# هوس البنوت

هوس البنوت 4

Attrife:

#هــــوس_البنــــوت_4

ﻣﺤﻲ ﺍﻟﺪﻳﻦ ﻋﻨﺪﻭ ﺟﻮﺍﻫﻮ ﺣﺎﺟﻪ ﺣﻠﻮﺓ ﻛﺪﺓ ﺗﺠﺎﻩ ﺳﻠﻮﺍﻥ . ﻳﻌﻨﻲ ﻣﻦ ﻳﺴﻤﻊ ﺍﺳﻤﻬﺎ ﺑﺘﺠﻴﻬﻮ ﻫﺰﺯﺯﺓ ﻛﺪﺓ ﻓﻲ ﺭﻭﺣﻮ .. ﺑﺤﺲ ﺍﻟﺪﻡ ﺩﺓ ﺟﺮﻱ ﻓﻲ ﻋﺮﻭﻗﻮ ﺑﺎﺍﺍﺍﺭﺩ ... ﺳﻠﻮﺍﻥ ﺟﺎﺗﻮ ﻓﻲ ﺍﻟﻌﺰﻳﺰﺓ .. ﺧﺼﻮﺻﺎ ﺍﻧﻮ ﺯﻭﻝ ﻣﺎﺑﺤﺐ ﺣﺮﻛﺎﺕ ﺍﻟﺒﻨﺎﺕ ﻭﺩﻟﻌﻢ .. ﻣﻌﺬﺏ ﻧﻴﺮﻭﺯ ﻭﻧﺎﺭﻳﺰ ﻭﻣﺮﺍﻗﺒﻢ ﻓﻲ ﺗﺤﺮﻛﺎﺗﻢ ..

ﻧﺮﺟﻊ ﺍﻟﻤﻄﺒﺦ ...

ﻧﻴﺮﻭﺯ : ﺍﺣﻲ ﺍﻧﺎ ﺟﺎ ﺍﻟﻤﺴﻨﻮﺡ ﺍﻟﻤُﺮ ﺩﺓ ﺧﻼﺹ ﻻﺑﻘﺪﺭ ﺍﺗﻜﻠﻢ ﺗﻠﻔﻮﻥ ﻻﺑﻘﺪﺭ ﺍﻃﻠﻊ ﺳﺎﺍﺍﻱ ﻃﻠﻪ ﻟﻠﺸﺎﺭﻉ ﺍﻛﺐ ﻣﻮﻳﺔ ﻏﺴﻴﻞ ...

ﺳﻠﻮﺍﻥ : ﻭﻫﻲ ﻣﺮﺍﻗﺒﺔ ﺍﻟﻘﻬﻮﺓ ﻣﺎﺗﻔﻮﺭ ﻭﺗﺘﻜﺸﺢ ﻭﻏﺎﺯﺓ ﻳﺪﻳﻬﺎ ﻓﻲ ﺟﻤﺒﺎﺗﺎ ... ﺟﻨﻴﺘﻲ ﻳﺎﻧﻴﺰﻭ ﻭﻻ ﺷﻨﻮ ﺑﺘﺘﻜﻠﻤﻲ ﺑﺮﺍﻙ ﻭﺗﻜﺴﺮﻱ ﻓﻲ ﺍﻟﻌﺪﺓ ..

ﻧﻴﺮﻭﺯ : ﻗﺮﺑﺖ ﺍﺟﻦ ﻻﻧﻮ ﻣﺤﻲ ﺍﻟﺪﻳﻦ ﺩﺓ ﺟﺎ ﺧﻼﺹ ..

ﺳﻠﻮﺍﻥ : ﻭﻣﺎﻳﺠﻲ ﻣﺤﻲ ﺍﻟﺪﻳﻦ ﻣﺎﻟﻚ . ﻋﺸﺎﻥ ﻭﺷﻚ ﺩﺓ ﻳﻄﻔﺶ ﻣﻦ ﺍﻟﺒﻴﺖ ﻭﻻ ﻛﻴﻒ ..

ﻧﻴﺮﻭﺯ : ﺍﺭﻳﺘﻚ ﺗﻀﻮﻗﻲ ﺣﻜﻢ ﺍﻻﺧﻮ ﺍﻟﻤﺘﻌﻘﺪ ..

