# هوس البنوت

هوس البنوت 5

Attrife:

#هــــوس_البنــــوت_5

ﻣﺪﺛﺮ ﺑﺤﺐ ﻧﺎﺭﻳﺰ ﺷﺪﻳﺪ ﺑﺲ ﻧﺎﺭﻳﺰ ﻣﺎﻣﻜﺘﻔﻴﻪ ﺑﻴﻬﻮ .. ﻋﻨﺪﻫﺎ ﻋﻼﻗﺎﺕ ﻣﺘﻌﺪﺩﺓ ﻭﻛﻠﻬﺎ ﻟﻤﺼﻠﺤﺔ ..

ﻧﺎﺭﻳﺰ ﺭﺟﻌﺖ ﺍﻟﺒﻴﺖ ﺩﺧﻠﺖ ﺍﻟﻤﻄﺒﺦ ﺑﺘﻔﺘﺶ ﻓﻲ ﺣﺎﺟﻪ ﺗﺎﻛﻼ ﺍﺗﺼﻞ ﻋﻠﻴﻬﺎ ﻣﻨﺼﻮﺭ ﺍﻟﺸﺎﺏ ﺍﻟﻮﺟﻴﻪ ﺍﻟﺠﻼﺑﻲ ... ﺑﺘﺘﻜﻠﻢ ﻣﻌﺎﻫﻮ ﻭﻫﻲ ﺑﺘﻔﺘﺢ ﻓﻲ ﺍﻟﺤﻠﻞ ﻭﺗﻔﺘﺶ ﺍﻛﻞ .. ﻭﻣﻐﻴﺮﺓ ﻧﺒﺮﺓ ﺻﻮﺗﺎ ﺧﺎﻟﺺ .. ﻣﺎﻋﻨﺪﻫﺎ ﻣﻌﻠﻮﻣﺔ ﺑﻮﺻﻮﻝ ﻣﺤﻲ ﺍﻟﺪﻳﻦ ﺍﺧﻮﻫﺎ ..

ﺩﺧﻞ ﻣﺤﻲ ﺍﻟﺪﻳﻦ ﻭﻃﻮﺍﻟﻲ ﺟﺮﺍﻫﺎ ﻣﻦ ﻃﺮﺣﺘﺎ ﻭﺍﻟﺘﻠﻔﻮﻥ ﻭﻗﻊ ﺻﺮﺧﺖ ﻧﺎﺭﻳﺰ ﻻﻧﻬﺎ ﺍﺗﻬﺠﻤﺖ ﻭﻭﻗﻔﺖ ﻣﺠﻤﺪﺓ ﻓﻲ ﻣﻜﺎﻧﺎ .

ﻣﺤﻲ : ﺍﻧﺘﻲ ﻣﺎﺣﺘﺴﻴﺒﻲ ﻗﻠﺔ ﺍﺩﺑﻚ ﺩﻱ . ﺧﺴﺎﺭﺓ ﻓﻴﻚ ﺩﻡ ﻗﻠﺒﻨﺎ ﺍﻟﻄﺎﻓﺤﻨﻮ ﻋﺸﺎﻧﻚ .. ﻣﺤﻲ ﺍﻟﺪﻳﻦ ﻓﻜﻔﻚ ﺍﻟﺘﻠﻔﻮﻥ ﻭﺭﻣﺎﻫﻮ ﻓﻲ ﺍﻻﺭﺽ ﻭﺟﺎﺏ ﺍﻳﺪ ﺍﻟﻬﻮﻥ ﻭﻗﻌﺪ ﻛﺴﺮﻭ ﺣﺘﺔ ﺣﺘﺔ .. ﺍﻟﺸﺮﻳﺤﺔ ﻭﺍﻗﻌﻪ ﺟﻤﺐ ﺍﻣﺒﻮﺑﺔ ﺍﻟﻐﺎﺯ ..

ﺟﺎﺕ ﺟﺎﺭﻳﻪ ﻧﻴﺮﻭﺯ ﻭﺍﻣﻬﺎ ﻭﺑﺪﻭ ﻳﻬﺪﻭ ﻓﻲ ﻣﺤﻲ ﺑﻌﺪ ﻣﺎﺿﺮﺏ ﻧﺎﺭﻳﺰ ..

