﻠﻖ .. ﺣﻜﻜﻜﻜﻤﻤﻢ ‏)

ﺍﻟﺒﻌﺮﻓﻮ ﺍﻧﻮ ﺍﻟﺰﻭﻝ ﺍﻟﻘﺼﻴﺮ ﻳﺎﺣﻜﻤﻪ ﻳﺎﻓﺘﻨﻪ .. ﺍﻫﺎ ﺩﻱ ﻃﻮﻳﻠﻪ ﻧﺴﻤﻴﻬﺎ ﺷﻨﻮﻭﻭ ?

ﻣﺎﻋﻠﻴﻨﺎ .. ﻛﺪﺓ ﺍﺭﺡ ﻧﺪﻱ ﻧﺎﻧﺎ ﺍﻟﺪﺍﻧﺎ ﻃﻠﻪ . ...

ﻧﺎﻧﺎ ﺍﻟﺪﺍﻧﺎ ﻣﻘﺸﻘﺸﻪ ﺍﻟﺒﻴﺖ ﻭﺯﺭﺍﺕ ﺍﻟﺮﻣﻠﻪ ﺍﻟﻔﻲ ﺍﻟﺤﻮﺵ ﺩﻱ ﺗﻠﻤﻊ ﺗﺴﻮﻱ ﻛﺪﻱ ? ﻣﻊ ﺍﻟﺸﻤﺲ ..

ﻭﺍﻟﻌﺪﺓ ﺩﻱ ﺗﺮﻗﺶ ﺍﻟﻤﻮﻧﻴﻮﻡ ﻻﺍﺍﺍﻣﻊ ... ﻭﺍﻟﻤﻼﻳﺎﺕ ﺩﻱ ﻣﺎﺑﺘﻘﺪﺭ ﺗﻔﺮ ﻻﻧﻬﺎ ﻣﺸﺪﻭﺩﺓ ﺗﻤﺎﺍﺍﺍﻡ ....

ﺍﻫﺎ ﻣﺮﻛﺒﻪ ﻟﻴﻬﺎ ﺣﻠﺔ ﺳﻠﻴﻘﺔ ﻓﻲ ﺍﻟﺒﻮﺗﺠﺎﺯ .. ﻭﺍﻟﺒﻮﺗﺠﺎﺯ ﺩﺓ ﻓﺎﺭﺷﻪ ﻓﻴﻬﻮ ﻭﺭﻕ ﺍﻟﻤﻮﻧﻴﻮﻡ ﻛﻞ ﻣﺎ ﺣﺎﺟﻪ ﺗﺘﻜﺒﻪ ﺗﻄﻠﻊ ﺍﻟﻮﺭﻕ ﻭﺗﻐﻴﺮﻭ ...

ﺍﻣﻬﺎ ﺭﺍﺍﻗﺪﺓ ﻓﻲ ﺍﻟﻐﺮﻓﻪ ﻭﻧﺎﻳﻤﺔ ﻭﺍﻟﺮﺍﺩﻱ ﺷﻐﺎﻝ ﻓﻲ ﺍﺫﺍﻋﺔ ﺍﻟﺒﻴﺖ ﺍﻟﺴﻮﺩﺍﻧﻲ ‏( ﺍﻋﻼﻥ ﻋﺪﺱ ﺍﻟﻮﺍﺑﻞ .. ﻭﺷﻮﻳﻪ ﺍﺑﻮ ﺍﻟﺴﻴﺪ ﻳﻐﻨﻲ ﻓﺎﺻﻞ .. ﻭﺩﻋﺎﻳﺔ ﺷﺎﻱ ﺍﻟﻐﺰﺍﻟﺘﻴﻦ ﻛﻞ ﺷﻮﻱ ﻳﻨﻄﻂ .. ‏) .. ﻭﻃﺮﺑﻴﺰﺓ ﺍﻟﺪﻭﺍ ﺩﻱ ﻭﺍﻟﻠﻪ ﺍﻧﻀﻒ ﻣﻦ ﺭﻓﻮﻑ ﺍﻟﺼﻴﺪﻟﻴﻪ ﺍﻝ ﺑﻘﺰﺍﺯ ...

ﻧﺎﻧﺎ ﻗﺎﺍﻋﺪﺓ ﺗﻐﺴﻞ ﻭﺧﺎﺗﻪ ﺍﻟﻄﺸﺖ ﻓﻲ ﻟﺴﺘﻚ ﻋﺮﺑﻴﻪ ﻗﺪﻳﻢ ﻛﺪﺓ ﻭﻗﺎﻋﺪﺓ ﻓﻲ ﺍﻟﺒﻤﺒﺮ .. ﻣﺎﺧﺪﺓ ﻭﺿﻊ ﻧﺎﻧﺴﻲ ﻋﺠﺮﻡ ﺍﻩ ﻭﻧﺺ ... ﻭﺷﻌﺮﺍ ﺍﻟﺒﻮﺏ ﺩﺓ ﻳﻌﺰﺑﺎ ﻣﺮﺓ ﻓﻲ ﺍﻟﺮﻏﻮﺓ ﻭﻣﺮﺓ ﺟﻢ ﻋﻴﻮﻧﺎ ..