ﺳﻠﻮﺍﻥ : ﺍﻧﺘﻲ ﻳﺎﻣﺘﺨﻠﻔﻪ ﺑﺘﺴﻤﻲ ﺩﺓ ﺗﻌﻘﺪ .. ﺩﺓ ﺍﺳﻤﻮ ﻏﻴﺮﺓ ﻋﻠﻲ ﺍﻻﺧﺖ .. ﻭﺍﻟﻤﺎﻋﻨﺪﻭ ﻛﺒﻴﺮ ﻳﺸﺘﺮﻱ ﻛﺒﻴﺮ .. ﻭﺍﻧﺘﻲ ﻳﺎﻧﻴﺰﻭ ﻭﺣﺎﺕ ﺍﻟﻠﻪ ﻟﻮ ﻣﺎ ﻣﺤﻲ ﺍﻟﺪﻳﻦ ﺩﺓ ﻛﺎﻥ ﺑﻘﻴﺘﻲ ﺭﻗﺎﺻﻪ ..

ﻧﻴﺮﻭﺯ : ﺍﺳﻜﺘﻲ ﺍﺳﻜﺘﻲ ﺯﺣﻲ ﻛﺪﺓ ﻧﺴﺨﻦ ﺍﻟﻌﺪﺱ ﺩﺓ ..

ﺳﻠﻮﺍﻥ : ﻛﺪﺓ ﺧﻠﻲ ﺍﻟﻌﺪﺱ ﺭﺻﻲ ﺍﻟﻌﺪﺓ ﺩﻱ ﻓﻲ ﻣﻜﺎﻧﺎ . ﻭﻋﻠﺐ ﺍﻟﺒﻬﺎﺭﺍﺕ ﺩﻱ ﺭﺟﻌﻲ ﻛﻞ ﻭﺣﺪﺓ ﻣﺤﻠﻬﺎ .. ﺷﻨﻮ ﺍﻧﺘﻲ ﻣﻜﺮﻛﺒﺔ ﺍﻟﻤﺤﻞ ﻛﺪﺓ ..

ﻣﺤﻲ ﺍﻟﺪﻳﻦ ﺭﺟﻊ ﺭﻗﺪ ﻓﻲ ﺍﻟﺴﺮﻳﺮ ﺍﻟﻤﻘﺎﺑﻞ ﻻﻣﻮ ﻭﺑﺤﻜﻲ ﻟﻴﻬﺎ ﻋﻦ ﺍﻟﻤﺸﻮﺍﺭ ﻭﺍﻟﺒﻴﺖ ﺍﻟﻨﺰﻝ ﻓﻴﻬﻮ ﻭﺍﻛﺮﻣﻮﻫﻮ ﻛﻴﻒ ..

ﺟﺎﺕ ﺳﻠﻮﺍﻥ ﺷﺎﻳﻠﻪ ﺻﻴﻨﻴﺔ ﺍﻟﻘﻬﻮﺓ .. ﺍﻟﻔﻨﺎﺟﻴﻦ ﺩﻱ ﺗﻠﻤﻊ ﻟﻤﻌﺎﻥ ﺯﻱ ﺍﻟﺒﺮﻕ ﺗﻀﺮﺏ ﻓﻲ ﻋﻴﻨﻚ ... ﻭﺍﻟﻘﻬﻮﺓ ﺩﺧﺎﻧﺎ ﻳﺘﻸﻷ ﺯﻱ ﺑﺨﻮﺭ ﺍﻟﻔﻜﻲ ...

ﺍﺗﻔﺎﺟﺄﺕ ﺳﻠﻮﺍﻥ ﺑﻮﺟﻮﺩ ﻣﺤﻲ ﺍﻟﺪﻳﻦ .. ﻭﻫﻲ ﺷﺎﻳﻠﻪ ﺍﻟﺼﻴﻨﻴﻪ ﺩﻧﻘﺮﺕ ﻭﺭﺩﺕ ﺍﻟﺴﻼﻡ ﺑﺮﻭﺡ ﺭﺍﺍﺍﻳﻘﻪ ﻭﺑﺮﻳﺌﻪ .. ﺳﻼﻡ ﻣﺤﻲ ﺍﻟﺪﻳﻦ ﻛﻴﻔﻚ ..