ﻧﻴﺮﻭﺯ ﻋﻴﻨﺎ ﻭﻗﻌﺖ ﻋﻠﻲ ﺍﻟﺸﺮﻳﺤﻪ ﺑﺮﺍﺍﺍﺣﻪ ﺑﻄﺮﻑ ﺍﺻﺒﻊ ﺭﺟﻠﻬﺎ ﺩﺧﻠﺖ ﺍﻟﺸﺮﻳﺤﺔ ﺗﺤﺖ ﺍﻻﻣﺒﻮﺑﻪ .. ﺭﻓﻌﺖ ﻧﺎﺭﻳﺰ ﻣﻦ ﺍﻻﺭﺽ ﻭﺩﺧﻠﺘﺎ ﺍﻟﻐﺮﻓﻪ ..

ﻧﻴﺮﻭﺯ : ﺍﻟﻤﻔﺮﻭﺽ ﻳﺎﺣﻤﺎﺭﺓ ﺍﻧﺘﻲ ﺗﺘﺎﻛﺪﻱ ﻣﻦ ﻭﺟﻮﺩ ﺍﻟﻤﺘﻌﻘﺪ ﺩﺓ ﻭﺗﺘﻜﻠﻤﻲ ..

ﻧﺎﺭﻳﺰ : ﻗﻮﻣﻲ ﻣﻦ ﺟﻤﺒﻲ ﺳﺮﻳﻊ ﻳﺎﻧﻴﺮﻭﺯ ﻣﺎﺗﺰﻳﺪﻧﻲ ﻋﻠﻴﻚ ﺍﻟﻠﻪ ﻣﺎﻧﺎﻗﺼﺎﻙ ﺍﻧﺎ .. ﻗﻮﻭﻭﻣﻲ ﻳﺎﺥ ﺍﻟﻠﻪ ﻳﺎﺧﺪﻧﻲ ﻭﻳﺮﻳﺤﻨﻲ ﻣﻨﻜﻢ .. ﻭﺟﺮﺕ ﺍﻟﻤﻼﻳﻪ ﻭﺍﺗﻐﻄﺖ ..

ﺟﺎ ﺩﺍﺧﻞ ﻣﺤﻲ ﻭﻭﺭﺍﻫﻮ ﺍﻣﻪ ﺳﻌﺪﻳﻪ ..

ﻣﺤﻲ : ﺍﺳﻤﻌﻮ ﻫﻨﺎ ﺍﻧﺘﻮ ﺍﻻﺗﻨﻴﻦ ﻣﺴﺨﺮﺓ ﻭﻛﻼﻡ ﻓﺎﺿﻲ ﻣﺎﻋﺎﻳﺰﻭ ﻓﻲ ﺍﻟﺒﻴﺖ ﺩﺓ ﻟﺤﺪ ﻣﺎﺗﺘﺰﻭﺟﻮ ﻭﺗﻄﻠﻌﻮ

ﻧﻴﺮﻭﺯ : ﺍﻧﺖ .... ﻭﻗﺒﻞ ﺗﺘﻢ ﻛﻼﻣﺎ ﺟﺎﺕ ﻋﻠﻴﻬﺎ ﺍﻣﻬﺎ ﻭﻗﺎﻟﺖ ﻟﻴﻬﺎ : ﺍﺳﻜﺘﻲ ﺍﻧﺘﻲ ﻳﺎﺳﻠﻴﻄﻪ ﻭﺍﻗﻔﻠﻲ ﺧﺸﻤﻚ ... ﺧﻼﺹ ﻳﺎﻣﺤﻲ ﺣﺼﻞ ﺧﻴﺮ ﻫﺪﻱ ﺑﺎﻟﻚ ﻭﺗﻌﺎﻝ ﺍﻣﺸﻲ ﻣﻌﺎﻱ ﻧﻔﺤﺺ ﺍﻟﺴﻜﺮﻱ ﺍﻧﺎ ﻣﻦ ﺍﻣﺲ ﺣﺎﺳﺔ ﺑﻔﺘﻮﺭ ﺷﺪﻳﺪ ..

ﻃﻠﻌﻮ ﻣﺤﻲ ﻭﺍﻣﻪ ﺳﻌﺪﻳﻪ ..

