# هوس البنوت

هوس البنوت 6

Attrife:

#هــــوس_البنــــوت_6

ﺳﻴﺪ ﺇﺗﻜﺎ ﻋﻠﻲ ﺑﺎﺏ ﺍﻟﺪﻛﺎﻥ ﻭﻫﻮ ﺑﻌﺎﻳﻦ ﻟﻠﻌﺮﺑﻴﻪ .. ﺟﺎ ﺍﺑﻮ ﺳﻠﻤﻲ ﻭﺗﻮﺳﻞ ﻭﺩﺧﻞ ﺍﻟﺒﻴﺖ ﺑﻌﺪ ﻣﺎﺭﻓﻊ ﻳﺪﻭ ﻳﻠﻮﺡ ﺑﺎﻟﺴﻼﻡ ﻝ ﺳﻴﺪ ﺍﻟﻔﺘﺎﻥ ﺍﻟﻠﺨﺒﺎﻁ ..

ﺍﻫﺎ ﺍﻡ ﺗﻮﺳﻞ ﺭﺍﻗﺪﺓ ﻭﺑﺘﻐﻨﻲ ﻟﺤﻤﻮﺩﻱ ‏( ﻟﻮﻭﻭﻭﻟﻮﻭﻭ ﻳﺪﻭﺭ ﺍﻟﻠﺒﻦ ﺍﻟﻠﺒﻦ ﻋﻨﺪ ﺍﻟﺒﻘﺮ .. ﺍﻟﺒﻘﺮ ﻳﺎﺩﺍﺭ ﺳﻌﻴﺪ .. ﺩﺍﺭ ﺳﻌﻴﺪ ﺑﻠﺪﺁ ﺑﻌﻴﺪ .... ‏) ﺟﺎﺕ ﺗﻮﺳﻞ ﻣﺴﺮﻋﺔ ﺍﻟﺨﻄﻮﺍﺕ ... ﺍﻣﻲ ﺍﻣﻲ ﻗﻮﻣﻲ ﺳﻠﻤﺎﻥ ﺟﺎ ﻋﺎﻳﺰ ﻳﺴﻠﻢ ﻋﻠﻴﻜﻢ ..

ﻗﺎﻣﺖ ﺍﻡ ﺗﻮﺳﻞ ﻭﺟﺮﺕ ﺍﻗﺮﺏ ﺗﻮﺏ ﻭﻟﻔﺤﺘﻮ ﻭﻋﺪﻟﺖ ﺍﻟﺘﻮﺏ . ﻭﻏﻄﺖ ﺍﻳﺪﺍ ﺑﻄﺮﻑ ﺍﻟﺘﻮﺏ ﻭﺳﻠﻤﺖ ﻋﻠﻲ ﺳﻠﻤﺎﻥ ﻭﻫﻲ ﻣﺪﻧﻘﺮﺓ .. ﺍﻟﻠﻪ ﻳﺴﻠﻤﻚ ﺍﻟﻠﻪ ﻳﺒﺎﺭﻙ ﻓﻴﻚ .. ﺍﻟﻠﻪ ﻳﺴﻠﻤﻚ ﺍﻟﻠﻪ ﻳﺒﺎﺭﻙ ﻓﻴﻚ .. ﻛﻴﻔﻚ ﻭﻛﻴﻔﻦ ﺍﻫﻠﻚ ﻋﻠﻚ ﺑﺨﻴﺮ ﻭﻋﺎﻓﺒﻪ ... ﺍﺗﻔﻀﻞ ﺍﺗﻔﻀﻞ ...

ﻭﺳﻠﻤﺎﻥ ﻋﺎﻳﺰ ﻳﻘﻌﺪ ﺟﺎ ﺍﺑﻮ ﺗﻮﺳﻞ ﺍﺳﻤﻮ ﻃﻪ .. ﺳﻠﻤﺎﻥ ﺭﺟﻊ ﻭﻗﻒ ﻭﺳﻠﻢ ﻋﻠﻲ ﻃﻪ ﺳﻼﻡ ﺍﺩﺏ ﻭﺍﺣﺘﺮﺍﻡ ﺷﺪﻳﺪ ﺧﻼﺹ .. ﺍﻟﺴﻼﻡ ﺍﻟﻜﻠﻮ ﺣﺮﺍﺭﺓ ﻭﺍﻫﺘﻤﺎﻡ ﺩﺍﻙ ..

