تبادل حياه

بدءت القصه بفتاه جالسه علي سريرها في غرفتها ترتجف من الخوف وتبكي كلما سمعت صوت صراخ والدها علي امها وتضع يدها علي ٱذنها حتي لا تسمع صوت ض*ب ابيها لامها ،فكل ليله يعود والد ويبدء بالصراخ علي اسباب تافه وبدون سبب ويظل يض*ب أمها وأحيانآ يض*بها ، وها هي تسمع صوت صراخ امها من كثرة الآلام ولا تستطيع فعل شيء أخفضت حبيبه رأسها وظلت تبكي وبعد ساعات..... تجد حبيبه أمها تفتح باب الغرفه وتدخل كان وجهها مليء بالدماء وجسمها مليء بالكدمات حتي أنها لا تستطيع التحرك في حين أن والدها ذهب لينام . حبيبه وهي تبكي:- ماما لم تستطع زينب (والدتها) الوقوف من كثرة الألم حتي وقعت علي الارض ، ركضت حبيبه إليها وساعدتها علي النهوض حتي اوصلتها للسرير حبيبه:- ماما لازم نمشي من هنا، انا مش بقدر اشوفك كدا زينب (امها) في صوت منخفض مليء بالبكاء:- هنعمل كدا بس لما تدخلي الجامعه ، هنمشي من هنا حبيبه:- لا ، انا عايزه امشي من البيت دا ومش عايزه اشوف الراجل دا تاني زينب:- مش وقته يا حبيبه ، سبيني انا تعبانه اوي نامت زينب من كثره التعب ، وهاهي حبيبه ممسكه بالادويه وتعالج جروح امها وهي تبكي من حالة والدتها وتعرف انها تتحمل كل هذا من أجلها ثم ضمت حبيبه والدتها ونامت بجوارها " حبيبه فتاه تبلغ من العمر 18 سنه كانت بأخر سنه قبل الجامعه كانت فتاه هادئه وجميله وكل أمانيها هو الالتحاق بكليه الطب وان تعيش مع والدتها بسلام" من ناحيه أخري.... كانت فتاه مليئه بالنشاط تتحدث مع والدها علي الهاتف امل:- بابا انت فين؟ ياسر(والدها):- هكون فين في الشغل انتي نسيتي أن ابوكي دكتور يا امل ههههه امل:- عارفه بس هتيجي أمتي انا مستنياك علشان ناكل سوا ياسر:- انا ممكن أتأخر النهارده كلي انتي يا حبيبتي امل:- لا انا هستناك ياسر:- خلاص علشان خاطرك هحاول اخلص واجي امل:- ماشي يا بابا متتأخرش يلا مستنياك "امل تبلغ من العمر 18 عام أيضآ ووالدتها متوفيه ووالدها صاحب اكبر مستشفي كما أنه من اشهر الأطباء المتميزين في مجال الجراحه وكانت امل مخطوبه لابن صديق والدها أدم وكان في نفس عمرها وتحبه كثيرآ" امل:-طلما انا قاعده كدا هتصل بأدم امل:- الو ادم:- اي يا امل امل:-هو في حد بيكلم خطيبته كدا ادم في نفسه:- مش هخلص النهارده ثم قال لها:- احنا في اخر سنه لازم نذاكر كويس انا دلوقتي مش فاضي امل:-انت بتذاكر كتير ليه خليك زي كدا بذاكر قبل الامتحان بيوم ههههه ادم:- انا هقفل ، ورانا مدرسه بكره يلا سلام انهي ادم المكالمه امل:- اي دا هو فقل في وشي كدا عادي أمسكت امل بالهاتف وقالت:- أنت يا رخم دايما مبتتكلمش غير في الدراسه ، بس انا بحبك علشان كدا هسمحك هههه كان ادم يحب امل ولكن والده ارغمه علي خطبت امل امل:- شوفوا كمان اللي أتأخر وقال هيجي بدري عاد والدها وكانت امل واقفه أمام الباب امل:- انت عارف الساعه بقيت كام ياسر:- انتي واقفه كدا ليه عدي ،معلش يا