ﻧﻴﺮﻭﺯ : ﻫﻲ ﺑﻄﻠﻲ ﻋﺒﺎﻃﻪ ﻭﺗﺨﻠﻒ ﺍﻫﻮ ﻣﺤﻲ ﺣﻴﻌﺮﺱ ﻭﻧﺮﺗﺎﺡ ﻣﻨﻮ ﺯﺍﺗﻮ .. ﻧﺎﺧﺪ ﺭﺍﺣﺘﻨﺎ ..

ﻧﺎﺭﻳﺰ : ﻓﺘﺤﺖ ﺍﻟﻤﻼﻳﻪ ﻣﻦ ﻭﺷﻬﺎ ﻭﻫﻲ ﺑﺘﺒﻜﻲ .. ﻭﺩﻱ ﻣﻨﻮ ﺍﻟﺒﺘﻌﺮﺱ ﺍﻟﻜﺮﻳﻪ ﺩﻩ ﺍﻻ ﺍﻥ ﻛﺎﻥ ﺑﺎﻳﺮﺓ

ﻧﻴﺮﻭﺯ : ﻳﺎﺣﻠﻴﻠﻚ ﺍﻧﺘﻲ .. ﺳﻠﻮﺍﻥ ﻳﺨﺘﻲ ﺍﻟﺤﺘﻜﻮﻥ ﻋﺮﻭﺳﺘﻮ ﺍﺫﺍ ﺍﻫﻼ ﻭﺍﻓﻘﻮ ..

ﻧﺎﺭﻳﺰ : ﻗﺎﻣﺖ ﻗﻌﺪﺕ ﻋﻠﻲ ﺣﻴﻼ .. ﻛﻴﻒ ﻳﻌﻨﻲ .. ﻭﻣﻦ ﺑﺘﻴﻦ ﺩﺓ .. ﺍﺧﺮ ﻣﻦ ﻳﻌﻠﻢ ﺍﻧﺎ .. ﻭﺍﻟﻠﻪ ﺧﺴﺎﺭﺓ ﻓﻴﻬﻮ ..

ﻧﻴﺮﻭﺯ : ﻛﺪﺓ ﺧﻠﻲ ﻛﻼﻡ ﺍﻟﺤﺮﻗﻪ ﻭﺍﻟﻐﻀﺐ ﺩﺓ ﻭﻗﻮﻟﻲ ﻟﻲ ﻣﺪﺛﺮ ﻭﻳﻨﻮ ﻣﺎﺑﺘﺠﻴﺒﻲ ﺳﻴﺮﺗﻮ .. ﻭﺩﺓ ﻣﻨﻮ ﺍﻟﻜﺘﺘﻲ ﺧﺎﻟﻄﺎﻫﻮ ..

ﻧﺎﺭﻳﺰ : ﻫﻲ ﻫﻲ ﻳﺎﻣﺘﺨﻠﻔﻪ ﻣﺎﺗﺼﺎﺣﺒﻴﻨﻲ .. ﺍﻧﺎ ﺟﻨﻴﺖ ﺍﺣﻜﻲ ﻟﻴﻜﻲ ﻳﺎﻓﺘﺎﻧﻪ ﺍﻧﺘﻲ .. ﺑﻜﺮﺓ ﺍﻗﻞ ﻧﻘﺎﺵ ﻣﻌﺎﻛﻲ ﺗﺸﺘﻤﻴﻨﻲ ﺑﻴﻬﻮ ﺟﻤﺐ ﺍﻣﻲ .. ﻭﺭﺟﻌﺖ ﺍﺗﻐﻄﺖ ..

ﻧﻴﺮﻭﺯ : ﻗﺎﻣﺖ ﻭﻫﻲ ﺑﺘﺼﻔﻖ ﺑﺎﻳﺪﺍ ?? ﺍﺳﻢ ﺍﻟﻠﻪ ﻋﻠﻴﻜﻲ ﻳﺎ ﺍﻟﺤﺎﻓﻈﺔ ﺍﺳﺮﺍﺭﻱ .. ﺍﻧﺘﻲ ﺯﺍﺍﺍﺗﻚ ﺑﺘﺴﺘﻘﻠﻴﻨﻲ ﻭﺗﻄﻌﻨﻲ ﺑﻲ ﻗﺪﺍﻡ ﺍﻣﻲ .. ﻭﺍﻫﺎ ﺍﻭﺭﻳﻚ ﺷﺮﻳﺤﺘﻚ ﻣﻌﺎﻱ .. ﻟﻜﻦ ﺍﻥ ﻃﺮﺗﻲ ﺍﻟﺴﻤﺎ ﻣﺎﺑﺪﻳﻬﺎ ﻟﻴﻜﻲ ﺍﺗﻔﻮﻭﻭ ﻋﻠﻴﻜﻲ ﻭﺗﺴﺘﺎﻫﻠﻲ ﻣﺤﻲ ﻳﻜﺘﻠﻚ ﺯﺍﺗﻮ .. ﻭﻃﻠﻌﺖ ﻭﻟﺴﻪ ﺗﺮﺩﺡ