ﺍﻫﺎ ﺗﻮﺳﻞ ﺟﺮﺕ ﻋﻠﻲ ﺩﻛﺎﻥ ﺳﻴﺪ ﻭﻃﻠﺒﺖ ﻳﺪﻳﻬﺎ ﺑﺎﺭﺩ ..

ﺳﻴﺪ : ﺍﻟﺒﺎﺭﺩ ﺧﻠﺺ ﻭﻣﺎﻋﻨﺪﻧﺎ . ﺍﻫﺎ ﺷﻦ ﻗﻮﻟﻚ ?

ﺗﻮﺳﻞ : ﻗﻮﻟﻲ ﻟﻴﻚ ﺍﻧﻮ ﺍﻟﻠﻪ ﻣﺎﻛﺘﺮ ﺍﻻ ﺍﻟﺪﻛﺎﻛﻴﻦ .. ﺍﻻ ﺍﻧﺖ ﺍﻟﺮﺯﻕ ﺑﺘﺮﺟﻌﻮ .. ﻭﻫﻲ ﻣﺎﺷﻪ ..

ﺳﻴﺪ : ﺭﺩ ﻗﺎﻝ ﻭﺍﻟﺮﺯﻕ ﺍﻟﺒﺘﺎﺟﻠﻮ ﺑﺎﻟﺪﻳﻦ ﺩﺓ ﻭﺗﺘﻤﺎﻃﻠﻮ ﻓﻴﻬﻮ

ﺍﺗﻠﻔﺘﺖ ﺗﻮﺳﻞ : ﺍﺳﻤﻊ ﺍﻧﺖ ﺭﺍﺟﻞ ﻛﺒﻴﺮ ﻭﻗﺪﺭ ﺍﺑﻮﻱ‏( ﻃﻌﻦ ﺑﺎﺍﺍﺍﺭﺩ ‏) ﻣﺎﺻﺢ ﺍﺭﺩﻙ ﻭﺍﺗﻔﺎﺳﻞ ﻣﻌﺎﻙ .. ﻭﻣﺸﺖ ﻟﺤﺪ ﻣﺎﻭﺻﻠﺖ ﺍﻟﻈﻠﻂ ﻭﺟﺎﺑﺖ ﺑﺎﺭﺩ ..

ﺳﻠﻤﺎﻥ : ﺍﺫﻳﻚ ﻳﺎﺍﺧﻮﻱ ﻃﻪ ‏( ﻃﺒﻌﺎ ﺍﻋﻤﺎﺭﻫﻢ ﻣﺘﻘﺎﺭﺑﻪ ﺷﺪﻳﺪ ‏)

ﻃﻪ : ﺍﻟﺤﻤﺪﻟﻠﻪ ﻣﺮﺓ ﻓﻲ ﺍﻟﻄﻴﻦ ﻭﻣﺮﺓ ﻓﻲ ﻋﺘﺎﻟﺔ ﺳﻮﻕ ﺍﻟﻤﺤﺎﺻﻴﻞ ﻭﺍﻟﺤﺎﻝ ﻣﺎﺷﻲ ﺍﻟﺤﻤﺪﻟﻠﻪ ..

ﺳﻠﻤﺎﻥ : ﺍﻧﺎ ﺑﺠﻴﺐ ﻟﻴﻚ ﻛﻢ ﺭﺍﺱ ﺑﻬﻴﻤﺔ ﻭﺍﻧﺖ ﺍﺷﺘﻐﻞ ﻓﻴﻬﻦ ﻭﺍﻧﺎ ﺑﺤﺎﺳﺒﻚ .. ﻭﺍﻟﺮﺯﻕ ﻣﻦ ﺭﺑﻨﺎ ﻃﺒﻌﺎ .. ﻭﻧﺤﻦ ﻣﺴﺨﺮﻳﻦ ﻓﻲ ﺍﻻﺭﺽ ﺩﻱ ... ﻭﺍﻧﺎ ﻃﺎﻟﺐ ﺍﻟﻘﺮﺏ ﻣﻨﻚ ﻓﻲ ﺗﻮﺳﻞ ..

