Nagising si Mae dahil sa mahihinang katok sa pinto.
Inaantok pa siya ngunit dahan-dahan na siyang bumaba mula sa kama saka idinilat ang mga mata.
Hahakbang na sana siya nang maalala niya ang nangyari sa kanila ni Dom kani-kanina lang at agad siyang napatingin sa sarili at nagtaka pa siya dahil suot na muli niya ang damit pantulog niya. Nilingon niya ang kama at ang banyo at nakitang walang bakas ni Dom saan man sa kwartong iyon.
Patuloy ang pagkatok sa kwarto kaya agad na niyang tinungo ang pinto at binuksan iyon.
“Ma’am, pasensya na po. Ibinilin kasi ni Sir Dom na dalhan na lang po kayo rito ng pagkain pag di pa rin kayo bumaba para sa pananghalian.”
Pananghalian?
Agad siyang napatingin sa wall clock na naroon sa kwarto nila ni Dom at nanlaki ang mga mata niya nang makitang alas
