Lumipat na ako sa isang malapit na apartment sa review center. Pinilit ako ni Mercer na sumama na lang sa kanyang tinutuluyan pero inayawan ko. Kukurutin ako ni Mama kapag nalaman niya. At isa pa, umayaw si Von.
"Okay na lahat?" Tanong niya habang tinutulungan ako sa paglilipat ng mga damit ko sa cabinet.
Ako lang ang nakatira dito. Kahit na mahal ay ito ang pinili ni Mama para raw makapagfocus ako ng bongga kasi dalawang linggo lang ako makakapagreview dahil late na ako natapos sa internship.
"Oo." Sagot ko at nilapag na iyong unan sa kama.
Medyo malaki iyong unit ko. Sabagay ako lang kasi ang titira kaya talagang malaki ito para sa akin. Ngumiti siya at sinara ang cabinet ko.
"Ten minutes lang ito from my house. Kapag may problema, tawagan mo lang ako." Ngi