ﺍﺗﻔﺎﻫﻤﻮ ﻭﺍﺗﻜﻠﻤﻮ ﻓﻲ ﺍﻟﺸﻐﻞ ﻭﻓﻲ ﺧﻄﻮﺑﺔ ﺗﻮﺳﻞ ... ﻭﻛﺎﻥ ﺷﺎﻳﻞ ﺩﺑﻠﻪ ﻣﻌﺎﻫﻮ ﺍﺩﺍﻫﺎ ﺗﻮﺳﻞ .

ﺳﻠﻤﺎﻥ ﺍﺳﺘﺎﺫﻥ ﺍﻧﻮ ﻣﺎﺷﻲ ﻭﻟﻤﺎ ﻳﺴﻠﻢ ﻟﻜﻞ ﻭﺍﺣﺪ ﻓﻲ ﺍﻳﺪﻭ ﺑﻐﻤﺖ ﻗﺮﻭﺵ ... ﻗﺮﻭﺵ ﺧﻤﺴﻴﻨﺎﺕ ﻻﺍﺍﻓﻪ ﺯﻱ ﺑﻜﺮﺓ ﺍﻟﺨﻴﻂ ... ‏( ﻗﺎﺍﺍﺍﺩﺭ ﺍﻟﻠﻪ ‏) ..

ﺍﻫﺎ ﺳﻠﻤﺎﻥ ﻣﺮﻕ ﻭﻃﻠﻌﻮ ﻣﻌﺎﻫﻮ ﻃﻪ ﻭﺯﻭﺟﺘﻮ ﻭﺗﻮﺳﻞ ﻭﻣﺎﺯﺍﻝ ﺳﻴﺪ ﺍﻟﻨّﺘﻞ ﻳﺼﻮﺭ ﻓﻲ ﺍﻟﻤﺸﻬﺪ ﻭﺣﺎﺍﺍﺍﺭﻗﻮ ﺍﻟﻮﺿﻊ ...

ﺳﻠﻤﻲ : ﻳﺎﺍﻣﻲ ﺍﻧﺘﻮ ﺳﻠﻤﺎﻥ ﺩﺓ ﻗﺪﺭ ﺍﺑﻮﻱ ﺭﺿﻴﺘﻮ ﺑﻴﻬﻮ

ﺗﻮﺳﻞ : ﺍﺧﻴﺮ ﻣﻦ ﺯﻭﻟﻚ ﺍﻟﻘﺪﺭﻙ ﻭﺍﻣﻮ ﺣﺎﺭﻗﻪ ﺣﺸﺎﻙ ﻭﻣﺎﻣﻌﺮﻭﻑ ﻣﺼﻴﺮﻙ ﻣﻌﺎﻫﻮ ﺷﻨﻮ ..

ﻃﻪ ﻗﺎﻋﺪ ﻳﻘﺮﺍ ﻓﻲ ﺟﺮﻳﺪﺓ ﻭﻣﺘﺎﺑﻊ ﺣﺪﻳﺚ ﺑﻨﻴﺎﺗﻮ ...

ﺳﻠﻤﻲ : ﺍﻟﻤﺼﻴﺮ ﺑﻴﺪ ﺭﺑﻨﺎ ﻭﺷﺎﻟﺖ ﺍﻟﻤﻘﺸﻪ ﻭﺑﺪﺕ ﺗﻨﻀﻒ ﻓﻲ ﺍﻟﺤﻮﺵ ...

ﺍﻫﺎ ﺩﻳﻞ ﻳﻼ ﺍﺑﻄﺎﻝ ﺭﻭﺍﻳﺘﻨﺎ ﺍﻟﺒﺘﺪﻭﺭ ﻣﺤﺎﻭﺭﺍ ﺣﻮﻟﻴﻬﻢ ...

