زوجتي سيئة السمعة

خلص اني راجع هسة يابة .والله ماكو جديد الطبيب يكول ننتظر متبرع وفهد صغير واني بعد يأست الله مكاتبلي يصير عندي خلفة .هو هذا نصيبي بعد يلة يابة رح اغلق الموبايل رح افوت البارك هسة راجع للبيت .قفلت التلفون ...واسمع صوت داخل البارك جان الضوء خافت ...والمكان فارغ طبعا المغرب ماكو احد تقريبا اسمع صوت رجال ومرة..من بعيد تقدمت واسمع .....الة اندمج والله لاانسيج النوم كلبة ..حقيرة انتي تريدين ذليني لو تلكين لكية غيري منو هذا فهميني انتي منو هذا ... احمد:وصلت واني دااشوف الصوت بالبارك رجال وديجر بنية ب٣٠ويصيح عليهة وهي تريد بس تخلص منه ماكو مفكة ...ركضت بااتجاهم دفعتة قوي كتلة لك انت شنو تتمرجل على مرة ياسقط والله لاا**رك وهو مايرد كانو يريد يكولي اسمع هاي مرتي لاتدخل بينا متفهم الموضوع بهالاثناء صغدت السيارة وشخطت بعيد عن البارك.وكف هذا الولد الي جنت اضرب بي .وكالي انت مين طلعت ..دفعني وركب سيارتة وهو يدردم اني اعلمج اني اشوفك نجوم الظهر ياكلبة .... احمد :ظليت واكف واني مو فاهم شنو دخلني بنص هالمشكلة وفوكاهة مااعرف منو شنو المهم كلت هاي جانت عايزة المصايب والمشاكل تركض وراك احمد .... حاب اعرفكم علية اسمي احمد عمري ٣٦ سنة المهنة مهندس اجهزة طبية متزوج بنت خالي وبعد معاناة طويلة وعلاج واكثر من اجهاض صار عندي فهد شلتة بالصلوات واهلي هم هذا اول حفيد لااهلي صار ١٠سنوات مزوج والله مقسملي اله فهد بس رب العالمين حب يختبرني اختبار صعب بعد مكبر فهد وصار عمرة سنتين وتعلك بروحي وبروح اهلي بلحظة تخربط وتحولت شفتة للون الازرق ركضنا بي للمستشفى والفرحة الي فرحتها اني واهلي الله مكتب تكمل وجانت النتيجة عضلة القلب ضعيفة ومتتحمل ضخ قوي اضافة الى اربع فتحات بالاذينين والبطينين واضافة لذلك انسداد بالصمام التاجي هنا كعدت من الصدمة وكلت ربي الك بيهة حكمة كرمتني ونعمة من كرمك بس ليش ياربي ليش مااستحق هي الفرحة تكتمل ويصيرلي ضناشبية اني شمسوي بدنيتي عمري ممشيت بدرب اعوج وجنت بار بااهلي لحد هاي اللحظة اهلي يفصلون واني البس امي كلتلي ازوجك بنت اخوية عمود لاتعبك ولاتعبني والغريبة تجي تخرب البيت وتطلع شكلت يمة؟ أحمد:يووم مالي كول بعدك انتي امري واني انفذ وقبلت زوجتها وعشت وياهة بي النتيجة مرمرتني يومية مشكلة ويومية عناد مو حالة هاي صح هي من جانت حالتنا مو شي تحملتني وشالتني بس مو معناه تخلق مشاكل بدون سبب والاسوء تنكروتكابر بالغلط يومية تزعل ونصالح يلة لخاطر خالك مشي عبالك ازوجت خالي مو بنتة.وهذا نصيبي مااعترض . اليوم الثاني.... يووم ...غدا ..غدا.. فدوة جوعان ..اريد اطلع.. وراي خفارة.. حاضر يوووم... هسة اصبلك.... رؤيا:احمد ترة مطلعت هاي لعد ليش زوجت اذا امي صبلك امي تغسلك ملابسك.. المسعدة ...نوال وينها.. احمد...استغفر الله ..رؤيا. .. يعني اتعارك ويا ذيج..تكولون اتحجج ومشيهة ومنجب.. يابة شلون هسة الحل..احاسبها تكب بوجهي.. اعوفها تجين انتي.. ناوية تطلكين من رجلج... من ساعة السودة..الي زوجت اخت زوجج وانخنكت من ركبتي.. وحتة زقنبوت مااريد... لك ...يمة ..تعال مالك شغل..بااختك.. يمة اوي ليش ضربيني... كلة من وراج..انتي طلعتي عينهة ..بلة اخوية يستاهل وحدة مثل نوال... محسوبة علي مرة.. وهي ام الراهي ...يووم ميصير هيج الله ميرضاها اخوية ١٠٠وحدة تتمنا...تجي هاي .. تتمندل علي.. اخخخ منج وتعض باصبعهة ستري علينة وخل يسلم ابنة... ان شاء الله ميسلمة ..عمود اخوية ميربط بيهة.. لج رؤيا مين جبتي هالكلب تدعين ع ابن اخوج.. والله يوم من ظيمي وقهري علي اخوية ميستاهل..يصير بي هيج.. يمة **ري الشر هذا نصيبة لاتجنين على روحج..يمة شنو يعني اطلك..صمالله ولج ليش تفاولين.. المهم اخوية اشوفة مرتاح عدمتة العافية الله ياخذهة ونخلص منها..خطية وكعت بهالطفل... احمد:صح ضجت من كلام رويا ووجعني ..بس كلامها صح..اني ليش مزوج ..اذا هي مقايمة بية ..كل مرة اكلب هالموضوع ..وسيد محمد يكلي زوج... وامي متخليني..