ﻣﺤﻲ ﺍﻟﺪﻳﻦ : ﻗﺎﻡ ﻓﻲ ﻫﻤﺔ ﻭﺍﻧﺒﺴﺎﻁ ﻭﻣﺴﻚ ﺍﻟﺼﻴﻨﻴﻪ ﻣﻦ ﺳﻠﻮﺍﻥ ... ﻣﺮﺣﺐ ﺳﻠﻮﺍﻥ ﺍﺯﻳﻚ ..

ﺳﻠﻮﺍﻥ ﻋﺎﻳﺰﺓ ﺗﺮﺟﻊ ﺍﻟﻤﻄﺒﺦ .. ﻧﺎﺩﺗﺎ ﺳﻌﺪﻳﻪ ..

ﺳﻌﺪﻳﻪ : ﺗﻌﺎﻟﻲ ﻳﺎﺳﻠﻮﺍﻥ ﻣﺎﺗﺨﺠﻠﻲ ﻣﻦ ﻣﺤﻲ ﻭﻟﺪﻱ .. ﺗﻌﺎﻟﻲ ﺍﺷﺮﺑﻲ ﻣﻌﺎﻱ ﺍﻟﻘﻬﻮﺓ ..

ﺭﺟﻌﺖ ﺳﻠﻮﺍﻥ ﻭﻗﻌﺪﺕ ﻋﻠﻲ ﺭﻛﺒﺎ ﻓﻲ ﺍﻻﺭﺽ ﻭﻗﻌﺪﺕ ﺗﺼﺐ ﺍﻟﻘﻬﻮﺓ ﻓﻲ ﺍﻟﻜﺒﺎﺑﻲ ... ﻭﺣﺘﻲ ﻭﻫﻲ ﺑﺘﺴﻮﻁ ﺍﻟﺴﻜﺮ ﺑﻬﺪﺍﺍﺍﻭﺓ ...

ﻣﺤﻲ ﺍﻟﺪﻳﻦ ﻳﻌﺎﻳﻦ ﻓﻲ ﺗﻠﻔﻮﻧﻮ ﻭﻳﺮﻓﻊ ﻋﻴﻨﻮ ﻳﻌﺎﻳﻦ ﻟﺴﻠﻮﺍﻥ .. ﻻﺣﻈﺖ ﻟﻴﻬﻮ ﺍﻣﻮ ﺳﻌﺪﻳﻪ ..

ﺳﻌﺪﻳﻪ : ﺻﻠﺤﺖ ﻗﻌﺪﺗﺎ ﻓﻲ ﻃﺮﻑ ﺍﻟﺴﺮﻳﺮ ﻭﺑﻘﺖ ﺗﻀﺤﻚ ﻟﻠﺴﻦ ﺍﻻﺧﻴﺮ .. ﻓﻬﻤﺖ ﻣﺤﻲ ﺍﻟﺪﻳﻦ .. ﺧﺼﻮﺻﺎ ﺍﻧﻮ ﻣﺤﻲ ﺍﻟﺪﻳﻦ ﻣﺎﻋﻨﺪﻭ ﻓﻲ ﺍﻟﻔﺎﺭﻏﻪ ..

ﻧﻴﺮﻭﺯ : ﺍﻧﺎ ﺑﺲ ﺧﻠﻮﻧﻲ ﺟﻮﺓ ﺍﻟﻤﻄﺒﺦ ﺩﺓ ﺍﻏﺴﻞ ﺍﻃﺒﺦ ﺍﻏﺴﻞ ﺍﻃﺒﺦ ... ﺣﺘﻲ ﻣﺎﻋﺰﻣﺘﻮﻧﻲ ﻟﻠﻘﻬﻮﺓ ..

ﺳﻠﻮﺍﻥ : ﺗﻌﺎﻟﻲ ﺷﻴﻠﻲ ﻧﺼﻴﺒﻚ ﺩﻳﻤﺔ ﻋﻠﻴﻚ ﺷﻜﺎﻳﻪ ﻭﻧﻘﻨﺎﻗﻪ ..