ﻧﺎﺭﻳﺰ : ﻗﺎﻣﺖ ﻭﺟﺮﺕ ﻣﺴﻜﺘﺎ .. ﻋﻠﻴﻜﻲ ﺍﻟﻠﻪ ﺍﺩﻳﻬﺎ ﻟﻲ ﺑﺪﻳﻚ ﻛﺮﺕ ﺍﺭﻳﺒﺎ ﺑﺠﻨﻴﻬﻴﻦ ..

ﻧﻴﺮﻭﺯ : ﺟﻨﻴﻬﻴﻦ ﻳﺎﺟﻌﺎﻧﻪ .. ﺍﻧﺎ ﺣﺴﻲ ﺷﻔﺖ ﺷﻨﺘﻄﻚ ﻟﻘﻴﺖ ﻓﻴﻬﺎ ﺧﻤﺴﻴﻨﺎﺕ ﺳﺎﺍﺍﺍﻱ ﺑﻘﺮﺓ ﻭﺭﺍ ﺑﻘﺮﺍ .. ﻭﻏﻴﺮﺓ ﺑﻘﺮﺓ ﻣﺎﺑﺪﻳﻚ ﺷﺮﻳﺤﺘﻚ ..

ﻧﺎﺭﻳﺰ : ﻫﻲ ﻃﻴﺮﻱ ﻣﻦ ﺟﻤﺒﻲ .. ﺑﻜﺮﺓ ﺑﻄﻠﻊ ﻭﺣﺪﺓ ﺟﺪﻳﺪﺓ ﺑﺨﻤﺴﻪ ﺟﻨﻴﻪ ﻭﺍﻧﺘﻬﻲ ﺍﻟﺒﻴﺎﻥ ..

ﻧﻴﺮﻭﺯ : ﻫﺎﻫﺎﻫﺎﻫﺎ ﻟﻤﺎ ﺍﺩﻳﻚ ﺍﻟﺠﻨﺴﻴﻪ ﺣﻘﺘﻲ ﺍﺑﻘﻲ ﺍﻣﺸﻲ .. ﻧﺴﻴﺘﻲ ﺷﺮﻳﺤﺘﻚ ﺑﺎﺳﻤﻲ ... ﻭﺩﻩ ﻏﻴﺮ ﺍﻻﺭﻗﺎﻡ ﺍﻻﻧﺘﻲ ﺣﺎﺷﺮﺍﻫﺎ ﻓﻲ ﺍﻟﺸﺮﻳﺤﺔ ﺣﺘﻀﻴﻊ ﻣﻨﻚ .. ﺍﻫﺎ ﺑﻘﺮﺓ ﻭﻻ ﻛﻴﻒ ???

ﻧﺎﺭﻳﺰ : ﺍﻧﺘﻲ ﺍﺷﻄﺮ ﻣﻦ ﺍﻟﻤﺎﻓﻴﺎ ... ﺍﻱ ﺍﺻﻄﺎﺩﻱ ﻓﻲ ﺍﻟﻤﻮﻳﻪ ﺍﻟﻌﻜﺮﺓ ﻭﺍﺳﺘﻘﻠﻴﻨﻲ ﻛﺪﺓ ..

ﻧﺠﻲ ﺑﺠﺎﻧﺐ ...

ﺳﻠﻤﻲ ﻭﺗﻮﺳﻞ ????..

ﺩﻳﻞ ﺍﺧﻮﺍﺕ ﺳﺎﻛﻨﻴﻦ ﻓﻲ ﺍﻟﺤﻠﻪ ﺍﻟﺒﻴﻦ ﻧﻴﺮﻭﺯ ﻭﻧﺎﻧﺎ ﻭﺻﺪﻳﻘﺎﺕ ﻧﺎﻧﺎ ﻭﻧﻴﺮﻭﺯ ﻭﺳﻠﻮﺍﻥ .. ﺑﺘﻠﻤﻬﻢ ﺩﺍﻳﻤﺎ ﺍﻟﻤﻨﺎﺳﺒﺎﺕ ﻭ ﺍﻻﻋﻴﺎﺩ ..