‏( ﻧﻴﺮﻭﺯ ﻭﻧﺎﺭﻳﺰ ..... ﺗﻮﺳﻞ ﻭﺳﻠﻤﻲ .... ﻧﺴﺮﻳﻦ .... ﻭﻧﺎﻧﺎ .... ﻭﺳﻠﻮﺍﻥ ‏) ﺑﺎﺳﺘﺜﻨﺎﺀ ﺍﻟﺠﻜﺲ ﻭﺍﻟﺤﺒﺎﻳﺐ ﻻﻧﻮ ﻛﻠﻬﻢ ﻣﺎﺛﺎﺑﺘﻴﻦ . ﻳﻌﻨﻲ ﻓﻴﻬﻢ ﺍﻟﺒﻜﻮﻥ ﺿﻴﻒ ﺷﺮﻑ ﻭﻓﻴﻬﻢ ﺍﻟﺒﻜﻮﻥ ﻟﺰﻗﻪ ﻭﻓﻴﻬﻢ ﺍﻟﺒﻜﻮﻥ ﺳﺒﺐ ﺍﻟﻤﺼﺎﻳﺐ .....

ﻧﺮﺟﻌﻊ ﻟﺒﻴﺖ ﻧﻴﺮﻭﺯ ...

ﻧﻴﺮﻭﺯ ﻗﺎﺍﺍﻋﺪﺓ ﻛﺎﻟﻌﺎﺩﺓ ﻭﺗﻘﻠﺐ ﻓﻲ ﺍﻟﺮﻣﻮﺩ .. ﺗﻠﻔﻮﻧﺎ ﻫﺰﺍ ﺯﺯﺯﺯﺯﺯﺯﺯﺯ ﻭﻳﻨﻮﺭ ﻭﻳﻄﻔﻲ ... ﻭﻣﺤﻲ ﺍﻟﺪﻳﻦ ﺑﺠﻬﺰ ﻟﺴﻔﺮﻳﻪ ﺗﺎﻧﻴﻪ ....

ﺍﻫﺎ ﻧﻴﺮﻭﺯ ﺑﺮﺍﺍﺍﺣﻪ ﺷﺎﻟﺖ ﺍﻟﺘﻠﻔﻮﻥ ﻭﺭﻓﻀﺖ ﺍﻟﻤﻜﺎﻟﻤﻪ ﻭﺧﺘﺘﻮ ﻓﻲ ﺣﺠﺮﻫﺎ ...

ﺍﻣﻬﺎ ﺳﻌﺪﻳﻪ ﻛﺎﻧﺖ ﻓﻲ ﺟﻠﺴﺔ ﺣﺮﻭﻡ ﺍﻟﺼﻨﺪﻭﻕ ﻭﺍﻟﺠﻤﻌﻴﻪ ...

ﻣﺤﻲ : ﻗﻮﻣﻲ ﻳﺎﻧﻴﺮﻭﺯ ﺟﻬﺰﻱ ﻟﻲ ﺣﺎﺟﻪ ﺍﻛﻼ ﻗﺒﻞ ﺍﻃﻠﻊ ..

ﻭﻫﻲ ﺑﺘﻌﺪﻝ ﺷﺒﺸﺐ ﺍﻟﺒﻴﺖ ﻋﺸﺎﻥ ﺗﻤﺸﻲ ﺍﻟﻤﻄﺒﺦ ﻭﺭﺟﻮﻻ ﺩﻳﻞ ﺑﺎﻟﻔﺴﺦ ﺑﻘﻊ ﺑﻘﻊ ﺣﺘﻪ ﺻﻔﺮﺍ ﻭﺣﺘﻪ .. ﺣﻤﺮﺍ ﻭﻋﺮﻭﻗﻪ ﺧﻀﺮﺍﺍﺍﺍ ﻭﺍﻟﻜﻌﻤﺔ ﺍﻟﻤﺴﻤﻴﻪ ﺑﻜﻌﻤﺔ ﺍﻟﺸﻴﻄﺎﻥ ﺩﻱ ﺍﺑﺖ ﺍﺻﻮ ﺍﺻﻮ ﺗﻨﻔﺴﺦ ... ﻭﺍﻟﻤﻨﻜﻴﺮ ﺍﻟﻠﻮﻥ ﺍﻟﻨﺴﻜﺎﻓﻴﻪ ﺍﻫﺎﺍﺍﺍ ﺷﻲ ﻋﺠﻴﺐ ﻏﺎﻳﺘﻮ ... ﻭﻫﻲ ﻣﺎﺷﻪ ﻛﺪﻩ ﻣﺤﻲ ﺍﻟﺪﻳﻦ ﺍﺗﻜﻠﻢ ﻣﻌﺎﻫﺎ ..