ﻣﺤﻲ ﺍﻟﺪﻳﻦ : ﺷﺮﺏ ﺍﻟﻘﻬﻮﺓ ﻭﻫﻮ ﻋﻴﻮﻧﻮ ﻣﺮﺓ ﻣﺮﺓ ﺗﺴﺮﻕ ﺍﻟﻨﻈﺮﺍﺕ ﺗﺠﺎﻩ ﺳﻠﻮﺍﻥ ..

ﻗﺎﻡ ﻣﺤﻲ ﺍﻟﺪﻳﻦ ﻭﺩﺧﻞ ﺍﻟﻐﺮﻓﻪ .. ﻗﺎﻣﺖ ﻭﺭﺍﻫﻮ ﺍﻣﻮ ﺳﻌﺪﻳﻪ ﻭﺩﺧﻠﺖ ﻟﻘﺘﻮ ﺑﻮﺻﻞ ﺗﻠﻔﻮﻧﻮ ﻓﻲ ﺍﻟﺸﺎﺣﻦ .. ﻭﺍﻇﻦ ﺍﻟﻜﻮﺑﺲ ﻭﺳﻴﻊ ﻭﺍﻟﺸﺎﺣﻦ ﻣﺎﻭﺍﺻﻼﻫﻮ ﻛﻬﺮﺑﻪ ﻭﻫﻮ ﺑﺤﺎﻭﻝ ﻓﻴﻬﻮ ...

ﺳﻌﺪﻳﻪ : ﻣﺤﻲ ﺍﻟﺪﻳﻦ ﻭﻟﺪﻱ ﺍﻟﺒﺸﺎﺭﺓ ﻓﻲ ﻋﻴﻮﻧﻚ ﻭﺍﺿﺤﺔ ﺯﻱ ﻫﻼﻝ ﺍﻟﻌﻴﺪ ..

ﻣﺤﻲ : ﺍﺗﻠﻔﺖ ﻋﻠﻲ ﺍﻣﻮ ﻭﻋﻤﻞ ﻧﻔﺴﻮ ﻣﺎﻓﺎﻫﻢ ... ﺍﻱ ﻳﻤﺔ ﺑﺪﻳﻚ ﻗﺮﻭﺵ ﺍﻟﺼﻨﺪﻭﻕ ﺍﻟﻌﻨﺪﻱ ﻣﺎﺑﺒﺨﻞ ﻋﻠﻴﻚ ﺑﻴﻬﻮ ...

ﺳﻌﺪﻳﻪ : ﻳﺎﻭﻟﺪ ﻣﺎﺗﺴﺘﻬﺒﻞ ﻋﻠﻲ ... ﺍﻧﺎ ﺑﻘﺼﺪ ﺳﻠﻮﺍﻥ ..

ﻣﺤﻲ : ﻳﻘﻔﻞ ﺭﻣﺰ ﺍﻟﺘﻠﻔﻮﻥ ﻭﻳﻔﺘﺢ .. ﻣﺎﺭﺩ ﻭﺷﻮﻳﻪ ﺷﻮﻳﻪ ﺑﻘﻲ ﻳﺒﺘﺴﻢ .. ﻏﻠﺒﺘﻮ ﺍﻟﺒﺴﻤﺔ ﻛﻠﻮ ﻛﻠﻮ ﺃﺑﺖ ﺗﺪﺳﺎ ...

ﺳﻌﺪﻳﻪ : ﻫﻴﻴﻴﻲ ﻳﺎﻭﻟﺪ ﺍﻟﺒﺖ ﺧﻄﺎﺑﺎ ﻛﺘﺎﺭ ﻭﺑﻜﺮﺓ ﺧﺸﻤﻚ ﻳﺒﻘﻲ ﻣﻠﺢ ..

ﻣﺤﻲ : ﻳﻤﺔ ﺍﻧﺎ ﻋﻨﺪﻱ ﺷﻨﻮ ﺍﻋﺮﺱ ﺑﻴﻬﻮ .. ﺍﻟﻌﻨﺪﻱ ﻣﺎﺑﻜﻔﻲ ﺑﻴﺖ ﻭﺷﻴﻠﻪ ﻭﻋﻔﺶ ..

