"Akala ko ba maliligo lang tayo?" Halos paungol niyang tanong habang abala si Ryder sa pagpapak sa kanyang leeg.
Tumigil naman ito at mahinang natawa. "Yeah right," tugon nito saka walang pasabi siyang kinarga.
"Ibaba mo ako, Ryder!" Saway niya sa lalaki sabay palo sa dibdib nito.
Hindi naman nakinig sa kanya ang binata at tinawanan lang siya saka lumusong sa tubig. Hindi sinasadyang napatili siya dahil sa lamig ng tubig na nanuot sa kanyang balat pero agad din iyong napalitan ng tawa.
"Ang daya mo naman! Di pa ako nakapagbihis ng panligo!"
Tinaasan siya ng kilay ni Ryder. "Bakit ka pa magbibihis? Ayos na yang suot mo."
Napasimangot siya. Paano ba magiging ayos na suot panligo ang isang puting bestida na halos abot hanggang talampakan niya. "Huhubarin ko to ano! May baon akong short.