ﺍﻣﻬﻢ ﺍﻟﻨﻮﻉ ﺍﻟﺒﻮﻟﺪ ﻣﺎﺷﺎﺀ ﺍﻟﻠﻪ ﻭﺭﺍ ﺑﻌﺾ ﻳﻌﻨﻲ ﺑﻴﻦ ﻃﻔﻞ ﻭﻃﻔﻞ ﻣﺎﻑ ﻓﺎﺭﻕ ﺳﻦ ﻛﺘﻴﺮ .. ﺍﻟﺒﻴﺖ ﻣﻼﻥ ﻣﺎﺷﺎﺀﺍﻟﻠﻪ . ﻭﺣﺴﻲ ﺍﻻﻡ ﺣﺎﻣﻞ ﺗﺎﻧﻲ ... ﺳﻠﻤﻲ ﺍﻛﺒﺮ ﻣﻦ ﺗﻮﺳﻞ .. ﺳﻠﻤﻲ ﺍﺗﺨﺮﺟﺖ ﻭﺗﻮﺳﻞ ﻟﺴﻪ ﺑﺘﻘﺮﺍ .. ﺍﺑﻮﻫﻢ ﺷﻐﺎﻝ ﺍﻋﻤﺎﻝ ﺣﺮﺓ ﻳﻮﻡ ﻛﺪﺓ ﻭﻳﻮﻡ ﻛﺪﺓ ﺯﻭﻝ ﻣﺴﻜﻴﻦ ﺷﺪﻳﺪ .. ﺳﻠﻤﻲ ﺩﻱ ﺷﻮﻳﻪ ﻛﺪﺓ ﻣﺴﻜﻴﻨﻪ ﺑﺲ ﺗﻮﺳﻞ ﺷﺪﻳﻴﻴﻴﺪﺓ ﻭﻣﻔﺘﺘﺘﺤﻪ ..

ﺳﻠﻤﻲ : ﺣﺴﻲ ﻳﺎﺗﻮﺳﻞ ﻻﺧﺪﻣﺔ ﻻﺷﻐﻠﻪ ﺑﺲ ﺗﺮﻗﺪﻱ ﻭﻣﻮﺻﻠﻪ ﺳﻤﺎﻋﺔ ﺍﻟﺒﻠﻮﺗﺚ ﻭﺷﻐﺎﻟﻪ ﺑﺘﻠﻔﻮﻧﻴﻦ ﻭﺍﻟﺸﻔﻊ ﺟﻌﺎﻧﻴﻦ ﻛﺪﺓ ..

ﺗﻮﺳﻞ : ﻋﺎﻳﺰﺍﻧﻲ ﺍﻋﻤﻞ ﺷﻨﻮ ﻳﻌﻨﻲ .. ﺍﻧﻀﻒ ﺑﺠﺎﻱ ﻭﺍﺧﻮﺍﻧﻚ ﺩﻳﻞ ﻣﺎﺧﺎﻟﻴﻦ ﻋﻠﺒﺔ ﺻﻠﺼﻪ ﻭﻻ ﺳﻔﻨﺠﺔ ﻣﻘﻄﻮﻋﻪ ﻓﻲ ﺍﻟﺸﺎﺭﻉ ﻣﺎﺟﺎﺑﻮﻫﺎ ﻓﻲ ﺍﻟﺤﻮﺵ ..

ﺳﻠﻤﻲ : ﻗﻮﻣﻲ ﺍﻋﻤﻠﻲ ﺳﻠﻄﺔ ﺍﺳﻮﺩ ﺑﺰﺑﺎﺩﻱ ﺍﻧﺎ ﻣﺎﺷﻪ ﺍﺟﻴﺐ ﺣﺎﺟﺎﺕ ﻣﻦ ﺍﻟﺪﻛﺎﻥ ..

ﺗﻮﺳﻞ : ﺯﻳﺖ ﻣﺎﻑ ﻭﺗﻮﻡ ﻣﺎﻑ ﺍﻫﺎ ﻭﺍﻟﺴﻠﻄﻪ ﻏﻴﺮ ﺩﻳﻞ ﻣﺎﺑﺘﺘﻌﻤﻞ ..