ﺭﻓﻌﺖ ﻳﺪﻫﺎ ﺭﺑﻄﺖ ﺷﻌﺮﺍ ﻻﻓﻮﻕ .. ﺑﺎﺏ ﺍﻟﺸﺎﺭﻉ ﺩﻗﺎ ..??..

ﻗﺎﻣﺖ ﻧﺎﻧﺎ ﻭﻟﺒﺴﺖ ﺗﻮﺏ ﻗﺮﻳﺐ ﻋﻠﻴﻬﺎ ﻭﺑﻘﺖ ﺗﻤﺴﺢ ﺍﻟﺼﺎﺑﻮﻥ ﻣﻦ ﻳﺪﻫﺎ ..

ﻓﺘﺤﺖ ﺍﻟﺒﺎﺏ ﻭﻭﻗﻔﺖ ﺑﻮﺭﺍﻫﻮ ..

ﻧﺎﻧﺎ : ﻣﺮﺣﺐ ﺣﺒﺎﺑﻚ ﺟﺪﻭ ﻛﻴﻔﻚ ..

ﺟﺪﻭ ﺩﺓ ﻭﺩ ﻋﻤﻬﺎ ﻭﺍﺣﺪ ﺻﻌﻴﻠﻴﻴﻴﻖ ﻛﺪﺓ ... ﻋﺎﺟﺒﺎﺍﺍﻫﻮ ﻧﻔﺴﻮ ﻳﺸﺒﻪ ﺍﻻﺷﻴﻘﺮ ﺍﻟﺘﺮﻛﻲ ﻛﺪﺓ ﻟﻜﻦ ﻋﻠﻲ ﺳﻮﺩﺍﻧﻲ ..

ﺟﺪﻭ : ﻣﺎﻑ ﺍﺗﻔﻀﻞ ﻭﻻ ﺷﻨﻮ ﻳﺎﻧﺎﻧﺎ ..

ﻧﺎﻧﺎ : ﺧﺶ ﺧﺶ ﺍﻟﺒﻴﺖ ﺑﻴﺘﻚ ﻭﺩ ﻋﻤﻲ ..

ﺟﺪﻭ ﺩﺧﻞ ﻭﺷﺎﻳﻞ ﻓﻲ ﺍﻳﺪﻭ ﻛﻴﺲ .

ﻧﺎﻧﺎ ﺩﺧﻠﺖ ﺍﻟﺮﺍﻛﻮﺑﻪ ﺍﻟﻌﺎﻣﻼﻫﺎ ﻣﻄﺒﺦ ﻭﺟﺎﺑﺖ ﺑﻤﺒﺮ ﻭﺧﺘﺘﻮ ﻟﺠﺪﻭ ﺍﺗﻔﻀﻞ ﺍﻗﻌﺪ ﻭﺩ ﻋﻤﻲ ..

ﻭﺩﺧﻠﺖ ﺍﻟﻤﻄﺒﺦ ﻭﺭﻛﺒﺖ ﺍﻟﻘﻬﻮﺓ ﻓﻲ ﺍﻟﻨﺎﺭ .. ﻭﺟﺎﺕ ﺷﺎﻳﻠﻪ ﺻﺤﻦ ﻗﺰﺍﺯ ﺭﺍﺍﺍﻗﻲ ﻛﺪﺓ ﻓﻴﻬﻮ ﻗﺰﻗﺰ ﻭﻓﻮﻝ ﺳﻮﺩﺍﻧﻲ .. ﻭﺟﺎﺑﺖ ﺍﻟﻄﺮﺑﻴﺰﺓ ﺟﻢ ﺟﺪﻭ ..

ﻭﺟﺎﺑﺖ ﺍﻟﻬﻮﻥ ﻭﻗﻌﺪﺕ ﺟﻢ ﺟﺪﻭ ﺗﺪﻕ ﻓﻲ ﺍﻟﺒﻦ ..

ﺟﺪﻭ ﺩﺓ ﻳﺴﺮﺭﺭﺡ ﻓﻴﻬﺎ ﻭﻭﺷﻮ ﻣﺤﻤﺮ ﺑﺎﻟﺸﻤﺲ ﺍﻟﻮﺍﺻﻠﻪ ﻟﻴﻬﻮ ﺟﺰﻭ ﻣﻨﻬﺎ ... ﻃﻠﻊ ﺳﺠﺎﺭﺓ ﻭﻟﻌﺎ ﻭﺑﻘﻲ ﻳﻌﺎﻳﻦ ﻓﻲ ﻧﺎﻧﺎ ..

