Nagtataka si Yñigo habang kausap si Maia nang mga sandaling iyon. Paminsan-minsan kasi ay nawawala sa linya si Maia at tila nag-iisip. Sinundo siya ni Calix doon kanina subalit hindi siya sumama. Talagang inatake siya ng self-pity nang dumating doon ang mga magulang ni Calix. Pakiramdam niya ay isa siyang taong may sakit na nakadidiri kaya hindi pa rin siya maiharap ni Calix sa mga magulang. Aminado siya sa sarili na hindi dapat siya nagpakita ng ganoon attitude sapagkat alam niya namang mananatili ang ganoong sitwasyon nila hangga't hindi pa nagkakaroon ng anak si Calix na maipapakilala sa mga magulang nito. Kasabay ng pagpayag niya na maging daan upang mabuntis si Meng na pinakasalan ni Calix, alam niyang mas magiging masakit sa kanilang tatlo. Pero hindi niya lang talaga naiwasang makar