ﺳﻠﻤﻲ : ﺑﺠﻴﺒﻢ ﺍﻧﺎ ﺩﻱ ﻗﻮﻣﻲ ﻳﺎﺥ ﺍﻣﻲ ﺗﻌﺒﺎﻧﻪ ﻣﻊ ﺣﻤﻮﺩﻱ ﺍﺧﻮﻱ ﻋﻨﺪﻭ ﺣﻤﻪ ..

ﻣﺸﺖ ﺳﻠﻤﻲ ﻋﻠﻲ ﺍﻟﺒﻘﺎﻟﻪ ﺍﻟﺠﻤﺐ ﺑﻴﺘﻢ ﺻﺎﺣﺐ ﺍﻟﺒﻘﺎﻟﻪ ﺍﺳﻤﻮ ﺳﻴﺪ ..

ﺳﻠﻤﻲ : ﻛﻴﻔﻚ ﺳﻴﺪ ﺍﺩﻳﻨﻲ ﺭﻃﻞ ﺯﻳﺖ ﻭﺗﻮﻡ ﻭﻛﻴﺴﻴﻦ ﻋﻴﺶ ﻭﺭﻃﻠﻴﻦ ﺳﻜﺮ ﻭﻛﻴﺲ ﻟﺒﻦ ﺑﻮﺩﺭﺓ ﻭﺻﺎﺑﻮﻧﻪ ..

ﺳﻴﺪ : ﺍﻫﺎ ﻭﻳﻨﻦ ﻗﺮﻳﺸﺎﺗﻚ ..

ﺳﻠﻤﻲ : ﺍﻟﻠﻪ ﻛﺮﻳﻢ ﺑﺲ ﺍﻛﺘﺒﻦ ﻓﻲ ﺍﻟﺪﻓﺘﺮ ..

ﺳﻴﺪ : ﺍﻫﺎ ﻣﺎﺍﺗﻜﻠﻤﺘﻲ ﻟﻲ ﻣﻊ ﺗﻮﺳﻞ ﺍﺧﺘﻚ ﺍﻧﻲ ﻋﺎﻳﺰ ﺍﺗﺰﻭﺟﺎ ..

ﺳﻠﻤﻲ : ﺳﻴﺪ ﺍﻧﺖ ﻋﻨﺪﻙ ﺍﻃﻔﺎﻝ ﻭﺯﻭﺟﺔ ﻣﻨﺘﻈﺮﻧﻚ ﻓﻲ ﺍﻟﺒﻠﺪ ﺍﻟﻨﺎﻗﺼﻚ ﺷﻨﻮ ﺗﺘﺰﻭﺝ ..

ﺳﻴﺪ : ﻣﺮﺗﻲ ﺑﻄﻠﻘﺎ

ﺳﻠﻤﻲ : ﻻﻻﻻﻻ ﻛﻴﻒ ﻳﻌﻨﻲ ﺣﺮﺍﻡ ﻋﻠﻴﻚ ﻭﺍﻟﺸﻔﻊ ﺯﻧﺒﻬﻢ ﺷﻨﻮ .. ﻭﺑﻌﺪﻳﻦ ﻭﺍﻟﻠﻪ ﻣﺎﺑﺒﻨﻲ ﺳﻌﺎﺩﺓ ﺍﺧﺘﻲ ﻓﻮﻕ ﺧﺮﺍﺏ ﺍﻧﺴﺎﻧﻪ ﻣﺴﻜﻴﻨﻪ .. ﺭﺑﻨﺎ ﻣﺎﺑﺮﺿﻲ ﺍﻟﻈﻠﻢ .. ﻭﺷﺎﻟﺖ ﺍﻟﺤﺎﺟﺎﺕ ﻭﺩﺧﻠﺖ ..