ﻧﺎﻧﺎ : ﻣﺪﻧﻘﺮﻩ ﻭﺑﺘﺴﺎﻟﻮ ﺍﻣﻚ ﻭﺍﺧﻮﺍﺗﻚ ﻛﻴﻒ ﺍﺧﺒﺎﺭﻡ .. ﻭﻣﻦ ﺟﻮﺓ ﺻﺤﺖ ﺍﻡ ﻧﺎﻧﺎ ﻭﻛﻮﺭﻛﺖ ﻟﻨﺎﻧﺎ .. ﺍﻟﺠﺎ ﻣﻨﻮ ﻳﺎﻧﺎﻧﺎ ..

ﻧﺎﻧﺎ : ﺩﺓ ﺟﺪﻭ ﻳﻤﺔ ..

ﺟﺪﻭ ﻣﺸﻲ ﺳﻠﻢ ﻋﻠﻴﻬﺎ ﻭﺍﺧﺪ ﻣﻌﺎﻫﺎ ﺻﻨﻪ ﻭﻋﻴﻨﻮ ﺗﺠﺎﺍﺍﻩ ﺍﻟﺮﺍﻛﻮﺑﻪ ﺩﺧﻠﺖ ﻓﻴﻬﺎ ﻧﺎﻧﺎ ﺗﺴﻮﻱ ﺍﻟﻘﻬﻮﺓ ..

ﺟﺪﻭ ﻗﺎﻡ ﻭﺟﺎ ﻋﻠﻲ ﺍﻟﺮﺍﻛﻮﺑﻪ ﻭﻧﺎﻧﺎ ﻣﺎﻣﻨﺘﺒﻬﻪ ﻟﻴﻬﻮ ..

ﺟﺪﻭ ﺟﺎ ﻭﻭﻗﻒ ﻭﺣﺎﺻﺮ ﻧﺎﻧﺎ ﻭﺍﻳﺪﻳﻬﻮ ﻋﻠﻲ ﺧﻴﺰﺭﺍﻥ ﺍﻟﺮﺍﻛﻮﺑﻪ ﺍﻟﺘﻘﻴﻴﻴﻠﻪ ﻭﻋﺒﺎﺭﺓ ﻋﻦ ﻋﻤﻮﺩ .. ﺑﺪﺍ ﻳﻌﺎﻳﻦ ﻓﻴﻬﺎ ﻣﻦ ﻓﻮﻕ ﻟﺘﺤﺖ ..

ﻧﺎﻧﺎ ﻗﻔﻠﺖ ﺍﻟﻨﺎﺭ ﻭﺭﻣﺖ ﺍﻟﻤﻌﻠﻘﻪ ﻣﻦ ﺍﻳﺪﺍ .. ﻭﺍﺗﻨﻔﺮﺕ ﻛﺪﺓ ﺷﺪﻳﺪ ..

ﺟﺪﻭ : ﻧﺎﻧﺎ ﺍﻧﺎ ﺍﻟﻤﺎﻋﺎﺟﺒﻚ ﻓﻴﻨﻲ ﺷﻨﻮ .. ﻭﻟﺪ ﻭﺟﻴﻪ ﺯﻱ ﺩﺓ ﺑﺮﻓﻀﻮﻫﻮ .. ﺑﻨﺎﺕ ﺍﻡ ﺩﺭ ﻭﺍﻟﺨﺮﻃﻮﻡ ﺑﺤﺒﻮ ﻭﺭﺍﻱ ﺣﺒﻴﺎﻥ ﻋﺠﻴﺐ ﺍﻻ ﺍﻧﺘﻲ ﻳﺎﺭﻭﺣﻲ ﻟﻴﻪ .. ﻟﻮ ﻋﺎﻳﺰﺓ ﻟﺒﻦ ﺍﻟﻄﻴﺮ ﺑﺠﻴﺒﻮ ﻟﻴﻜﻲ ..

ﻧﺎﻧﺎ ﺩﻓﺮﺗﻮ ﺑﻜﻞ ﻗﻮﺗﺎ ﻻﺍﺍﺍﻣﻦ ﺟﺪﻭ ﺩﺓ ﻃﻠﻊ ﺑﺮﺓ ﺍﻟﺮﺍﻛﻮﺑﻪ . ﻭﺭﺟﻌﺖ ﻧﺎﻧﺎ ﺟﺮﺗﻮ ﻣﻦ ﻗﻤﻴﺼﻮ ﻭﺭﻣﺘﻮ ﻓﻲ ﻋﻨﻘﺮﻳﺐ ﺍﻟﻌﺪﺓ ﺍﻟﺠﻮﺓ ﺍﻟﺮﺍﻛﻮﺑﻪ .. ﻭﻣﺴﻜﺘﻮ ﻣﻦ ﺍﻳﺪﻭ ﻭﻟﻔﺖ ﺍﻳﺪﻭ ﺩﻱ ﺑﻄﺮﻳﻘﺔ ﺻﻴﻨﻴﻪ ﻛﺪﺓ ..

