Hindi alam ni Meng kung paano sila nakabalik ni Calix sa bahay ng mga ito. Hindi niya na nagawang tanungin o usisain pa si Hazel tungkol sa pagkamatay ni Irene. Masyado siyang nagulat at hindi makapaniwala sa nalaman.
Nagkulong siya sa kuwarto at hinayaan naman siya ni Calix. Umiyak lang siya nang umiyak at grabe ang pagkamuhing nararamdaman niya para sa kaniyang sarili. Hanggang sa makatulugan na niya ang labis na pag-iyak sa nabalitaang patay na ang dating kasintahan na una niyang minahal nang sobra.
Nagising lang bigla si Meng dahil sa sunod-sunod na pagkatok sa pinto at pagtawag ni Calix mula sa labas.
"Meng! Meng!" ang malakas na boses ni Calix.
Dali-daling bumangon si Meng dahil nahalata niya ang takot sa boses ni Calix. Si Baby Armina kaagad ang pumasok sa isip niya.
"Meng, si
