TERESA
Naghahanda na kami ni Drevon sa pag-alis. Wala na siya rito sa loob ng silid pagkalabas ko ng banyo. Alam kong kagabi pa iyon naiinis dahil sa nangyari. Walang magandang nangyari dahil nag-away lang kaming dalawa. Nagtalo kaming dalawa kagabi at ngayon ay wala ng pansinan. Parang namiss ko tuloy ang kan'yang kakulitan. Siguro, kung may mangyari man sa aming dalawa, tiyak na lulundag iyon sa tuwa. Ikaw ba naman ang lalaki kung makascore, hindi ka ba matutuwa?
Abala naman ako rito sa kama habang pinapahiran ko ng lotion ang makinis kong balat. Tanging tuwalya lamang ang nakatapis sa aking katawan dahil inuuna ko talaga ang magpahid ng lotion bago ako magbihis.
Maya't-may pa ay may kumatok sa pinto. Tinungo ko ang pinto at binuksan. Si Drevon ang bumungad sa harapan ko. Nagulat ako