ﺳﻌﺪﻳﻪ : ﻛﺪﺓ ﺍﻧﺖ ﻗﻮﻝ ﺧﻴﺮ ﻭﺍﻧﺎ ﺑﺪﺑﺮ ﻟﻴﻜﻢ ﺑﻌﺪ ﺭﺑﻨﺎ ﺍﻣﻮﺭﻛﻢ .. ﺍﻧﺖ ﻭﻋﻼ ﻋﺮﺳﻜﻢ ﻳﻜﻮﻥ ﻭﺍﺍﺍﺣﺪ ...

ﻣﺤﻲ : ﻻﻻ ﻳﻤﺔ ﺍﻧﺎ ﺑﺮﺍﻱ ﺑﻌﻤﻞ ﻋﺮﺳﻲ .. ﺷﺎﻥ ﺑﻜﺮﺓ ﻋﻼ ﻳﻘﻮﻝ ﻟﻲ ﻋﺮﺳﺖ ﻟﻴﻚ ﺑﺤﻘﻲ .. ﺍﻱ ﻳﻤﺔ ﺍﻧﺎ ﺩﺍﻳﺮ ﺳﻠﻮﺍﻥ ﻭﻣﺎﺣﺼﻞ ﻭﺿﺤﺖ ﻟﻴﻬﺎ ﺑﺲ ﻟﻮ ﺑﺘﺼﺒﺮ ﻟﻲ ﺷﻮﻳﻪ ﻛﺪﺓ ﺑﺘﻢ ﻭﺍﻋﺮﺱ

ﺳﻌﺪﻳﻪ : ﺍﻧﺎ ﺑﺘﻢ ﻟﻴﻚ ﺍﻟﻨﺎﻗﺺ .. ﺧﻠﻲ ﻋﻠﻲ ﺍﻗﺴﻢ ﻟﻴﻚ ﺍﻟﺠﺰﻭ ﺍﻟﺸﻤﺎﻟﻲ ﺩﻩ ﻭﺍﺻﻴﻨﻮ ﻟﻴﻚ ﻭﺍﻧﺖ ﻋﺮﺱ ﺑﺎﻟﻘﺮﻳﺸﺎﺕ ﺍﻟﻌﻨﺪﻙ .. ﻭﻣﻦ ﺍﻟﻴﻼ ﺗﺎﻧﻲ ﻣﺎﺗﺪﻳﻨﻲ ﻗﺮﺵ .. ﻭﺣﻀﻨﺘﻮ ﻭﺑﺎﺳﺘﻮ ﻓﻲ ﺭﺍﺳﻮ .. ﺍﻥ ﺷﺎﺀ ﺍﻟﻠﻪ ﺍﺷﻮﻑ ﻋﺮﺳﻚ ﻭﺟﻨﺎﻙ ﻳﺎﺣﺸﺎﻳﺎ ...

ﺳﻠﻮﺍﻥ ﻇﺒﻄﺖ ﺍﻟﻔﻄﻮﺭ ﻓﺘﺔ ﻋﺪﺱ ﻭﺷﻄﺔ ﺩﻛﻮﺓ ﻭﺳﻠﻄﻪ ﻧﺎﺍﺍﺍﻋﻤﻪ ﺯﻱ ﺍﺻﺎﺑﻌﻴﻬﺎ ...

ﻭﻧﺪﻫﺖ ﻟﺴﻌﺪﻳﻪ ﺗﻨﺎﺩﻱ ﻣﺤﻲ ﻭﺗﺠﻲ ..

ﻗﻌﺪﻭ ﻓﻲ ﺍﻟﺼﻴﻨﻴﻪ ﻭﺳﻠﻮﺍﻥ ﺗﺸﻴﻞ ﻟﻘﻤﺘﺎ ﺻﻐﻴﺮﺍ ﻭﺗﺎﻛﻞ ﻣﻮﻫﻄﺔ ﻳﺪﻫﺎ ﻓﻲ ﺣﺠﺮﻫﺎ ..

ﺳﻌﺪﻳﻪ : ﺳﻠﻮﺍﻥ ﺑﺘﻲ ﺭﺍﻳﻚ ﺷﻨﻮ ﻟﻮ ﺟﻴﺘﻲ ﺑﻴﺘﻲ ﺩﻩ ...