ﻣﺤﻲ : ﻭﻫﻮ ﺑﺘﻜﻠﻢ ﺑﻄﺒﻖ ﻓﻲ ﻋﺮﺍﻗﻲ .. ﺍﻧﺘﻲ ﻳﺎﻧﻴﺮﻭﺯ ﺳﻠﻮﺍﻥ ﺩﻱ ﻋﻨﺪﻫﺎ ﺯﻭﻝ ﻓﻲ ﺭﺍﺳﺎ ..

ﻧﻴﺮﻭﺯ : ﺭﺟﻌﺖ ﻭﺭﺑﻌﺖ ﻳﺪﻫﺎ ﻭﺑﻘﺖ ﺗﺘﺮﺍﻗﺺ ﺑﺮﺍﺍﺍﺣﻪ .. ﺯﻱ ﺍﻟﺒﺎﻥ ﺍﻟﺒﺮﻗﺼﻮ ﺍﻟﻬﻮﺍ ...

ﻗﻠﺖ ﻟﻲ ﻛﺪﻩ ﺍﻳﻮﻭﻭﻭﺍﺍﺍﺍﺍﺍﺍﺍ ﻫﻴﻬﻴﻬﻲ . ﺍﻇﻬﺮ ﻭﺑﺎﻥ ﻳﺎﺍﺍﻣﻮﺣﻲ ... ﺍﻫﺎ ﻋﺸﻌﺸﺖ ﻟﻴﻚ ﻓﻲ ﺭﺍﺳﻚ ﻓﻜﺮﺕ ﺍﻣﻲ .. ﻭﺍﻟﻠﻪ ﻃﻠﻊ ﻟﻴﻚ ﺣﺲ ﻳﺎﺍﺑﻮ ﺍﻟﻬﻮﻝ .. ﻭﻛﺎﻟﻌﺎﺩﺓ ﺗﺘﻢ ﺍﻟﻜﻼﻡ ﺑﺼﻔﻘﻪ ﻏﺠﺮﻳﻪ ﻛﺪﻩ ...

ﻣﺤﻲ : ﺷﺎﻝ ﺍﻟﻌﺮﺍﻗﻲ ﻭﺧﺒﻄﻚ ﺧﺒﻄﻚ ﻓﻲ ﺭﺍﺱ ﻧﻴﺮﻭﺯ : ﻫﻮﻱ ﻫﻮﻱ ﺍﺗﻌﺪﻟﻲ ﻳﺎﺑﺖ ﻭﺳﻴﺒﻲ ﺍﻟﻤﺴﺨﺮﺓ ﺩﻱ ﺍﻣﺸﻲ ﺍﻣﺸﻲ ﺍﻧﻘﻠﻌﻲ ﺟﻴﺒﻲ ﻟﻲ ﺯﺍﺩ .. ﻭﺍﻗﻔﻠﻲ ﺍﻟﺴﻴﺮﺓ ﺩﻱ ...

