Four months later...
Nakaayos sa ibabaw ng kama ang mga damit para sa newborn baby. Kumpleto lahat magmula sa pang ulo hanggang sa pang talampakan.
"Nakaayos na ito lahat. Puwede na tayong umalis," medyo natatarantang sabi ni Yñigo matapos mailagay lahat ng gamit sa isang bag.
Kasunod naman niyon ay ang pagtawag ni Maia mula sa ibaba.
"Bilisan niyo naman!" ang sigaw ni Maia. Nakaupo sa sofa si Maia katabi si Meng na nakangiwi ang mukha.
"A-aahhh, ma-masakit n-na..." ang hirap namang wika ni Meng habang nakahaplos sa malaki na nitong tiyan. Ramdam niya ang pagsakit ng tiyan na sinasabayan na rin ng pamamanhid sa bandang balakang. Ang isang kamay niya ay nakahawak sa braso ni Maia na pinapaypayan naman siya.
"T-tara na!" malakas namang sabi ni Calix pagkababa sa hagdanan kasunod si Yñi