ﻧﻴﺮﻭﺯ : ﻭﺧﺸﻤﻬﺎ ﻣﻼﻥ ﺍﻛﻞ .. ﺍﻫﻲ ﻣﺮﺯﻭﻋﻪ ﻭﻛﻞ ﻳﻮﻡ ﺑﺘﺠﻲ ﻣﺮﺯﻭﻋﻪ ﺗﺠﻲ ﻛﻴﻒ ﺗﺎﻧﻲ ..

ﻣﺤﻲ ﺍﻟﺪﻳﻦ ﺑﻘﻲ ﻳﺤﻚ ﺭﺍﺳﻮ ﻭﻗﺎﻟﺒﺎﻫﻮ ﺍﻟﻠﻘﻤﺔ ﻭﺍﻟﺸﻄﻪ ﺷﺮﻗﺘﻮ .. ﻣﺪﺕ ﻟﻴﻬﻮ ﺍﻣﻮ ﻛﺒﺎﻳﺔ ﺍﻟﻤﻮﻳﻪ ﻗﺎﻟﺖ ﻟﻴﻬﻮ . ﻗﻮﻝ ﺑﺴﻢ ﺍﻟﻠﻪ ??

ﺳﻠﻮﺍﻥ : ﻳﺎﺧﺎﻟﺘﻲ ﻟﻮ ﺩﺍﻳﺮﺍﻧﻲ ﺍﺟﻴﻚ ﻛﻞ ﺩﻗﻴﻘﻪ ﺑﺠﻴﻜﻲ ﺍﻧﺘﻲ ﺃﺍﻣﺮﻱ ﺑﺲ ...

ﺳﻌﺪﻳﻪ : ﺍﻧﺎ ﻗﺼﺪﻱ ﺗﺠﻴﻨﻲ ﺟﻴﺔ ﺧﻴﺮ . ﺑﺎﻟﺼﺮﺍﺣﺔ ﻳﺎﺳﻠﻮﺍﻥ ﺍﻧﺎ ﻣﺎﺑﻔﻮﺗﻚ ﻣﻦ ﺍﻳﺪﻱ .. ﺍﻧﺎ ﺩﺍﻳﺮﺍﻙ ﻟﻤﺤﻲ ﺩﻩ ...

ﻃﻮﺍﻟﻲ ﻣﺤﻲ ﺍﺗﻨﻔﺾ ﻭﻗﺎﻡ ﻣﺸﻲ ﻭﻫﻮ ﻣﺒﺘﺴﻢ ﻭﻏﺴﻞ ﺍﻳﺪﻭ ﻓﻲ ﺍﻟﻮﺿﺎﻳﻪ ﻭﺍﺗﺴﺤﺐ ﺟﻴﻬﺔ ﺍﻻﻭﺿﻪ ..

ﺳﻠﻮﺍﻥ : ﻋﺎﻳﻨﺖ ﻛﺪﺓ ﻭﻛﺪﺓ ﻭﺩﻧﻘﺮﺕ ﻭﺳﺪﺕ ﺧﺸﻤﻬﺎ ﺑﺎﻃﺎﺭﺍﻑ ﻳﺪﻫﺎ ﺧﺠﻼﻧﻪ ..

ﻧﻴﺮﻭﺯ : ﺳﺠﻤﻚ ﻳﺎﻟﺒﺎﻳﺮﺓ ﻋﺎﻳﺰﺓ ﺗﺘﻔﻜﻲ ﻗﺒﻠﻲ ... ﻭﻻ ﺍﻗﻮﻝ ﻟﻴﻚ ﺍﺣﺴﻦ ﻋﺮﺳﻲ ﻭﺯﺣﻴﻬﻮ ﻣﻨﻨﺎ ﺍﻟﻤﺘﻌﻘﺪ ﺩﺓ .. ﻭﻋﺎﻳﻨﺖ ﺟﻬﺔ ﺍﻟﻐﺮﻓﻪ ﻭﺗﻔﻠﺖ ﻋﻠﻴﻬﻮ ..