ﻧﻴﺮﻭﺯ : ﺷﺎﻟﺖ ﺗﻠﻔﻮﻧﺎ ﻭﺑﻘﺖ ﺗﺘﻜﻠﻢ ﺑﺪﻭﻥ ﺍﺗﺼﺎﻝ ﻳﻌﻨﻲ ﺣﺮﻛﻪ ﻭﻫﻤﻴﻪ ﻛﺪﻩ ... ﺍﻫﺎ ﻳﺎﻟﻮﻟﻮ‏( ﺳﻠﻮﺍﻥ ‏) ﺍﺧﺒﺎﺭﻙ ﻣﺎﻋﻨﺪﻙ ﺟﻴﻪ ﻫﻨﺎ ﻗﺒﻞ ﺍﻟﺸﻤﺲ ﺗﻐﻴﺐ ﻭﺗﺴﺎﻓﺮﺭ .. ﻭﺗﺎﺍﻧﻲ ﻣﺤﻲ ﺍﻟﺪﻳﻦ ﻫﻤﺎ ﻭﻋﺎﻳﺰ ﻳﺨﺒﻄﺎ ﺟﺮﺕ ﻧﻴﺮﻭﺯ ﻋﻠﻲ ﺍﻟﻤﻄﺒﺦ ﻭﻫﻲ ﺑﺘﻀﺤﻚ ﺿﺤﻚ ﻣﺎﺍﺍﻳﻊ ...

ﺭﺟﻌﺖ ﺳﻌﺪﻳﻪ ﻭﻟﻘﺖ ﻣﺤﻲ ﺑﻴﺎﻛﻞ ...

ﺳﻌﺪﻳﻪ : ﺍﻫﺎ ﻭﻟﻴﺪﻱ ﺑﻘﻴﺖ ﻋﻠﻲ ﺳﻔﺮ ...

ﻣﺤﻲ : ﺍﻱ ﻳﻤﺔ ﺍﺩﻳﻨﻲ ﺭﺿﺎﻙ ﻗﺪﺍﻣﻲ ﺳﻔﺮ ..

ﺳﻌﺪﻳﻪ : ﻋﺎﻓﻴﻪ ﻣﻨﻚ ﻭﺭﺍﺿﻴﻪ ﻋﻨﻚ ﻳﺎﺟﻨﺎﻳﺎ ..

ﻣﺤﻲ : ﻳﻤﺔ ﺍﻧﺎ ﺧﻼﺹ ﺑﻘﻴﺖ ﻋﻠﻲ ﺳﻠﻮﺍﻥ ﺍﻣﺸﻲ ﻗﺪﻣﻲ ﺍﻟﺨﻴﺮ ﻻﻣﻬﺎ ﻭﺍﺑﻮﻫﺎ ﺍﻥ ﻭﺍﻓﻘﻮ ﺍﺗﺼﻠﻲ ﻟﻲ ﺑﺮﺟﻊ ﻭﻣﻌﺎﻱ ﺣﺎﺟﺎﺕ ﺍﻟﺨﻄﻮﺑﻪ ﻭﻧﻤﺶ ﻋﻠﻴﻬﻢ ...

ﺳﻌﺪﻳﻪ ... ﺟﻠﺠﻠﺖ ﺍﻟﺰﻏﺎﺭﻳﺪ ﺑﺼﻮﺕ ﻓﺮﺡٍٍّ ... ﻻﺗﻘﻄﻌﻪ ﺍﻧﻔﺎﺱ ﻣﺘﻌﺒﻪ ...

ﺟﺎﺕ ﺟﺎﺭﻳﻪ ﻧﻴﺮﻭﺯ ﻭﺷﺎﺍﺍﻟﺖ ﻣﻊ ﺍﻣﻬﺎ ﺍﻟﺰﻏﺮﻭﺩﻩ ﻭﺍﻛﺘﻤﻠﺖ ﺍﻟﺴﻤﻔﻮﻧﻴﻪ ﺑﺼﻮﺕ ﻋﺬﺏ ﺷﺠﻲ ...

ﻧﺎﺭﻳﺰ ﻭﻫﻲ ﻓﻲ ﺍﻟﺸﺎﺭﻉ ﺳﻤﻌﺖ ﺻﻮﺕ ﺍﻟﺰﻏﺎﺭﻳﺪ ﻭﺍﺗﻠﻔﺘﺖ ﺟﺎﻱ ﻭﺟﺎﻱ ﻟﻘﺖ ﻣﺼﺪﺭ ﺍﻟﺰﻏﺎﺭﻳﺪ ﻣﻦ ﺑﻴﺘﻢ ... ﻣﺴﻜﺖ ﺍﻟﺸﻨﻄﻪ ﻋﻠﻴﻬﺎ ﻗﻮﻱ ﻭﺟﺮﺕ ﻟﺤﺪ ﻣﺎﻓﺘﺤﺖ ﺍﻟﺒﺎﺏ ...