ﺳﻠﻤﻲ ﺩﻱ ﻋﻨﺪﻫﺎ ﺯﻭﻝ ﺑﺤﺒﻬﺎ ﺷﺪﻳﺪ ﻭﻟﻤﺎ ﺟﺎ ﻳﺘﻘﺪﻡ ﻟﻴﻬﺎ ﺍﻡ ﺍﻟﻮﻟﺪ ﺩﺓ ﻣﻔﺘﺮﻳﻪ ﺷﺪﻳﺪ ﻣﺎﻋﺠﺒﺘﺎ ﻇﺮﻭﻑ ﺳﻠﻤﻲ ﻭﺑﻴﺘﻢ .. ﻓﻤﺎ ﻛﺎﻧﺖ ﻣﻮﺍﻓﻘﻪ ﺑﻴﻬﺎ .. ﻭﻟﻜﻦ ﺍﻟﻮﻟﺪ ﺧﻄﺒﺎ ﻭﺳﺎﻓﺮ ﺍﻟﺸﻤﺎﻟﻴﻪ ﻳﺸﺘﻐﻞ ﻓﻲ ﺷﻐﻞ ﻣﻊ ﺧﺎﻟﻮ ..

ﺍﻫﺎ ﺳﻠﻤﻲ ﺩﻱ ﻛﻞ ﻳﻮﻡ ﺭﺍﺟﻴﻪ ﺧﻄﻴﺒﺎ ﺩﻩ ﻳﺠﻬﺰ ﻟﻠﻌﺮﺱ ﻭﻛﻞ ﻳﻮﻡ ﺑﺘﻮﺍﺟﻪ ﺍﻧﺘﻘﺎﺩﺍﺕ ﻣﻦ ﺍﻫﻞ ﺍﻟﺤﻲ ﺍﻧﻮ ﺍﻡ ﺍﻟﻮﻟﺪ ﻣﺎﻋﺎﻳﺰﺍﻫﺎ ..

ﺩﺧﻠﺖ ﺳﻠﻤﻲ ﺍﻟﺒﻴﺖ ﻭﻫﻲ ﺑﺘﻘﻠﻊ ﺍﻟﺘﻮﺏ .. ﻳﺎﺍﻣﻲ ﺳﻴﺪ ﺩﺓ ﻣﺎﻃﺒﻴﻌﻲ ﻣﻦ ﺍﺧﺶ ﺍﻟﺪﻛﺎﻥ ﻳﻜﺮﻫﻨﻲ ﺑﺘﻮﺳﻞ ..

ﺗﻮﺳﻞ : ﻣﻨﻮ ﻣﻨﻮ ﺳﻴﺪ ﺍﺏ ﺳﻨﻮﻥ ﺻﻔﺮ .. ﻳﺤﻠﻢ ﻭﺍﻟﻠﻪ ﻛﺪﺓ ﻳﻔﺘﺢ ﺧﺸﻤﻮ ﺩﻩ ﺗﺎﻧﻲ ..

ﺳﻠﻤﻲ : ﻟﻤﻲ ﺧﺸﻤﻚ ﻋﻠﻴﻚ ﻣﺎﻑ ﺩﻛﺎﻥ ﻏﻴﺮﻭ ﺑﺴﻠﻔﻨﺎ ﺍﺣﺘﻴﺎﺟﺎﺗﻨﺎ ... ﻳﺎﻭﺩ ﻳﺎ ﺍﺑﺮﺍﻫﻴﻢ ﺍﻧﺰﻝ ﻣﻦ ﺍﻟﺤﻴﻄﻪ ﺩﻱ ﺑﺠﻴﻚ ﺑﺎﻟﺴﻴﺮ ﺣﺴﻲ ﺍﺩﻗﻚ .. ﻭﺩﺧﻠﺖ ﺍﻟﻤﻄﺒﺦ ﻭﻫﻲ ﻭﺗﻮﺳﻞ ﺑﻌﻤﻠﻮ ﺍﻟﻐﺪﺍ ..

ﺑﺠﻬﺰﻭ ﺍﻟﻐﺪﺍ ﻋﻠﻲ ﺳﻨﺪﻭﺗﺸﺎﺕ ﻻﻧﻮ ﻣﺎﺷﺎﺀ ﺍﻟﻠﻪ ﻣﺎﻣﻜﻦ ﻳﻜﻔﻴﻬﻢ ﻓﻲ ﺍﻟﺼﻴﻨﻴﻪ ﻭﺑﺘﻄﻠﻊ ﺣﻖ ﺍﺑﻮﻫﺎ ﺑﻌﻴﺪ ..