ﺳﻠﻮﺍﻥ ﺍﻛﺘﻔﺖ ﺑﺎﻟﺴﻜﻮﺕ ﻭﺳﻌﺪﻳﻪ ﺗﻀﺤﻚ ﻭﻗﺎﻟﺖ ﻳﺎﻳﻤﺔ ﺳﻌﺪﻳﻪ ﺳﻌﻴﺪﻩ ﺑﻴﻚ ﻭﺍﻟﻠﻪ ﺣﺒﻴﺒﺘﻲ .. ﺍﻳﻮﻭﻭﻭﻭﻭﻱ ﺍﻳﻮﻭﻭﻱ ..

ﺳﻠﻮﺍﻥ ﺑﻘﺖ ﺗﻀﺤﻚ ﺑﻬﺪﻭﺀ

ﻧﻴﺮﻭﺯ : ﻣﻮﺍﺻﻠﻪ ﺗﺎﻛﻞ ﻭﺗﺮﻗﺺ ﺑﺎﻛﺘﺎﻓﺎ .. ﻭﺗﻐﻤﺰ ﻟﺴﻠﻮﺍﻥ ..

ﺑﺠﺎﻧﺐ ﻧﺎﺭﻳﺰ ﻓﻲ ﺍﻟﺠﺎﻣﻌﻪ ...

ﻧﺎﺭﻳﺰ : ﻳﺎ ﻣﺪﺛﺮ ﻣﺎﻣﻤﻜﻦ ﻛﻞ ﻳﻮﻡ ﻧﺎﻃﻲ ﻟﻲ ﻓﻲ ﺍﻟﺠﺎﻣﻌﻪ ﻛﺪﺓ .. ﻋﺎﻳﺰ ﺷﻨﻮ ﺍﻧﺖ ﻣﺎﺗﻜﺮﻫﻨﻲ ..

ﻣﺪﺛﺮ : ﺑﺤﺒﻚ ﻳﺎﻧﺎﺭﻳﺰ ﻭﻣﺸﺘﺎﻕ ﻟﻴﻚ ﺍﺭﺡ ﻧﻘﻌﺪ ﻓﻲ ﺍﻟﻜﺎﻓﺘﺮﻳﺎ ﺩﻱ ﺍﻧﺎ ﻋﺎﺯﻣﻚ ..

ﻧﺎﺭﻳﺰ : ﻻﻻ ﺍﻧﺎ ﺩﻛﻴﺖ ﺍﻟﻤﺤﺎﺿﺮﺓ ﺍﻻﻭﻟﻲ ﻣﺎﺑﻘﺪﺭ ﺍﻓﻮﺕ ﺍﻟﺘﺎﻧﻴﻪ ..

ﻣﺪﺛﺮ : ﻳﻌﻨﻲ ﻳﺎﻧﺎﺭﻳﺰ ﺍﻧﺎ ﺧﻠﻴﺖ ﺷﻐﻠﻲ ﻭﺟﻴﺘﻚ ﻣﻦ ﺍﺧﺮ ﺍﻟﺪﻧﻴﺎ ﻋﺸﺎﻥ ﺗﺘﺪﻟﻌﻲ ﻟﻲ ﻛﺪﺓ .. ﻣﺎﻣﺸﻜﻠﻪ ﻳﺎﻧﺎﺭﻳﺰ .. ﻭﻣﺪﺍ ﻟﻴﻬﺎ ﻇﺮﻑ ﻭﻣﺸﻲ ﻃﻠﻊ ..

ﻓﺘﺤﺖ ﻧﺎﺭﻳﺰ ﺍﻟﻈﺮﻑ ﻟﻘﺘﻮ 600 ﺝ ???? ﺟﺮﺕ ﻧﺎﺭﻳﺰ ﻋﻠﻲ ﺍﻟﺒﺎﺏ ﻭﻋﺎﻳﻨﺖ ﺟﺎﻱ ﻭﺟﺎﻱ ﻟﻘﺖ ﻣﺪﺛﺮ ﺭﻛﺐ ﺍﻟﻤﻮﺍﺻﻼﺕ ﺧﻼﺹ ... ﺁﺷﺮﺕ ﻟﻴﻬﻮ ﺑﻴﺪﻫﺎ ﺍﻧﺎ ﺍﺳﻔﻪ ﻭﻫﻲ ﺑﺘﻀﺤﻚ ???

