"Ano Kuya, tara na?! Parang ayaw mong umuwi ah!" pang-aasar na wika ni Connor sa nakakatandang kapatid ng makita itong patingin tingin sa mga taong nagdaraan na para bang may hinahanap.
"Oo na, andiyan na!" ani naman ni Clark matapos magbigay ng huling sulyap sa buong isla. Mukhang hindi na nga niya makikita pang muli ang dalaga. Kahit sina Ashton at Nene ay hindi rin niya nakita kaya naman mas lalo pang nalungkot ang binata.
Batid niyang wala na itong balak na magpakita pa sa kanya dahil sa nangyari kagabi. Maging sina Ashton at Nene ay hindi na rin niya nakitang nagagawi sa dalampasigan na para bang nahawa na rin sa dalaga sa pagiging mailap.
"Don't tell me may babaeng nakabihag ng pihikan mong puso Kuya?" pang aalaska ni Connor ng sumakay ang binata sa kotse na maghahatid sa kanila
