Biglang natawa si Calix sa sinabi ng kaniyang ama.
"Papa, anak ho ni Dr. Saavedra si Maia. Hindi ho asawa," napapailing na sabi ni Calix.
Kaagad namang nakabawi si Don Philip sa narinig.
"Ganoon ba... Nagkaanak pala sila..." turan na lamang ni Don Philip bago ito tuluyang pumasok sa loob ng bahay.
Napakibit-balikat na lang naman si Meng. Pero sa tagal nga ng ugnayan na nila ni Maia, wala siyang masyadong alam sa buhay ng babae. Hindi na rin naman kasi siya nagtatanong pa masyado dahil sa hindi pa rin naman siya handang sabihin din kay Maia ang tunay na kalagayan nila nina Calix at Yñigo.
*******
Masayang nagbibihis si Maia nang araw na iyon. Isang red sleeveless fitted dress ang suot nito. Nakatitig siya sa salamin habang isinusuot ang gold necklace na may heart pendant.
"Magugustuh
