HINDI kumilos si Angelique. Inisiip niya kung anong move ba ang dapat niyang gawin. Ayaw niyang magmukhang garapal sa pang-aakit niya dito. Pumikit siya. She silently prayed that their nearness was enough to make him notice her.
“Masarap palang katabi kang ganito,” sabi ni Chris.
“Mag-ingat ka sa akin. Baka matinik ka.” Nasabi na niya iyon nang maisip na mali yatang iyon ang sinabi niya. So much for her seduction plan. Paano niya ito mase-seduce sa ganoong pangungusap? Ang husay mo, Angelique, buska niya sa sarili.
“Hindi ka naman pala ganoon kabuto-buto,” sabi ni Chris na kumapa sa bewang niya. “You have some curves. You’re just the slim type.” Pinisil nito ang makitid na parte niyon bago humagod pababa sa balakang niya.
She closed her eyes. Ninamnam niya ang masarap na pakiramdam na
