Inilapag ni Meng ang meryendang inihanda para sa mga magulang ni Calix. Nandoon na rin si Calix sa sala at nakaupo kaharap ang mga magulang.
"Hindi ho ninyo sinasagot ang mga tawag ko noong nakaraan pa," dinig ni Meng na saad ni Calix matapos maibaba sa mesang naroon ang meryendang inihanda.
"Can I have coffee?" baling ni Don Philip kay Meng bago pa sagutin si Calix.
"Ah sige po, p-papa. Kayo po mama? Kape rin po ba ang gusto ninyo?" tanong ni Meng. Softdrinks kasi ang iniharap ni Meng sa mga ito.
Umiling si Doña Catrina, "Ayos na ako rito, iha. Maupo ka na rin dito dahil may mga nais kaming pag-usapan natin," seryosong aniya.
Kahit papano ay nakaramdam ng kaba si Meng sa sinabing iyon ng biyenan niya. Bago siya umupo sa tabi ni Calix na blanko lang ang ekspresyon ng mukha, nagpunta m