تكلي لاتجور ع بنت خالك تطلع بخواتك.. عندي اربع خوات واخ صغير.. اروح اتغدا ويا مصطفى بالبهو.. مال اطباء... خل اخابر مصطفى اشوف وين وصل.. الو.... الوو...هلو مصطفى ها وين وصلت.. حاليا ..بالمستشفى هاي شنو ..شو من وقت.. احسن اخلص من الازدحامات... انت هم جاي من وكت... تلاغيت بالبيت وطلعت ..لك ويامن مرتك مو بالمستشفى.. ويا رؤيا اختي... دتعال..وسولفلي .. تعال حط صينيتك واكعد سولفلي.. شسولفلك..اذا هي مين ماادريها عوجة... لك ليش.. اووكف ..اوكف..مصطفى.. دا تشوف هاي بنية كدامنا.. لك يابنية..صاير دور بنات... لك يابنات..هاي البنية كدامنا وحدهة كاعدة..لك هاي ام شعر..سافرة.... هاي انت هم..خامس واحد يسالني..عليهة .. بس متفيدك.. واني شعلية... دااسالك سوال.. ذاك اليوم بالبارك شفتها تتعارك ويا واحد بالبارك.. لازم شفت رجلهة اكيد.. مزوجة.... مطلقة..مرتين.. لا جكد عمرها قابل تكتل روحها ٣٠ مااعرف والله..هذا سمعتة من العالم..وحجي هواي ... بس اني مرة حجيت وياها وبنية وردة..تعاملها حلو...جبتلها علي تفحصة.. نسيت اكلك هي طبيبة مقيمة... لهذا دتسالني.. اي..يمكن لمحتها بالطابق ... بس شكلها شايفة روحها... لا يمعود... احجي وياها وشوف.. وين الكاها ...واكدر احجي وياها... شنو رايك اعرفك بيها وتحجيلها على فهد... لا استحي اكيد تذكرني دخلت بينها وبين رجلها العار ... ها يمعود شوحميت... مااتحمل رجال يمد ايدة على مرة اتخبل منة... خوش عمي الحامي اجتي هي برجليهة ... شنو... والله باوع جاي تمشي بااتجاهنا .. هسة شسوي... اهدا لاتنخبص سوي روحك ..مو يمك..خاف نفشل مو علينة.. دقيقة وسمعت صوتها ..هااا ابو علي خلصت مصلحتك ويانا..بعد منشوفك... لا والله دكتورة....؟العفو نسيت اسمك ... احب اعرفج ع صديقي.. صافحت ايدي..وعينهة بعيني .. مرحبا.. د.سهى بحر فياض... احمد...مرحبا ..مرحبا ..تشرفنا.. دكتورة... تفضلي ويانا... لا شكرا كملت الحمدلله... بس من شفت الاستاذ احمد...حبيت اشكرة على موقفة وياي ذاك اليوم... شكرااا جزيلا.. احمد..لا ولو تدللين دكتورة... اي شي تحتاجي اني موجود... اني حاليا مقيم دوري...يعني كل فترة بمكان...اخر شي جنت بالامراض التنفسية ط١٤كلة اطفال تقريبا... اي والله دكتورة ...علاوي ع ايدك مثل الورد صار.. هسة حولوني ع زرع الكلى ... اخذ فترة لما احصل مقيم اقدم.. صدك والله زين رح نداوم نفس الطابق يعني... لا..انتو نفس الطابق...زين جنت شايلة هم ماكو احد وياي... الحمدلله عندي عرف... يلة اسفة قاطعتكم من رخصتكم .. لااابد دكتورة ..يمعودة شرايحنا.. سيخلصك من ام علي...تشلغ اذاناتك... دك الموبايل..يمكن حست دنحجي عليها... من رخصتكم... غالي... احمد..بيني وبين نفسي تمنيت ماتكوم هي وكصيبتها الشقرة الطويلة وملامحها الحادة وابتسامتها..وجرأتها... احمد...مهندس احمد...احمد هااا .نعم دكتورة... يو الي شاغل بالك يتهنى بي.. انت على طول تاكل بالبهو ... اي دااائما...مرات ازاغل بالبيت ..اكل.. اي والله ماكو اطيب من اكل البيت بس من لاجارة ناكل هنا... ليش الحجية بسلامتهل ماموجودة.. ماما...الله يرحمها... البقية بحياتك.. حياتك الباقية ...اكيد صار هواي ماتت.. صارلة ٤اشهر.. لا صدك... كتمت بسري وكلت شنو من بنية امهة متوفية صار ٤اشهر حتة اسود ملابسة ع امهة.. احمد..ديدكون علية..اني رايحة..فرصة سعيدة تعرفت عليك.. ان شاء الله الايام الجاية هواي... بس اني شايفتك بالطابق ١٢ ب Rcu(العناية المشددة) اكو جان جهاز عاطل وصلحنا... اوكي ماش لعد.. مااعرف ليش احساس داخلي.. خلاني اسكت نسيت ابني نايم بالعناية ومربوط بااجهزة..زوجتي الي مقهورة وحزينة ع عابنها بس اني دا خلي فرحة معرفت شااسميها بس الي بالي ..نجمة مااكدر اوصلها..ظليت ساكت محجيت ويا احد... خلص اليوم بسرعة مشبعت نظرات عليهة انوب صارت مقابيلي.. كل شوي تمر من يم الغرفة تروح تابع المرضى مالتها.. قبل جنت الباب ماافتحة واذا فتحتة افتح فتحة صغيرة..خاف يجي احد... ظليت هيج اسبوع لحد مايوم دخلت غرفتي ونفسها سريع..وسادة الباب علينا الثنين.. للقصة بقية....