ﺗﻮﺳﻞ ﺑﺘﺘﻜﻠﻢ ﺑﺎﻟﺘﻠﻔﻮﻥ ... ﻭﻛﺎﻧﺖ ﻣﺮﺑﻄﻪ ﻣﻊ ﺭﺍﺟﻞ ﺷﺎﻳﺐ ﻛﺒﻴﺮ ﺗﺎﺟﺮ ﻣﻮﺍﺷﻲ ..

ﺗﻮﺳﻞ : ﺩﻗﻴﻘﻪ ﻳﺎﺳﻠﻤﻲ ﺗﻤﻲ ﺍﻟﻐﺪﺍ ﺩﺍ ﺍﻧﺎ ﺟﺎﻳﻪ ﺳﻠﻤﺎﻥ ‏( ﺗﺎﺟﺮ ﺍﻟﻤﻮﺍﺷﻲ ‏) ﻗﺎﻝ ﻗﺮﺏ ﻋﻠﻲ ﺍﻟﺒﻴﺖ ..

ﻃﻠﻌﺖ ﺗﻮﺳﻞ ﻭﻭﻗﻔﺖ ﺟﻤﺐ ﺍﻟﺒﺎﺏ ﻭﻫﻲ ﻻﺑﺴﻪ ﺗﻮﺏ ﺍﻣﻬﺎ .. ﺗﻮﺳﻞ ﺩﻱ ﺻﻔﺮﺍﺍﺍﺍﺍﺀ ﻛﺪﺓ ﻋﻠﻲ ﻭﺭﺩﻱ ...

ﺳﻴﺪ ﻟﻤﺎ ﺷﺎﻓﺎ ﻃﻠﻊ ﻳﻨﻔﺾ ﺍﻳﺪﻭ ﻭﻭﺍﻗﻒ ﻗﺼﺎﺩﺍ ﻳﺘﺒﺴﻢ ..

ﺗﻮﺳﻞ : ﺍﺟﻲ ﻳﺎ ﺩﺓ .. ﻣﺎﻟﻮ ﺍﺏ ﺳﻔﻪ ﺩﻩ ﻳﺘﻬﺎﺑﻞ ﻛﺪﺓ .. ﻳﺨﺴﻴﻴﻲ ﺍﻟﺴﺪﻳﺮﻱ ﺯﻱ ﺑﺎﺏ ﺍﻟﻠﻮﺭﻱ ﺍﻟﻤﺼﺪﻱ ... ﺑﺘﺘﻜﻠﻢ ﻭﻫﻲ ﻣﻜﺸﺮﺓ ﺗﻌﺎﻳﻦ ﻟﻴﻬﻮ ﻭﺗﻠﻮﻱ ﺧﺸﻤﻬﺎ ﺑﺮﺍﺣﻪ ..

ﻭﺍﺛﻨﺎﺀ ﻣﺎﺑﺘﺘﻜﻠﻢ ﻭﻗﻔﺖ ﻋﺮﺑﻴﻪ ﺑﺮﺍﺩﻭ ﺑﻴﻴﻴﻴﻴﻀﻪ ﻻﻣﻦ ﺑﺎﺏ ﺍﻟﺪﻛﺎﻥ ﻇﺎﺍﺍﻫﺮ ﻓﻲ ﻗﺰﺍﺯ ﺍﻟﻌﺮﺑﻴﻪ ..

ﻧﺰﻝ ﺳﻠﻤﺎﻥ ﻭﻛﺎﻥ ﺭﺟﻞ ﻓﻲ ﺍﻻﺭﺑﻌﻴﻨﺎﺕ .. ﺳﻠﻢ ﻋﻠﻲ ﺗﻮﺳﻞ ﻭﺩﺧﻞ ﺍﻟﺒﻴﺖ ..

ﺳﻴﺪ ﻣﺪﻫﻮﺵ ﻭﺭﺟﻊ ﻭﻗﻒ ﻓﻲ ﺍﻟﺪﻛﺎﻥ ﻭﻳﻀﺮﺏ ﺍﺧﻤﺎﺱ ﻓﻲ ﺍﺳﺪﺍﺱ .. ﺍﺻﻼ ﻫﻮ ﺯﻭﻝ ﻧﻮﺍﻳﺎﻫﻮ ﻛﻌﺒﻪ ﺷﺪﻳﺪ ﻭﺑﺘﺎﻉ ﻓﺘﻦ ﻭﻗﻮﺍﻻﺕ ..