حبيبتي بس كان في عمليه مهمه ومعرفتش الغيها بس هعوضك بكره بعد المدرسه هنروح ناكل مع بعض بيتزا اللي انتي بتحبيها امل في نفسها:- بيتزا ، ماشي يا بابا هعديها المره دي بس هنقضي اليوم كله سوا ياسر:- اكيد ، يلا بقا علشان انا تعبان وهموت وانام ، وانتي روحي سريرك يلا مش وراكي بكره مدرسه امل:- هو انت وآدم مش بتتكلموا غير عن المدرسه ،ماشي ماشي هنام في صباح اليوم التالي... استيقظت حبيبه وقامت بإعداد الفطور لامها قبل ذهبها الي المدرسه ثم استيقظ والد حبيبه ويقول لها:- امك فين ! حبيبه وهي ترتجف:- لسه نايمه طارق(الاب):- بتقولي اي هي ال**لانه دي لسه نايمه أمسكت حبيبه بقدم والدها وتقول له:- سيبها نايمه وانا هعمل اللي انت عاوزه طارق:- امشي من وشي ثم أبعدها بعنف من أمامه وإذ يذهب الي زينب ويفتح الباب بشده ويقول:- اصحي يا **وله نهضت زينب ولكن ببطء فهي لا تستطيع التحرك ذهب طارق نحوها وقام بصفعها ويقول:- بقولك قومي حبيبه وهي تبكي:- بالله عليك يا بابا سيبها ومتض*بهاش زينب:- حبيبه روحي مدرستك دلوقتي طارق:- هههه دي لسه بتتكلم كانت حبيبه غاضبه بشده من رؤية والدها هكذا ثم صرخت في وجهه وتض*به وتقول:- امشي من هنا ابعد عن ماما، مش عايزاك في حياتنا احنا عملنا اي ، انا بكرهك اوي طارق:- انتي بتقولي اي انتي فعلا متربتيش أمسكت طارق شعر حبيبه وجرها في حين تقف امها وتقول في بكاء:- سيبها مش هتعمل كدا تاني يا طارق طارق:- ابعدي من هنا ثم أبعدها عنه ، ويقول:- انا هعلم البت دي التربيه ثم قام طارق بحبس حبيبه في غرفه مظلمه واغلق الباب طارق وهو يوجه كلامه الي زينب:- انتي عارفه لو فتحتلها حبيبه:- طلعيني يا ماما ، انا خايف اوي زينب:- هات المفتاح يا طارق طارق:- انتي بترفعي صوتك علي مين وحين اقترب لض*بها أمسكت زينب يده وقالت:- انا استحملتك كتير بس انا مش هخليك تعمل حاجه في بنتي أخذت زينب المفتاح وفتحت لحبيبه ضحك طارق وقال:- انتي اللي طلبتي امسك طارق يد زينب ودخل المطبخ واشعل الغاز ليضع سكين عليه زينب:- سيبني انا همشي من هنا انا وبنتي طارق:- مش هتروحي في حته وأثناء المشاجرة بينهم اصدمت رأس زينب بحافة في المطبخ وظل الدماء ينزل من رأسها حبيبه في صراخ:- ماما ، ساعدوني حد يلحقنا في حين ركض طارق وذهب من البيت وفجأه يشتعل المنزل بالنيران تصرخ حبيبه فالنيران أحاطت بها من كل جهة وامها ممددة علي الارض لا تتحرك حاول الجيران فتح الباب حتي وصلت المطافي أخذت حبيبه وزينب الي المستشفي من ناحيه اخري..... انهت امل دوام مدرستها وهاهي تنتظر والدها ولكنه تأخر هذه المره أيضآ لذلك قررت الذهاب إليه وفي طريقها كانت تحاول الاتصال به وأثناء ذلك إذ بسياره تصدم امل وصلت سيارات الإسعاف الي المستشفي كان الطبيب ياسر واقف ليري المرضي ويصف المساعد الحاله أنها فتاه تعرضت للحريق هي ووالدتها وحاله تعرضت لحادث وإذ تصل سياره بها حبيبه والاخري بها امل .....