Confidence
"Sinasabi naman kasi sa'yo na hindi mo na nga kami kailangan pang sunduin dito sa airport. Ayan tuloy! Naabala ka pa namin kaysa naghihintay ka na lang doon sa apartment," agad na pangaral sa akin ni Papa nang makitang talagang sinundo ko sila.
Sinabi ko na sa kanila kahapon na susunduin ko sila rito sa aiport pero agad na tumanggi si Papa dahil hindi na raw kailangan pa no'n. Noong huli nilang punta rito ay hindi ko sila sinusundo. Ngayon lang dahil gustong sumama ni Rojan sa pagsundo. Hindi ko pa nga lang 'yon nasasabi sa kanila.
"Ayos lang, Pa. May kasama naman po ako," sabi ko sa kanya.
"Nako! Tingnan mo nga at nakaabala ka pa ng ibang tao sa pagsundo sa amin," pagalit pa ring sabi ni Papa.
Hilaw na lang ang naging ngiti ko dahil sa pakikitungo ni Papa sa akin. Lumapit