ﺩﺧﻠﺖ ﻧﺎﺭﻳﺰ ﺍﻟﺠﺎﻣﻌﻪ ﻭﻣﺸﺖ ﺍﻟﻜﻔﺘﺮﻳﺎ ﻭﻛﺎﻥ ﻓﻴﻬﺎ ﻃﺮﺑﻴﺰﺓ ﺑﻠﻴﺎﺭﺩﻭ ﻭﺑﻠﻌﺐ ﺣﻮﻟﻴﻬﺎ ﺷﺒﺎﺏ ﻭﻣﻦ ﺿﻤﻨﻬﻢ ﺯﻭﻝ ﻛﺪﺓ ﻫﺎﻱ ﻛﻼﺱ .. ﺍﻟﺸﻜﻪ ﻭﺍﻟﺴﺎﻋﻪ ﻭﺍﻟﻘﻄﻌﻴﻪ ﻭﺍﻟﻘﻨﺪﻓﻪ .. ﻭﺑﻴﻠﻌﺐ ﻓﻲ ﺍﻟﺒﻠﻴﺎﺭﺩﻭ ..

ﻗﺎﻣﺖ ﻧﺎﺭﻳﺰ ﻭﻣﺸﺖ ﺷﺎﻟﺖ ﺍﺳﺘﻴﻜﺔ ﺍﻟﺒﻠﻴﺎﺭﺩﻭ ﺍﻟﺴﻬﻢ ﻭﺑﺪﺕ ﺗﻠﻌﺐ ﻓﻲ ﺗﺠﺎﻩ ﺍﻟﺸﺎﺏ ﺍﻟﻮﺳﻴﻢ ....

ﻻﺣﻆ ﻟﻴﻬﺎ ﺍﻟﺸﺎﺏ ﻭﺑﺪﻭ ﻳﺘﺒﺎﺩﻟﻮ ﺍﻻﺑﺘﺴﺎﻣﺎﺕ ﻭﺍﻟﻨﻈﺮﺍﺕ ﻭﺍﻟﺤﺮﻛﺎﺕ ..

ﻃﺒﻌﺎ ﻧﺎﺭﻳﺰ ﻋﺮﻓﺖ ﺗﺼﻄﺎﺩﻭ ﻛﻴﻒ .. ﻃﻠﻌﺖ ﻭﻫﻲ ﺑﺘﺘﺪﻟﻊ ﻓﻲ ﻣﺸﻴﻬﺎ ﻭﻟﺤﻘﺎ ﺍﻟﺸﺎﺏ ..

ﻳﺎﺍﺧﺖ ﻳﺎﺍﺧﺖ ﻟﺤﻈﺔ ﻟﻮ ﺳﻤﺤﺘﻲ ..

ﻧﺎﺭﻳﺰ ﺍﺗﻠﻔﺘﺖ ﻭﺍﺷﺮﺕ ﻋﻠﻲ ﻧﻔﺴﻬﺎ .. ‏( ﺍﻧﺎ ‏)

ﺍﻟﺸﺎﺏ ﺍﻳﻮﺓ .. ﻣﻌﺎﻛﻲ ﻣﻨﺼﻮﺭ .. ﻣﻤﻜﻦ ﺍﺗﻌﺮﻑ ﺑﻴﻚ ..

ﻧﺎﺭﻳﺰ : ﺗﺴﻠﻢ ﻭﺍﻧﺎ ﻧﺎﺭﻳﺰ ..

ﻭﺩﺧﻞ ﻣﻨﺼﻮﺭ ﻋﺎﻟﻢ ﻧﺎﺭﻳﺰ .. ﻛﺎﻥ ﺑﺎﻟﻨﺴﺒﻪ ﻟﻴﻬﺎ ﺻﻔﻘﻪ ﺭﺍﺑﺤﺔ ﻣﻦ ﺟﻬﺔ ﺍﻟﻤﺎﻝ ﻭﺍﻟﺠﺎﻩ ... ﻭﻧﻔﺲ ﺍﻟﻮﻗﺖ ﺍﺩﺗﻮ ﺭﻗﻤﺎ ..