Nagtatanong ang mga mata ni Meng kay Dr. Saavedra. Sinubukan niya ring tawagan si Maia subalit hindi na nag ri-ring ang numero nito.
"A-asawa mo ba talaga si Maia?" tanong ni Meng sa doktor.
"His wife is dead. Kung bakit Maia Saavedra rin ang pangalan ng babaeng iyon, hindi ko alam. Maliban na lamang sana kung anak niya ito," si Don Philip muli ang sumagot.
Napatingin na lamang si Dr. Saavedra kay Don Philip. Tunay na magkakilala ang dalawa dahil naging magkaibigan ang mga ito noon. Nag-aral sila sa iisang eskwelahan sa Manila. Si Maia Saavedra ay unang niligawan ni Don Philip subalit si Dr. Saavedra ang natitipuhan ni Maia noon. Maluwag namang tinanggap ni Don Philip iyon. Hanggang makapagtapos nga sila sa pag-aaral at makilala ni Don Philip si Doña Catrina sa Pangasinan noon kung saan
