Tatlong araw na rin ang nakakalipas simula ng gimbalin si Meng ng katotohanang si Maia pala ay asawa ni Dr. Saavedra. Sa tatlong araw na iyon ay palagi siyang balisa na napansin ni Calix subalit hindi siya nito magawang tanungin dahil nga sa kasama pa nila roon sina Don Philip at Doña Catrina. Ngunit nakahanda na si Calix na tanungin si Meng kung ano ang ikinababalisa nito dahil pauwi na rin sa Pangasinan ang mga magulang sa araw na iyon.
"Babalik na lamang kami sa ka-buwanan ni Meng. Ako ang magbabantay sa kaniya sa hospital," wika ni Doña Catrina habang nagpapaalam na sila kina Calix at Meng.
"Meng, kanina ka pa walang imik? Kahit simula nung dumating kami rito ang tahimik mo?" puna ni Don Philip dahil nakatingin lang si Meng sa kanila at tila lumilipad ang isip.
"Meng?" untag naman n