ﻓﻲ ﺷﻨﻮ ﻓﻲ ﺷﻨﻮ ﻋﻼﺀ ﺟﺎ ﻭﻻ ﺷﻨﻮ ...

ﺳﻌﺪﻳﻪ : ﻋﻘﺒﺎﻝ ﻟﺠﻴﺔ ﻋﻼ ﻭﻋﺮﺳﻮ ... ﻣﺤﻲ ﻋﺎﻳﺰ ﻳﺨﺘﺐ ..

ﻧﺎﺭﻳﺰ ?: ﺩﻧﻘﺮﺕ ﻭﻗﺎﻟﺖ ﻣﺒﺮﻭﻙ ﺑﻨﺒﺮﺓ ﺑﺎﺍﺍﻫﺘﻪ ﻭﻣﺴﻴﻴﻴﺨﺔ ﻛﺪﻱ ....

ﻣﺸﻲ ﻋﻠﻴﻬﺎ ﻣﺤﻲ ﺍﻟﺪﻳﻦ ﻭﺿﻤﺎﻫﺎ ﻋﻠﻴﻬﻮ ﻭﺑﺎﺳﺎ ﻓﻲ ﺭﺍﺳﺎ ...

ﻧﺎﺭﻳﺰ ﺣﻀﻨﺘﻮ ﻗﻮﻱ ﻭﺑﻘﺖ ﺗﺰﻏﺮﺩ ﺷﺪﻳﺪ ...

ﻣﺤﻲ : ﻳﻀﺤﻚ ﻭﻫﻮ ﺧﺎﺗﻲ ﺭﺍﺳﺎ ﻓﻲ ﻛﺘﻔﻮ ...

ﻃﺒﻊ ﺍﻻﺧﺖ ﺣﻨﻴﻨﻪ ﻭﻃﻴﺒﻪ ﻣﻬﻤﺎ ﺍﻻﺧﻮ ﻛﺎﻥ ﻗﺎﺳﻲ ﻭﺑﻤﺪ

ﻳﺪﻭ ... ﻟﻜﻦ ﺍﻻﺧﺖ ﻣﺎﺑﺘﺮﺿﻲ ﻓﻲ ﺍﺧﻮﻫﺎ ﻋﻮﺟﻪ .. ﻭﺑﺘﻔﺮﺡ ﻟﻴﻬﻮ ﺑﺎﻟﺴﻤﺢ .... ﺑﺲ ﺍﻻ ﺍﻟﻘﻨﺪﻓﻪ ﺑﺘﺨﻠﻲ ﺍﻟﺒﺖ ﺷﻮﻭﻭﻳﻪ ﻣﺪﺓ ﺭﺍﺳﺎ ﻗﻮﻳﻪ ... ﻟﻜﻦ ﺍﻥ ﺭﺟﻌﺖ ﻟﻠﺨﻮﻑ ﺑﺘﻠﻘﺎﻫﺎ ﺑﺘﻌﻤﻞ ﻟﻴﻬﻮ ﺣﺴﺎﺏ ﻭﺑﺘﻘﺪﺭﻭ ...

ﻧﻴﺮﻭﺯ ﻭﻧﺎﺭﻳﺰ ﺑﺪﻭ ﻳﺨﻄﻄﻮ ﻟﻌﺮﺱ ﻣﺤﻲ ﺍﻟﺪﻳﻦ .. ﻧﻌﻤﻞ ﻭﻧﺴﻮﻱ ﻭﻧﻌﻤﻞ . ﻭﻫﻢ ﻋﻠﻲ ﺛﻘﻪ ﺑﺎﻧﻮ ﺍﻫﻞ ﺳﻠﻮﺍﻥ ﺣﻴﻮﺍﻓﻘﻮ ...

ﻳﺘﺒﻊ