Nakakailang busina na si Calix ngunit wala pa ring nagbubukas ng gate. Nagpasya na lamang siyang bumaba upang buksan ang gate. Hindi niya kasama si Yñigo sa kadahilanang nagtalo pa sila kanina sa hotel. Tungkol pa rin sa sitwasyon nila lalo na kapag dumarating doon ang kaniyang mga magulang. Hindi niya lang din kasi maintindihan si Yñigo dahil kung kailan kaunting panahon na lamang ay saka pa ito nagkaganoon.
"Meng," bahagya pang tawag ni Calix habang binubuksan niya ang gate. Mag-a-alas kuwatro na kasi nang hapon at nasanay siyang nasa ibaba o sa kusina lamang lagi si Meng kapag ganoong mga oras.
Bumalik na rin kaagad si Calix sa sasakyan upang tuluyan iyong maipasok. Siya na rin ang nagsara muli ng gate dahil wala pa ring Meng na lumalabas. Nagtataka man ay inisip na lamang ni Calix na