ﻧﺎﻧﺎ : ﺍﺳﻤﻊ ﻳﺎﺟﺪﻭ ﺍﻧﺎ ﻣﺎﻣﻌﺎﻱ ﺭﺍﺟﻞ ﻭﻻ ﻭﻟﺪ ﻣﺎﻣﻌﻨﺎﻫﺎ ﺍﻧﺎ ﺑﻜﻮﻥ ﻫﺸﻪ ﻭﺳﺎﻫﻠﻪ ﻭﺑﺘﻜﺴﺮ ﻟﻴﻚ ... ﻭﻛﻴﺴﻚ ﺍﻟﺠﺎﻳﺒﻮ ﺩﺓ ﺷﻴﻠﻮ ﻭ ﺍﻟﻘﻬﻮﺓ ﻟﻮ ﻋﺎﻳﺰ ﺗﺸﺮﺑﺎ ﺍﺷﺮﺑﺎ ﺑﺎﺩﺑﻚ ﻭﻗﻮﻡ ﻓﺮﺗﻖ ﺳﺮﻋﻪ ﻣﻦ ﻫﻨﺎ ... ﻭﺍﻻ ﻗﺴﻢ ﺑﺎﻟﻠﻪ ﺍﻛﺴﺮ ﺍﻳﺪﻙ ﺍﻟﻮﺳﺨﺔ ﺩﻱ ﻳﺎ ﻋﺮﺑﻴﺪ ..

ﺟﺪﻭ ﺩﺓ ﺍﺗﻨﻔﺾ ﻛﺪﺓ ﻭﺍﺩﺍﻫﺎ ﺣﻤﻤﻤﻤﻤﺮﺓ ﻋﻴﻦ ﻛﺪﺓ ﻭﻃﻠﻊ ﻭﻭﻗﻒ ﺟﻤﺐ ﺍﻟﺒﺎﺏ ﻭﺿﺮﺏ ﺍﻟﺒﺎﺏ ﺑﻮﻧﻴﻪ ﻭﺳﺪﺍﻫﻮ ﺑﻘﻮﺓ ﺷﺪﻳﺪﺓ ﻭﺭﻛﺐ ﺍﻟﻤﻮﺗﺮ ﻭﻓﺎﺕ ... ‏( ﺍﻟﻠﻪ ﻻﺟﺎﺏ ﻋﻘﺎﺑﻚ ‏) ..

ﻧﺎﻧﺎ : ﻭﺩ ﺍﻣﻮ ﺍﻟﻤﺠﺮﻡ ﺍﻟﺘﺎﻓﻪ .. ﺭﻳﺤﺘﻚ ﻛﻠﻬﺎ ﻧﺴﺎﻭﻳﻦ ﻭﺳﺠﺎﻳﺮ ... ﺷﻮﻑ ﺍﻻﺣﻤﺮ ﺍﻟﺼﻌﻠﻮﻕ ﺩﺓ ﺍﻋﻤﻞ ﺑﺴﻤﺎﺣﺘﻚ ﺷﻨﻮ ﺍﻧﺎ ﻳﺎﻭﺳﺦ ﻳﺎ ﻣﺠﺮﻡ ... ﻭﺧﺎﺗﺎ ﻳﺪﻳﻬﺎ ﻛﺪﺓ ﻋﻠﻲ ﺟﻤﺒﺎﺗﺎ ﻭﺍﻟﻨﻔﺲ ﺩﺓ ﻻﻣﻦ ﻃﺎﻟﻊ ﺑﻌﻴﻮﻧﻪ

ﺍﻣﻬﺎ : ﺟﺪﻭ ﻓﺎﺕ ﻳﺎﻧﺎﻧﺎ ..

ﻧﺎﻧﺎ : ﺍﻱ ﻳﻤﺔ ... ﺍﻟﻔﻮﺗﻪ ﺍﻟﺒﺪﻭﻥ ﺭﺟﻌﻪ ﺍﻥ ﺷﺎﺀ ﺍﻟﻠﻪ ..

ﻭﺭﺟﻌﺖ ﺗﻐﺴﻞ ﻭﻣﺨﻨﻮﻗﻪ ... ﺍﺭﺿﺖ ﻧﻔﺴﻬﺎ ﺍﻧﻬﺎ ﻛﺎﻧﺖ ﻗﻮﻳﻪ ﻟﺘﻔﺎﻫﺔ ﺟﺪﻭ ﻭﻋﻴﻮﻧﻮ ﺍﻟﺸﺮ ..