Hilaw siyang natawa para pagaanin ang tensyong nararamdaman niya. "Wag ka ngang magbiro ng ganyan, Ryder," saway niya sa lalaki.
"I am not joking here, Malia. Seryoso ako. Let's get married."
Muli siyang lumingon sa gawi nito at matamang tinitigan ang lalaki. Seryoso ang ekspresyon sa mukha nito at hindi talaga kakakitaan ng pagbibiro. Ilang beses siyang napalunok at hindi maapuhap ang kanyang sasabihin.
Lumipas ang ilang sandaling katahimikan sa pagitan nila. Pareho silang nakatitig sa isa't-isa habang tinatantiya niya ang pinagsasabi ni Ryder. Hindi kasi talaga kapani-paniwala sa kanya na basta nalang siya nitong alukin ng kasal kahit paman may nangyari sa kanila. Ang ibang lalaki pa nga ay kusang tumatakbo palayo dahil takot sa responsibilidad pero heto si Ryder at taliwas ang ginawa
